Gazan su-eten bat ezartzeko negoziazioak berrabiarazi dituzte Israelek eta Hamasek, Qatarren
Gazan su-eten bat ezartzeko negoziazioak berrabiarazi dituzte asteburuan Israelgo Gobernuko eta Hamas talde islamiarreko ordezkariek Dohan (Qatar). Elkarrizketetan parte hartzen ari dira, baita ere, Egiptoko, Ameriketako Estatu Batuetako eta Qatarko agintariak. Su-eten baterako baldintzak adostea da helburua, bereziki, bahituen eta presoen arteko trukea hitzartuta.
Bejamin Netanyahu Israelgo lehen ministroak atzo, CBS hedabideari emandako elkarrizketa batean, esan zuen Hamasek bere "eskaera burugabeak" alde batera uztea "nahitaezkoa" dela, akordioa lortzeko. Nolanahi ere, ez zuen talde islamiarraren eskarien berri eman.
Israelgo hedabideek zabaldu dutenez, Netanyahuren lantaldea "zuhurra bezain baikorra" da azken bilera hauen aurrean, eta akordioa egon daitekeela uste dute. Asteburuan Parisen egindako bileran, Egiptoko, Israelgo eta AEBko inteligentzia zerbitzuek landutako zirriborroa eramango dute Qatarreko negoziazioetara, eta ikusteko dago Hamasek nola hartuko duen.
Dokumentuaren xehetasunak ez dituzte zabaldu, baina negoziazioaren gertuko iturriek aurreratu dute Israelek mahai gainean jarriko duen zirriborroak sei asteko su-etena proposatzen duela, 40 bahitu israeldar eta 200-300 preso palestinar askatzearen truke.
2023ko urriaren 7an Gazan gerra hasi zenetik, Israelgo Armadak 29.000 palestinar baino gehiago hil ditu, gehienak emakumeak eta haurrak.
Zure interesekoa izan daiteke
Nazio Batuen Erakundeak adimen artifiziala gobernatzeko eskatu die Estatuei eta enpresei: "Giza eskubide guztiak arriskuan daude"
Anthropic, OpenAI eta Google AA autoerregulatzeko segurtasun erakunde bat sortzea aztertzen ari dira, The Washington Post egunkariaren arabera. Donald Trumpek adierazi duenez, berriz, "AAk behar duen kontrol edo segurtasun mekanismo bakarra ni bezalako presidente indartsu eta argia da".
Eskoziak, Galesek eta Ipar Irlandak akordio historiko bat sinatu dute autodeterminazioaren alde
Cardiffen, Galesko hiriburuan egindako bileran independentziari buruzko erreferendumaren alde egiteko estrategia bateratua iragarri dute hiru buruzagiek.
Zentro-ezkerreko oposizioak garaipen estua lortu du Suedian, baina emaitza ez da ziurra oraindik
Hiru eserlekuren aldea baino ez du, 176 173ren kontra, eta ostiralerako espero da behin betiko emaitza, atzerritik iritsitako botoak zenbatuta. Ultraeskuinak indarra galdu du, eta Alderdi Kontserbadorearen atzetik geratu da.
Eskozia, Gales eta Ipar Irlandako liderrek independentziaren aldeko memorandum bat sinatuko dute gaur
Trumpek Irlandaren bateratzea laster gertatuko dela esan eta biharamunean iritsi da iragarpena. AEBko presidentearen adierazpenak oso kritikatuak izan dira Erresuma Batuan.
Zentro-ezkerreko oposizioko blokeak irabazi ditu Suediako hauteskundeak, inkesten arabera
Zentro-ezkerrak botoen % 51,3 eskuratu ditu eta Ulf Kristersson lehen ministro kontserbadoreak, berriz, % 46,8, SVT telebista publikoak egindako inkesta baten arabera.
AEBko Kongresuko demokratek IAren garapena geldotu nahi dute, sektoreko buruen alarmaren ostean, baina Trumpek esan du ez dela "gertatuko"
Asteartean bilera egingo dute Behe Ganberako demokratek, eta bertan "lehentasun garrantzitsu bat adimen artifizialaren inguruko ekintza izango da", aurreratu dute.
500 kolono israeldar inguru sartu dira Al Aksa meskitara juduen Urteberriko ospakizunetan
1967tik indarrean dagoen statu quoaren arabera (Israelek Ekialdeko Jerusalem okupatu zuenean), esparru hori musulmanen gurtzarako baino ez da, eta juduak bisitari gisa baino ezin dira sartu.
Ukrainak eta Errusiak elkarri eraso diote: bi pertsona hil eta dozenaka zauritu dira
Ukrainako indarrek Errusia ipar-mendebaldean eragin dituzte bi heriotzak, Nizhnekamsk udalerrian. Moskuk droneak erabiliz eraso dio Kievi, eta gutxienez bost lagun zauritu ditu. AEBren arabera, baina, bi herrialdeek nahi dute gatazka konpondu.
Trumpek esan du "gustatuko" litzaiokeela Irlanda batzea: "Lehenago edo geroago gertatuko da"
Irlandan dago egunotan AEBko presidentea, eta bertan egin ditu adierazpen polemiko horiek. Erreakzioak erreskadan etorri dira.
BRICSeko herrialdeek Ekialde Hurbilean neurriz jokatzea eta alde bakarreko zigorrak baztertzea erabaki dute
Indian bilduta, herrialde horiek 140 puntuko adierazpen zabal bat adostea lortu dute, eta, besteak beste, elkarrekin lan egiteko konpromisoa hartu dute, "merkataritzaren eta energiaren fluxua babesteko".