Qatar
2024/02/26 - 09:53
Gazan su-eten bat ezartzeko negoziazioak berrabiarazi dituzte Israelek eta Hamasek, Qatarren
Negoziazioaren gertuko iturriek aurreratu dutenez, Israelek mahai gainean jarriko duen zirriborroak sei asteko su-etena proposatzen du, 40 bahitu israeldar eta 200-300 preso palestinar askatzearen truke.
2024/02/14 - 13:34
Israelek Gazan egindako erasoek 103 hildako eta 145 zauritu utzi dituzte azken 24 orduetan
Joan den urriaren 7an gerra hasi zenetik, Gazan gutxienez 28.576 palestinar hil dira, eta zaurituen kopurua 68.291era igo da, iturri berak ziurtatu duenez.
2024/02/13 - 16:56
CIA, Mossad eta Qatar Egipton bildu dira Gazan su-etena eztabaidatzeko
CIAko eta Mossadeko ordezkari nagusiek Egiptorekin eta Qatarrekin batera eztabaidatuko dute ordezkaritza palestinarrak Parisko negoziazioen aurreko proposamena aldatzeko aurkeztu zituen proposamenak.
2023/11/30 - 12:10
Israelek eta Hamasek su-eten humanitarioa egun batez luzatzea adostu dute
Hamasek hamar bahitu askatu ditu ostegun honetan, eta Israelek askatutako preso palestinarren artean gutxienez 23 adingabe eta zazpi emakume daude. Bestalde, hiru pertsona hil dira eta beste sei zauritu dira Jerusalemen tiroz egindako eraso baten ondorioz.
2023/11/28 - 19:23
Qatarrek dio Gazan "su-eten iraunkorra" lortzeko lanean ari dela
"Gure helburua Gazako Zerrendan su-eten humanitario luzeagoa lortzeko akordioa ixtea da", azaldu du Mayed al Ansari Qatarreko Atzerri Ministerioko bozeramaileak.
2023/11/28 - 12:36
Israelek 30 emakume eta haur palestinar kartzelatik atera ditu, eta Hamasek 12 bahitu askatu
Israelek 50 palestinar gehitu ditu kartzelatik atera daitezkeenen zerrendara, tartean Ahed Tamimi ekintzailea. Orain arte, Hamasek 60 israeldar askatu ditu, baita beste 21 atzerritar ere.
2023/11/27 - 18:48
Akordioa itxi dute Gazako Zerrendan su-etena beste bi egunez luzatzeko
Qatarrek, Egiptok eta Hamas Erresistentzia Islamikoaren Mugimenduak berak baieztatu dute beste bi egunez borrokaldiak eteteko akordioa. Orain arte, Israelgo Gobernuak ez du su-etenaren luzapenari buruzko adierazpenik egin.
2023/11/12 - 13:48
Gazaren setioa amaitzea eta Israelek kontuak ematea eskatu dute herrialde arabiarrek eta musulmanek
57 herrialde arabiarretako eta gehiengo musulmaneko estatuburuak ekintzara pasatzeko eta urrats zehatzak emateko asmoa bateratu dute larunbat honetan Riaden egindako larrialdiko goi-bileran, Israelen jokabidearen aurrean Mendebaldeak beste neurri bat erabiltzen duela salatu dute.
2023/11/01 - 15:24
Mikel Ayestaran: ''Qatarren bitartekaritza ezinbestekoa izan da Rafahko pasabidea irekitzeko''
Gerra hasi zenetik lehen aldiz ireki da Rafahko pasabidea Gazatik irteteko. Rafah da une honetan Gazan geratzen den muga bakarra, beste guztiak guztiz itxita baitaude.
2023/02/14 - 21:09
Futbola homofoboa al da?
Aratz Castro Bilbao Bizkaia Harroren koordinatzaileak kolektiboaren ikuspuntua azaldu du, Jakub Janktoren, Getafek utzita Sparta Pragan ari den jokalariaren, adierazpenak eta Qatarreko azken munduko txapelketan gertatutakoa abiapuntu hartuta (jatorrizkoa gaztelaniaz).
