Albiste izango dira: Alemaniako hauteskundeen emaitzak, Berlingo erasoa eta Ukrainako gerrak hiru urte
Honako gai hauek hartuko dituzte gaur, 2025eko otsailaren 24an, hedabideetako lerroburu nagusiak:
- Alemaniako hauteskundeen emaitzak: Batasun Kristau-Demokratak (CDU) eta Bavariako Batasun Sozial Kristauak (CSU) osatutako blokeak (CDU/CSU) irabazi ditu Alemaniako hauteskundeak, botoen % 28,6 lortuta. AfD ultraeskuindarra, berriz, bigarren alderdi bozkatuena izan da, bozen % 20,8 jasota eta duela lau urteko kopurua ia bikoiztuta. Orain arteko kantzilerrak, Olaf Scholz sozialdemokratak, berriz, botoen % 16,4 erdietsi ditu. Ezustekorik ezean, Friedrich Merz kontserbadorea izango da kantziler berria eta nahikoa izango du sozialdemokraten babesa horretarako, berdeen babesarekin.
- Berlingo erasoa: Berlinen labanaz zauritutako bilbotarraren osasun egoerak hobera egin du, familiak EITBri emandako azalpenen arabera. Senitartekoek diotenez, esna dago eta hitz egiten du. Zauriak ditu aurpegian eta lepoan, karotidatik eta jugularretik gertu. Familia biziki eskertuta dago erasoa izan zen tokian zegoen frantses bikote batekin, odoljarioari eutsi ziotelako. Baliteke horrek haren bizia salbatu izana. Halaber, oso eskertuta dago Espainiako kontsulatuak eta Eusko Jaurlaritzak emandako laguntzarekin, baita bertako mediku eta osasun sistemarekin ere.
- Ukrainako gerrak hiru urte: Errusiak Ukraina inbaditu zuela hiru urte bete diren honetan, nazioarteko goi bilera egingo dute Kieven, eta bertan izan dira presentzialki atzerriko 13 buruzagi. Beste 24 buruzagik telematikoi hartuko dute parte bileran. Europako Batzordeko presidente Ursula von der Leyen ere Ukrainako hiriburuan izango da, EBko 24 komisariorekin batera. Gerraren amaiera lortzeko urrats berriei buruz hitz egiteko balioko du goi bilerak, baita gatazka amaitu ondoren Ukrainarako segurtasun bermeei buruz hitz egiteko ere.
Zure interesekoa izan daiteke
Blokeoak eragindako krisi energetikoa muturrera eramaten ari da Kuba
NBEk ohartarazi du gaixotasunak hedatzeko arriskua dagoela, eta 100.000 pazientek baino gehiagok ebakuntzak atzeratu dituztela energia eta medikamentu faltagatik.
Israelek eta Libanok su-etena 45 egunez luzatzea adostu dute
Israelen erasoek ez dute etenik izan azken orduotan Libano hegoaldean, eta hainbat hildako eta dozenaka zauritu izan dira. Negoziazioek su-etena finkatzea eta bake itun baten oinarriak finkatzea dute helburu. Ildo horretatik, Beirutek tropa israeldarrak erretiratzea eskatzen du, eta Israelek Hezbollah taldearen desarmea.
Trumpek adierazi du bat datorrela Xi Jinpingekin Irango gerrari amaiera emateko eta Ormuz berriz irekitzeko beharrarekin
Txinako hiriburuan egin den topaketa Irango krisian eta horrek merkataritza globalean dituen ondorioetan oinarritu da, Ormuzeko itsasarteari arreta berezia eskainiz.
Munduko Futbol Txapelketan bero izugarria izan daitekeela ohartarazi du ikerketa batek, eta egutegia berriz planteatzeko eskatu diote FIFAri
2026ko Munduko Futbol Txapelketako partiden laurdenean bero izugarria egin behar du, eta arriskutsua izan daiteke. Estatu Batuek, Mexikok eta Kanadak antolatuko duten txapelketan jokalari eta zaleek izango dituzten arriskuez ohartarazi du ikerketa zientifiko batek.
Xik Trumpi ohartarazi dio Taiwanekiko harremanak "txarto kudeatzea" bi herrialdeen arteko gatazka ekar dezakeela
AEBko eta Txinako presidenteek eta bi herrialdeetako ordezkariek bilera egin dute gaur goizean, sintonia onean. Horren emaitza da Trumpek egin duen iragarpena: hilabete batzuen buruan beste bilera bat egingo dute, Washingtonen.
Gutxienez 100 pertsona hil dira Afrika Erdiko Errepublikako urre-meategi bateko lur-jausian
Luizia maiatzaren 6an gertatu zen. Hasiera batean, agintariek 11 hildako baieztatu zituzten, baina hainbat egunez biktimak bilatu eta zaurituak artatu ondoren, kopuruak nabarmen egin du gora.
1.700 pertsona konfinatu dituzte gurutzaontzi batean, Bordelen, gastroenteritis agerraldi baten ondorioz
Gastroenteritisak bidaiari baten heriotza eta sintomak dituzten hamarnaka kasu agertzea eragin du. Osasun-agintariak probak egiten ari dira kutsatzearen jatorria zehazteko; elikagai-intoxikazioa izan daitekeela uste da. Hortaz, Ambition gurutzaontziak bidaia jarraituko du, eta, dena ondo bidean, datorren astelehenean iritsiko da Getxora.
Trump Pekinera iritsi da: Bi egun emango ditu han eta Xi Jinpingekin bilduko da
Txinako 20:00ak (Euskal Herriko 14:00ak) pasatxo zirenean, Air Force One hegazkinak lur hartu du. Bertan zihoazen Donald Trump AEBko presidentea, Marco Rubio Estatu idazkaria, Pete Hehseth Defentsa idazkaria eta AEBko multinazional handietako ia hogei enpresaburu.
Trumpek Venezuela AEBko banderaz margotuta ageri den mapa bat argitaratu du, 51. estatu gisa irudikatzeko
Nicolas Maduro Venezuelako presidentea kargugabetu eta urtarrilaren 3an atxilotu zutenetik, Trumpek hainbat aldiz iradoki du herrialdea AEBko estatu izan dadin nahi duela.
Europar Batasunak, Ormuz babesteko, Itsaso Gorriko misioa eta Libanon beste bat zabaltzea planteatu du
Europar Batasunak Kanpo Politikarako duen goi-ordezkari Kaja Kallasen ustez, bi misio horiekin, alde batetik, itsasarteko garraioa babestuko litzateke, eta, bestetik, Libanoko Armada indartu.