Ultraeskuina

2024/07/07 - 22:04

Itxi dituzte hauteslekuak Frantzian, parte-hartze handia izan duen hauteskunde-egun baten ostean

Parte-hartzea % 59,71koa izan da 17:00etarako, azken 40 urteetako handiena; duela bi urteko hauteskundeetan, parte-hartzea % 38,11koa izan zen ordu horretarako. Pirineo Atlantikoetan, boto-emaileen % 63,18k eman dute botoa 17:00etarako.

2024/07/05 - 11:26

Amaitu da Frantziako hauteskunde-kanpaina, ultraeskuinaren eta "koalizio handiaren" arteko lehiarekin

Azken inkesten arabera, ultraeskuinak ez luke gehiengo osoa lortuko. Hori dela eta, eskuin muturra alde batera utzita, kontrakoak diren alderdien arteko "koalizio handi" bat izango litzateke Frantziaren gobernagarritasunerako aukera bakarra.

2024/07/02 - 22:26

214 hautagaik bigarren itzuliari uko egin diote ultraeskuinaren gehiengo absolutua eragozten saiatzeko

Gutxienez ezkerreko 130 hautagaik uko egin dute, 82 makronistak eta eskuin tradizionaleko bik. Ipar Euskal Herrian, bi barrutitan (4.ean eta 6.ean) hiruna hautagaitza izango dira; soilik bakarrean, bosgarren barrutian, erretiratu delako Lasserre macronista.

2024/07/01 - 16:23

Balizko agertokiak, Le Pen ultraeskuindarraren garaipenaren ondotik

Frantzian, Bilgune nazionalak datorren igandean erabateko gehiengoa lortzeko aukera du, baina horretarako barrutiz barruti ezkertiar eta macronistekin lehiatu beharko da. Eta hor dago gakoa, eskuin muturraren aurka bat egingo duten ala ez. EITBko nazioarteko arloburu Mikel Reparazek ditu azalpenak.

2024/07/01 - 12:13

Le Penen ultraeskuinak lehen aldiz irabazi ditu hauteskundeak Frantzian, botoen % 33,15 lortuta

Astelehen honetan argitaratutako datu ofizialen arabera, eskuin muturreko alderdiak botoen % 33,15 lortu ditu hauteskundeen lehen itzulian. Bigarren sailkatu da ezkerreko alderdien koalizioa (% 27,99), eta hirugarren Macronen bueltako aliantza (% 20,7). Parte hartzea handiagoa izan da, % 67,5ekoa.

2024/07/01 - 12:00

Milaka lagun kalera atera da Frantzian eskuin muturraren garaipenaren aurkako manifestazioetan

Manifestariek, gazteak gehienak, eskuin muturraren aurkako mezuak oihukatu dituzte eta herrialdea haien eskuetan ez uzteko eskatu dute.

2024/07/01 - 10:58

Albiste izango dira: Frantziako hauteskundeak, Aita Mariren misioa, eta oliba olioa eta argindarra, merkeago

Gaurkoan albiste izango direnen laburpena, bi hitzetan.

2024/07/01 - 00:46

Ultraeskuinak irabazi du Frantziako hauteskundeen lehen itzulia, eta Fronte Popularra bigarren geratu da

Le Penek "gehiengo osoa" eskatu du "batasuna eta adostasun nazionala berrezartzeko". Melenchonen esanetan, Fronte Popular Berria (NFP) da ultraeskuinaren alternatiba bakarra, eta bigarren itzuliak "aparteko intentsitatea" izango dula iragarri du. % 67,5ekoa izan da parte-hartzea.

2024/06/30 - 23:31

RNk emaitzak ospatu ditu eta Le Penek ''gehiengo osoa'' eskatu du Bardella lehen ministro izendatzeko

Marine Le Penek, Frantziako hauteskundeen lehen itzulia irabazi duen RN ultraeskuineko alderdiren buruak, Emmanuel Macron Frantziako presidenteari Jordan Bardella lehen ministro izendatzeko beste aukerarik ez uzteko "gehiengo absolutua" eskatu du bigarren itzulian.

2024/06/30 - 22:11

Frantzian Le Penen ultraeskuina litzateke lehen indarra, Ipar Euskal Herrian, aldiz, Fronte Popularra

Estatu mailan Bilgune Nazionala (RN) litzateke lehen indarra, ez ordea, espero bezainbesteko aldearekin, bozen % 34,1 eskuratuta. Ipar Euskal Herrian, ostera, ezkerreko koalizioa, Fronte Popularra, gailendu liteke.

