Ukrainako gerra

2024/08/21 - 15:05

Ukrainako Armadak droneak jaurti ditu Moskuren aurka, gerra hasi zenetik egindako eraso handienean

Errusiako Segurtasun Kontseiluko presidenteordeak Errusiako agintariei ohartarazi die Kursk eskualdearen aurkako erasoaldiarekin jarraituz gero "hilkutxa gehiago" egongo direla.

2024/08/18 - 20:47

Ukrainarrak indarra hartzen ari dira Errusian, eta errusiarrek aurrera jarraitzen dute Ukrainan

Ukrainako tropek aurrerapena moteldu dute azken egunotan, baina azpiegiturei eraso diete. Kursk eskualdeko bi zubi suntsitu dituela jakinarazi du Ukrainak.

2024/08/17 - 13:36

Ukrainak Errusiako Kursk eskualdeko zubi bat suntsitu du

Ukraina aurrera egiten ari da Errusian barrena. Errusiako Atzerri Ministerioak salatu duenez, Seim ibaiko zubi bat suntsitu dute, Gluxkovski barrutian, Mendebaldeko armak erabilita. Irudiak: Mikola Olextxuk, Ukrainako Aireko Indarren komandantea.

2024/08/16 - 21:24

Ukrainak Kurskeko erasoaldiari eusten dio, Errusiak Donbasseko frontean aurrera egiten duen bitartean

Kievek emandako azken datuen arabera, Ukrainak 80 udalerri eta 1.150 kilometro karratu baino gehiago kontrolatzen ditu Kursken. Donetsken, ostera, Pokrovsk barrutiko agintariek onartu dute Errusiako tropak 10,5 kilometrora baino ez daudela.

2024/08/16 - 13:11

Ukrainak Kurskeko erasoaldiaren hasierako lehen irudiak erakutsi ditu

Ukrainako Armadak lehen aldiz erakutsi ditu abuztuaren 6an Errusiako Kursk eskualdean hasitako erasoaldiaren irudiak. Horri esker, Kievek 1.000 kilometro koadroko eremua kontrolpean hartu duela uste dute.

2024/08/14 - 17:58

Ukrainar bat atxilotzeko agindua eman du Alemaniak, NordStreamen aurkako sabotajearekin zerikusia duelakoan

Atxilotzeko agindua eman zaion pertsona urpekaritza-instruktore bat da, "Vladimir S." izenekoa, baina Poloniak ez du agindua bete, nahiz eta Varsovia eta Berlin susmagarriaren etorkizunari buruz eztabaidatu.

2024/08/14 - 10:08

Albiste izango dira: Abuztuko zubia, ekaitzak Euskal Herrian eta bigarren Donostia Saria

Gaurkoan albiste izango direnen laburpena, bi hitzetan.

2024/08/12 - 23:07

Ukrainak 28 herri hartu ditu Kursken, eta Errusiak aurrera egiten jarraitzen du Donetsken

Kursk mugako eskualdeko gobernadoreak aitortu duenez, Kieveko indarrak 12 kilometro sartu dira 40 kilometroko zabaleran.

2024/08/12 - 13:25

Zaporizhiako zentral nuklearrean sua piztea leporatu diote elkarri Ukrainako eta Errusiako agintariek

Errusiako iturrien arabera, sutea erabat itzali dute. Zelenskik, bere aldetik, neurtutako erradiazio maila normala dela esan du, baina Ukrainak zentralaren kontrola berreskuratu arte ez dela egoera normalduko. Halaber, Errusiako Kursk eskualdeko barruti bat jendez husteko eskatu dute agintariek.

2024/08/07 - 20:28

Ukrainak Errusiako Kursk eskualdeari eraso dio, eta Mosku eusten saiatzen ari da

Errusiako eta Ukrainako tropak bigarren egunez jarraian borrokatzen ari dira mugako eskualdean. "Jakina denez, Kieveko erregimenak probokazio berri eta handi bat egin du", salatu du Putinek.

2024/08/02 - 22:41

Zer ekarriko dio presoen truke handiak Ukrainako gerrari?

Nahia Sanzo soziologo eta kazetariaren arabera, AEBk, Errusiak eta aliatuek egindako presoen truke handiak tentsioa baretzea ekar lezake, baina, negoziazioak hurbilago egon daitezkeen arren, Errusiaren eta Ukrainaren arteko jarrerak oso urrun daude.

