Escolarren zezenek zirrara eta abiadura jarri diote sanferminetako bigarren entzierroari
Jose Escolar Avilako ganadutegiko zezenek zirrara jarri diote 2023ko sanferminetako bigarren entzierro azkar eta jendetsuari. Zaurituen balantzearen arabera, lau eraman dituzte ospitalera, eta batek adarkada jaso du, baina gorputzean sartu gabe.
Eguraldia lagun, ibilbidea 2 minutu eta 20 segundoan egin dute zezenek, buruan zezen bat zihoala. Horrek ireki die bidea anaiei eta abiadura eta arriskua eragin du, Estafeta kalean bereziki.
Santo Domingoko aldapa ziztu bizian igo dute zezenek, eta korrikalariek tarte horretan lekua zuten oraindik mugitzeko. Mercadereseko bihurgunean, berriz, une arriskutsua bizi izan da, zezenetako batek korrikalari batzuk jazarri baititu, eta horietako bat erori denean, hormaren kontra izan du une batez.
Zezenak luze eginda sartu dira Estafeta kalean, bi zezen beltz buruan zirela, eta korrikaldi politak ikusi ahal izan dira, korrikalariak zezenen adarretara gerturatu ahal izan direlako. Baina segituan zezen bakar bat jarri da aurrealdean, gainerakoak gidatzen, eta eroriko asko izan dira jendez lepo zegoen kalean.
Telefonicako bidea ere zezen beltz bat buruan zela egin dute, eta hor ikusi ahal izan da gaurko entzierroko irudi ederrenetako bat, korrikalari batek zezenaren adarra bizkarrean itsatsita zuela korrika.
Zezenak, azkenean, laguntzarik behar izan gabe sartu dira zuzen-zuzenean zezen plazako ikuiluan, arratsaldean Fernando Robleño, Juan del Alamo eta Borja Jimenez toreatzailei aurre egin baino lehen.
Oraingoz, osasun zerbitzuek lau pertsona eraman dituzte ospitalera, baina ez daude larri. Horietako batek adarkada jaso du, baina ez dio gorputzean sartu. Beste bik kolpeak jaso dituzte buruan eta bularrean.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.