Sanferminak

2023/07/10 - 16:43

15 sexu eraso salatu dituzte sanferminetan, Batzorde Lokalaren arabera

Bien bitartean, Mugimendu Feministak salatu du 20 bat sexu eraso izan direla. Iratxe Alvarezek nabarmendu du uztailaren 8an, intentsitate handiko erasoa gertatu zela Iruñeko Zabalguneko etxebizitza batean, hain zuzen ere Gazteluko Plazako puntu morean artatu zutena.

2023/07/10 - 16:17

Lehen lau egunetako jendetzaren ostean, gaur etxekoentzako eguna da sanferminetan

Aurtengo sanferminek asteburu bakarra izango dutenez, jendetza ibili da azken egunetan Nafarroako hiriburuan. Gaur nabarmen jaitsi da bisitari kopurua eta giroa lasaiagoa da.

2023/07/10 - 15:52

Fuente Ymbroko zezenek entzierro arin eta arriskutsua egin dute

Zazpi korrikalari eraman dituzte ospitalera jasotako kolpeengatik. Unerik arriskutsuenak Estafetan izan dira, zezen gaztainkara batek hainbat korrikalari altxatu baititu airean.

2023/07/10 - 15:13

Haurren eguna ospatzen ari dira Iruñean

Goizean goizetik erraldoi eta buruhandiekin gozatu ahal izan dute etxeko txikienek. Familiek San Fermin santuari loreak eskaini eta irudiarekin argazkia ateratzeko aukera ere izan dute.

2023/07/10 - 10:46

2023ko sanferminetako laugarren entzierroa, iruditan

Sanferminetako laugarren entzierroa arina eta arriskutsua izan da, eta Fuente Ymbroko zezenak izan ditu protagonista. Adardunek 2 minutu eta 22 segundoan egin dute ibilbidea. Unerik arriskutsuena Estafetan izan da, zezen gaztainkara batek korrikalari bat altxatu du adarrarekin.

2023/07/10 - 09:56

Albiste izango dira: Hegaluzearen kostera, hilketa matxistak, sanferminetako erasoen kontrako bilkura

Gaurkoan albiste izango direnen laburpena, hitz bitan.

2023/07/09 - 16:26

Asteburuari azken zukua ateratzen sanferminetako igandean

Eguneko giroa da askorentzat kutunena, eta halaxe ari dira aprobetxatzen. Beste batzuentzat, ordea, etxera itzultzeko eguna da, datorren urtean bueltatzeko prest.

2023/07/09 - 15:15

Hirugarren entzierroak, Cebada Gagorenak, adarkatu bat utzi du

Entzierroko protagonista nagusia zezenetako bat izan da, hasieratik ziztu bizian atera baita zezen taldea luzatuz. Bost zauritu daude, eta horietako batek adarkada jaso du.

2023/07/09 - 15:07

Labanaz zauritu dute gazte bat Iruñeko Media Luna inguruan

Biktima ospitalera eraman dute, pronostiko erreserbatuarekin, eta Polizia Nazionalak ikerketa ireki du erasotzailea atxilotzeko.

2023/07/09 - 13:13

Korrikalari mexikar bat salatu dute entzierroan korrika ari zela bere burua grabatzeagatik

Foruzaingoak gogorarazi du entzierroaren ordenantzak debekatu egiten duela entzierroan korrika zoazela mugikorrarekin grabatzen aritzea.

2023/07/09 - 11:35

Bi pertsona espetxeratu dituzte Iruñeko Foruen plazan sakelako telefonoak lapurtzeagatik

Bestalde, Foruzaingoak bi pertsona atxilotu zituen Gorraizen, su artifizialen zarata aprobetxatuta etxeetan lapurretan egiteko prestatzen ari zirela.

2023/07/09 - 11:31

Villavesako gidari bat ospitalera eraman behar izan dute, beroagatik sinkopea izanda, lanean ari zela

Larunbateko 18:30 aldera, autobusa gelditu, jaitsi eta markesina batean eseri zen gidaria, ondoezik, eta zorabiatu egin zen ondoren. Bidaiari bat medikua zen eta hark artatu zuen anbulantzia etorri arte.

2023/07/09 - 11:12

2023ko sanferminetako hirugarren entzierroa, iruditan

Sanferminetako hirugarren entzierroa arriskutsua eta masiboa izan da, eta Cebada Gago zezen beldurgarriak izan ditu protagonista. 2,53 minutuko entzierroak zauritu bat utzi du adarkadaz eta lau kolpatu.

2023/07/08 - 16:32

Sanferminetako larunbatean, giro beroa eta jendea gainezka

Familiak, koadrilak, zaharrak, gazteak… Guztiak bertaratzen dira festan murgiltzeko prest.

2023/07/08 - 16:26

Emakumeen kontua ere bada entzierroa

Lasterka egitera ausartzen dira alde guztietatik iritsitako gero eta emakume gehiago. Oraindik, hala ere, oso portzentaje txikia dira.

2023/07/08 - 13:33

Lau pertsona salatu eta hiru atxilotu dituzte sexu erasoengatik sanferminetan

Cristina Ibarrola alkateak esan duez, hori kenduta festa "oraingoz lasaitasunez" ari dira ospatzen sanferminak, eta "jende asko eta giro ona" nagusitzen ari da.

2023/07/08 - 12:40

Sanferminetan ondo hidratatzeko deia egin dute, Iruñean egongo den tenperatura altuagatik

"Egun zailak izango dira, bero handiarekin eta jende askorekin", adierazi du Nafarroako Unibertsitate Ospitaleko zuzendariak.

2023/07/08 - 11:22

Escolarren zezenek zirrara eta abiadura jarri diote sanferminetako bigarren entzierroari

2 minutu eta 20 segundoan egin dute ibilbidea, eta zezen bat joan da buruan uneoro. Lau zauritu eraman dituzte ospitalera, baina larritasunik gabe.

2023/07/08 - 10:57

2023ko sanferminetako bigarren entzierroa, iruditan

Jose Escolar ganadutegiko zezenek emozioa jarri diote lasterketa azkar bati 2023ko sanferminetako bigarren entzierroan. Lasterketa jendetsua izan da, larunbatetan gertatu ohi den bezala. Gutxienez 4 pertsona eraman dituzte ospitalera, horietako bat, antza denez, adarkadaz zaurituta.

2023/07/07 - 21:15

Txingor zaparrada Iruñean, sanferminetako egun handian

Txingor zaparrada handia bota du arratsaldeko lehen orduan Iruñean, San Fermin Egun Handian, eta hiriko kaleak hustu ditu.