Gerrako preso guztiak askatzea proposatu du Zelenskik, bakerako lehen pauso gisa
Gerrako preso guztiak, ukrainarrak zein errusiarrak, askatzea proposatu du Volodimir Zelenski Ukrainako presidenteak. Esan duenez, gerrari amaiera hitzartu bat eman eta urratsez urrats negoziazioetan "konfiantza giroa" sortzea nahi du. "Urrats horietan lehendabizikoa litzateke gatibuak libre uztea. Milaka preso daude Errusiak atxilotuta. Askatu egin behar dira guztiak", esan du.
Ukrainako gerraren hirugarren urteurrena dela eta, Kieven egiten ari diren Ukrainari Laguntzeko Nazioarteko Goi-bileran hitz egin du Zelenskik, eta han, baita ere, aldarrikatu du Ukraina NATOn eta EBn sartzea.
Europaren babesa erakusteko, EBko hainbat buruzagi Kieveko goi-bileran ari dira parte hartzen, tartean, Ursula von der Leyen Europako Batzordearen presidentea eta Pedro Sanchez Espainiako Gobernuko presidentea.
Bere hitzaldian, Von der Leyenek 3.500 milioi euroko laguntza agindu du Ukrainarako. "Europa Ukraina babesteko dago hemen. Iragarri dezaket 3.500 milioi euroko dirulaguntza iritsiko dela Europatik Ukrainara martxo aldera", esan du.
Bere aldetik, Sanchezek ere jakinarazi du Espainiak "mila milioi euroko balioa duen laguntza militarra" igorriko duela 2025ean Ukrainara.
Gerrari amaiera emateko, AEBk eta Errusiak elkarrizketak abiatu dituztenean iritsi da Kieveko goi-bilera. Oraingoz, Ukraina eta EB ez daude gonbidatuta elkarrizketa horietan parte hartzera.
Zure interesekoa izan daiteke
Bertan behera geratu da Flotillako euskal aktibistei Loiun egin nahi zioten ongietorria, bi kide erietxean baitaude
Flotillaren ontzietan bidaiatu duten sei euskal herritarrak gaur ziren Euskal Herrira iristekoak. Horietako bi, ordea, Turkian daude ospitaleratuta, atxiloaldian jasandako indarkeriak eragindako lesioengatik, eta ez dira itzuli.
Azken 24 orduetan 31 ontzik Ormuz zeharkatu dutela adierazi du Iranek, Guardia Iraultzailearen "koordinazioarekin"
Ameriketako Estatu Batuek ziurtatu dute 94 ontzi birbideratu dituztela Irango portuetara ezarritako blokeoa betetzeko.
Dagoeneko deportatuta dauden Flotillako aktibistek haien kontrako indarkeria areagotu egin dela salatu dute
Gazara bidean zihoazela Israelek nazioarteko uretan atxilotu dituen 430 ekintzailetatik gehienak (guztiak atzerritarrak, Israelgo emakume bat izan ezik) Ramongo aireportutik atera dira, Israelgo hegoaldeko muturrean, Turkiak jarritako hiru hegazkinetan. Ekintzaileek Israelek haien kontra erabilitako indarkeria maila salatu dute.
Suak erabat suntsitu du Japoniako Reikado tenplu budista historikoa
Kukai monje budistari eskainitako tenplua 806. urtean eraiki zen Misen mendian, Miyajima uhartean, eta ordutik piztuta egon da bertan "betiereko sugarra" deitua, 1.200 urtez etengabe piztuta egon den sugar sakratua. Su horrekin piztu zen Hiroshimako Bakearen Parkeko sugarra 1964an, munduko bonba nuklear guztiak desagertu arte piztuta egongo dena. Ez da inor zauritu, baina ondare-galera ordezkaezina da.
AEBren eta Kubaren arteko tentsioa areagotu egin da Raul Castroren auzipetzearekin: Washingtonek hegazkin-ontzi bat jarri du Karibean
Auzipetzearekin batera esku-hartze militar baten mamua berpiztu da uhartean; izan ere, Nicolas Maduro ere auzipetu egin zuten Venezuelako operazio militarra abiatu aurretik.
Israelek Flotillako ekintzaile solidarioak umiliatu egin ditu
Itamar Ben Gvir Israelgo Segurtasun Nazionaleko ministro ultraeskuindarrak argitaratutako bideo batek protesten erauntsia eragin du, ministroak atxilotuei emandako tratua dela eta.
AEBk Raul Castro Kubako presidente ohia inputatu du, 1996an bi hegazkin eraisteagatik
Duela berrogei urte, Kubako ehiza-hegazkinek Floridako itsasartean Anaia erbesteratuen Erreskaterako erakundeko bi hegazkin txiki eraitsi zituzten, eta lau pilotu hil ziren.
Hilabeteak beharko dira ebolaren azken agerraldiaren aurkako txertoa lortzeko, baina arrisku globala "txikia" da, MOEren arabera
Hala ere, nazio eta eskualde mailan birusa zabaltzeko arriskua altua dela azpimarratu du Munduko Osasun Erakundeak.
Txinak aldarrikatu du Errusiarekiko harremanak "inoizko mailarik altuenean" daudela
Xi Jinping Txinako presidenteak ohore guztiekin hartu du Vladimir Putin Errusiako presidentea. Donald Trumpek Txinara egindako bisitaren ostean, bi potentziek harremanak estutu dituzte eta hogei bat akordio eta memorandun sinatu dituzte. Horrez gain, “oihanaren legea” berriz nagusitzeko arriskuaz ohartarazi dute
Trumpen gerra botereak mugatzeko eta Irandik tropak erretiratzeko ebazpen bat onartu du AEBko Senatuak
Zazpi saiakeraren ostean, AEBko Senatuak ebazpena onartu du: lau errepublikanok lerroak hautsi eta botoa aldatu dute, eta hiruk bozkatzeari uko egin diote. Hala ere, eta Ordezkarien Ganberako bozketan aurrera egingo balu ere, Trumpek betoa jartzea aurreikusten da.