2024/06/30 - 22:06

Parte-hartze handiko hauteskunde egun baten ondotik itxi dituzte hauteslekuak Frantzia osoan

Frantziako haustekundeetan lehen itzuliko parte-hartzea % 67,69koa izan da. 2022ko hauteskundeekin alderatuta, ia 20 puntu igo da parte-hartzea. Arratsaldeko seietan itxi dituzte hautesleku gehienak, nahiz eta Parisen zortziak arte botoa emateko aukera izan duten.

2024/06/29 - 20:00

Hauteskunde legegileen lehen itzulia, igandean, Frantzian, ultraeskuina agintea lortzeko atarian dela

Frantziako eskuin muturrak gora egin du boto-asmoetan, eta botoen % 37 lor ditzake hauteskunde legegileen lehen itzulian. Ezkerreko alderdiak biltzen dituen Fronte Popularrak botoen % 28 lortuko lituzke.

2024/06/28 - 18:05

LGBTIAQ+ Euskal Behatokiak euskal lege integrala eskatu du, 'Trans Legea' "osatugabea" dela iritzita

Eskuin muturreko alderdien gorakadaren aurrean, eguneroko bizitzan eragina duten arlo guztietako neurri zehatzak "zehatz-mehatz" jasoko dituen araua eskatu dute; baliabide espezifikoekin eta egutegi zehatzarekin.

2024/06/23 - 22:35

Ultraeskuinaren igoerak euren eskubideak arriskuan jartzen dituela ohartarazi dute milaka emakumek Frantzian

Emakumeen eskubideen aldeko 200 talde eta sindikatuk deitutako martxak izan dira Frantzia osoan, hauteskundeetarako astebeteren faltan, eskuin muturrak irabaztea euren eskubideen kalterako izango dela ohartaratzeko, martxoan Konstituzioan onartutako aborto-eskubidea, kasu.

2024/06/23 - 21:54

Ultraeskuinak gertu izango luke gehiengo absolutua Frantzian, hauteskunde inkesten arabera

Le Pen-en RNk eta aliatuek botoen % 36 lortuko lukete, 250-280 diputaturekin; gehiengo absolutua 289koa da. Ezkerreko Fronte Popular Berria bigarren izango litzateke, % 27rekin (150-170 eserleku), eta alderdi makronista, hirugarren, botoen % 20 eta 90-110 diputaturekin.

2024/06/18 - 23:25

Balearretako Parlamentuko presidenteak frankismoko biktima baten argazkia hautsi eta 2 diputatu kanporatu ditu

Gabriel Le Senne (Vox) Balear Uharteetako Parlamentuko presidenteak Mercedes Garrido eta Pilar Costa diputatu sozialistak eta Ganberako Mahaiko kideak kanporatu ditu osoko bilkuratik, hildako errepublikarren argazkiak erakusteagatik, Memoria Demokratikoaren Legea indargabetzeko saioan.

2024/06/17 - 20:37

Unai Simonen ustez, futbolariek ''kirol gaiez bakarrik hitz egin beharko lukete''

"Azkenean, Kylian munduan eta gizartean oihartzun handia duen jokalaria da. Jokalariok oihartzun handia dugula uste dut, eta gai politikoa da ", esan du atezain arabarrak Mbapperen hitzei buruz.

2024/06/17 - 19:44

Frantziako ia 200 kirolarik manifestu bat sinatu dute eskuin muturraren aurka

Bestalde, Kylian Mbappe munduko futboleko izar handienetako batek igandean ohartarazi zuenez, "muturrak boterearen atarian daude. Mundu guztiari dei egiten diot botoa ematera, egoeraz jabetzera".

2024/06/15 - 22:18

Milaka pertsona kalera atera dira Frantzian, ultraeskuinaren gorakadaren aurka

Euskal Herriari dagokionez, 1.500 pertsona kalera atera dira Baionan. Inkestek Fronte Nazionalari ematen diote garaipena, baina ezkerreko alderdiek gora egin dute azken egunotan, Fronte Popular Berriaren sorrerari esker.

2024/06/15 - 18:13

1.500 pertsonak Baionako erdiguneko kaleak zeharkatu dituzte eskuin muturraren aurka

Euskal Herria Bai koalizio abertzale eta ezkertiarrak eta ezkerreko beste alderdi batzuek osatzen duten Fronte Popular Berria aliantzako ordezkariek bat egin dute deialdiarekin. Sindikatuetako eta giza eskubideen aldeko elkarteetako ordezkariak ere atera dira kalera.