2024/08/02 - 18:57

Ukrainarren % 57k uste dute Errusiarekin negoziatzen hasi behar dutela, inkesta baten arabera

Aitzitik, Kieveko Nazioarteko Soziologia Institutuak galdetutakoen % 38 negoziazioa abiatzearen aurka agertu ziren. Gainera, % 66k adierazi zuten Ukrainak bere lurralde guztiak berreskuratu behar dituela, eta % 70ek baino gehiagok errefusatzen dute NATOn eta EBn sartzeari uko egitea.

2024/07/31 - 22:57

Zelenskik uste du posible dela konponbidea aurkitzea "bide diplomatikotik, Errusiak hala nahi badu"

Ukrainako presidenteak, azkenaldian egin duen bezala, bide diplomatikoan sakontzearen alde egin du, eta azaroan bakeari buruz egingo den bigarren goi-bileran "Errusiako ordezkariek parte hartu behar dutela" erantsi du.

2024/07/25 - 16:17

Svieta Kaschena margolaria, arte terapeuta eta Pasaiako udaltzainak Ondarretako bere etxean hartu gaitu

Margotzeak minak arintzen lagundu diola kontatu digu. Hil zaizun etxeko norbait pintatzeak, zulo hori betetzen duela dio eta aurrera egiten laguntzen duela. Ukraina Euskadi Elkartearen bidez errefuxiatuentzat pintura tailerrak ematen hasiko da berriz ere udazkenean.

2024/07/11 - 21:19

Ukrainak dio NATOk "benetako aurrerapausoa" eman duela bera kide egiteko bidean

Etorkizunean integratzeko eta "Errusiaren inbasioari aurre egiten" laguntzeko konpromisoa hartu du Aliantzak Washington egindako goi-bileraren adierazpenean. Errusiak ze neurri hartu aztertuko duela dio. Txina ere haserre dago, "EBrekin dituen harremanak zapuzten" ari direlako.

2024/07/10 - 11:41

Ukrainari laguntza militar handia emanda hasi da NATOko Goi Bilera

Joe Bidenek iragarri zuen Ukrainari aire-defentsa indartzeko "laguntza historikoa" eskainiko diotela Estatu Batuetako, Alemaniako Herbehereetako, Errumariano eta Italiako gobbernuek.

2024/07/08 - 20:13

Gutxienez 36 hildako eta haur-ospitale bat kaltetuta, Ukrainaren aurkako eraso berrien ondorioz

Ukrainako presidenteak adierazi duenez, hainbat eraikin kaltetu dira, besteak beste, haurrentzako ospitale bat. "Hondakinen azpian jendea dago" eta "ez dakigu zenbat zauritu eta hil diren", esan du. NBEk eta EUk erasoak gaitzetsi dituzte.

2024/07/08 - 13:47

Umeentzako ospitale bat kaltetu da Errusiak Kieven aurka egindako eraso berri batean

Gutxienez zazpi hildako eta 11 zauritu daude, eta litekeena da kopuruak gora egitea. Vlodomir Zelenski Ukrainako presidenteak adierazi duenez, "pertsonen, haurren eta, oro har, gizateriaren aurka egindako krimen guztiengatik erantzun beharko du" Errusiak.

2024/07/01 - 14:07

Ukrainako ehun haurrek Euskal Herriko harrera familiekin igaroko dute uda

Ukrainako 108 haur Euskal Herrira iritsi dira uda harrera familiekin igarotzeko, gerratik urrun. Horietatik 36rentzat lehenego aldia izango da. Poloniako mugan 10 ordu baino gehiago geldituta egon ondoren, goizaldean iritsi dira. Nafarroa, Gipuzkoa, Bizkaia eta Arabako etxeetan hartuko dituzte.

2024/06/25 - 23:56

Ukrainarekin eta Moldaviarekin bat egiteko negoziazioak abiatu ditu EBk, gerrak baldintzatuta

Von der Leyenek ohartarazi die Ukrainari eta Moldaviari "bide zaila" izango dela, baina "aukera izugarriak" eskaintzen dituela. Michelek esan du Europar Batasunarekin bat egiteko negoziazioak hastea "urrats estrategikoa" dela.