2023/01/17 - 19:28
'Qatargate' auziko inputatu nagusiak Fiskaltzarekin akordioa itxi du bere zigorra murrizteko
Horrela, Pier Antonio Panzeri eurodiputatu sozialista ohiak xehetasunak, inplikatutako herrialdeen eta ustelkerian erori zirenen izenak eman beharko ditu, bere abokatuek eta Fiskaltza federalak truke itxitako akordioaren arabera.
2022/12/20 - 13:16
Eva Kailik onartu egin du Europako Parlamentuko ustelkeria delituekin zerikusia duela
Neurri batean, greziar sozialistak onartu egin du "ustelkerian aritu izana", bere aitari dirua ezkutatzeko agindua eman baitzion.
2022/12/19 - 15:45
Giza eskubideen inguruko polemika eta kritiken gainetik negozioa eta espektakulua gailendu dira Qatarren
Emmanuel Macron Frantziako presidentea bart palkoan izan da Qatarreko emirrarekin batera. Messi garaikurra altxatzen ikusi du "Besth" izeneko tunika beltza jantzita, kultura arabiar eta musulmanean murgilduta. Festa eta ospakizun itxura eskasagoa izan zuen Munduko Kopak hasieran.
2022/12/19 - 10:02
Argentinako jarraitzaileak kalera atera dira munduko titulua ospatzeko
Kantu, oihu eta su artifizialen artean, ehunka mila pertsona Buenos Aireseko etorbide nagusian bildu dira, Obelisco inguruan Argentinak lortutako munduko titulua ospatzeko
2022/12/15 - 16:53
Parlamentuko presidenteak 'Qatargate' auziaren inguruko informazioa eman die 27 gobernuburuei
Roberta Metsola Europarlamentuko presidenteak auziaren inguruko xehetasunak eskaini dizkie Hogeitazazpiei. Ordezkariek babes osoa adierazi diote presidentear, eta, Europarlamentuan indarrean jarriko diren neurriak iragarri ditu, ustlkeria saihesteko helburuarekin.
2022/12/14 - 14:06
Qatarreko ordezkariei sarrera oztopatzea eskatu du Euroganberak, Qatargate auzia argitu bitartean
Ostegun honetan bozkatuko dute testua, eta Qatarrekin lotutako espediente oro geldiaraztea eskatzen du.
2022/12/13 - 15:36
Ia aho batez erabaki du Europarlamentuak Eva Kaili kargugabetzea
Bozketa Estrasburgoko egoitzan gertatzen zen bitartean, Bruselan ikerketak irekita jarraitzen du. Belgikako poliziak 20 bat miaketa egin ditu, eta zenbait iturriren arabera dagoeneko milioi bat euro atzeman ditu, eta Roberta Metsola parlamentuko presidenteak zioenez, hau ez da hemen amaituko.
2022/12/13 - 13:24
Kaili presidenteorde kargutik kentzea erabaki du Europako Parlamentuak
Goizean Roberta Metsola Parlamentuko presidenteak jakinarazi du Presidenteen Konferentzia osatzen duten kide guztiek adostu dutela Eva Kaili kargugabetzea, eta Parlamentuak ere hala egin du, eta kargutik kentzea erabaki du.
2022/12/12 - 18:32
Qatarreko eroskeriaren itzalak Europako politikaren oinarriak astindu ditu
Von der Leyenek eskatu du EBko erakundeek "independentzia eta osotasun estandar altuak" bete ditzatela, Kailik bi urtean bere banku-gordailuak bikoiztu zituela jakin den egun berean.
2022/12/12 - 15:24
Belgikako Fiskaltzak hilabeteak zeramatzan Qatarreko mundialaren auzia ikertzen
Bruselako 16 etxebizitza miatu ondoren poliziak besteak beste 600.000 euro atzeman eta 6 lagun atxilotu zituen. Horien artean Eva Kaili, eurodiputatu sozialista greziarra eta Parlamentuko presidenteordetako bat.