Vladimir Putin
2022/09/23 - 11:15
Errusiarren iritsiera % 57 igo da Finlandian, Putinen iragarpenaren ondoren
Finlandia da une honetan Europar Batasunera sartzeko Errusiarrek duten herrialde ia bakarra, hegazkin errusiarrei aire-espazioa itxi zaielako eta Baltikoko errepubliketako eta Poloniako lurreko mugak birtualki blokeatu dituztelako.
2022/09/23 - 10:42
Albiste izango dira: Txertaketa kanpaina EAEn, erreferendumak Ukrainan eta balizko itunak aztergai
Gaurkoan albiste izango direnen laburpena, hitz bitan.
2022/09/23 - 09:23
Errusiarako atxikimenduaren gaineko bozketak egingo dituzte gaurtik aurrera Ukrainako lurralde okupatuetan
Donetsken, Luhansken, Khersonen eta Zaporizhian deitu dituzte erreferendumak errusiarzaleek. Ukrainako Gobernuak ziurtatu du "erreferendumen fartsa horrek" ez duela "ezer" aldatuko.
2022/09/22 - 10:52
Oraindik Errusiarekin konexio zuzenak dituzten herrialdeetara doazen hegaldiak blokeatuta daude
Turkia da Errusiako herritarrentzako bisarik eskatzen ez duen herrialdeetako bat, baina hegaldiak agotuta daude. Hegaldiak erosteko ezintasuna beste herrialde batzuetara ere hedatzen da, Armeniara adibidez.
2022/09/21 - 22:57
Zein da Errusiaren indar nuklearra eta zenbat kezkatu beharko gintuzke?
Errusiak egun 5.977 ojiba nuklear ditu. NATO osatzen duten herrialdeek baino gehiago. Eta ahalmen horren erakusgarri: Satan bigarrena. Gerra hasi eta gutxira, probetan jaurti zuen misila da, munduko indartsuenetakoa edo indartsuena dela esaten da.
2022/09/21 - 22:41
Mobilizazioak piztu ditu Errusian Putinen erreklutamendu deiak; ehunka herritar atxilotu ditu poliziak
Bakearen aldeko protestak eta mobilizazioak ari dira egiten Errusian, inoiz baino jendetsuagoak. Ehunka herritar atxilotu ditu poliziak. Aldarrikatutako mezuen artean: Gerrari ez, zertarako bidali behar naute hiltzera, edota Putin lubakira.
2022/09/21 - 20:44
Hauek dira Putinek Errusian iragarritako mobilizazio partzialaren gakoak
300.000 erreserbista mobilizatuko dituzte, hau da, esperientzia militarra duten eta mobilizatzeko moduan dauden errusiar herritarren % 1. Errendizioagatik edo justifikaziorik gabeko desertzioagatik, soldaduek hamar urterainoko espetxe-zigorrak jaso litzakete.
2022/09/21 - 20:20
Errusiatik irteteko hegaldiak agortuta eta ehunka atxilotu, Putinek mobilizazio partziala iragarri ostean
Moskutik Istanbulerako eta Armeniako Yerevan hirirako zuzeneko hegaldiak agortu egin dira. Bestalde, mobilizazioen kontrako eskaera batek milaka sinadura bildu ditu dagoeneko.
2022/09/21 - 19:46
Zelenski: "Putinen asmoa da Ukraina odolean itotzea, errusiar soldaduen odolean ere bai"
Aurretik, Mijailo Podolyak Zelenskiren aholkulariak ironia erabili du, Errusiaren aurreneko asmoek porrot egin dutela iradokitzeko: "Errusiarentzat 'hiru eguneko gerra' behar zuena mobilizazio militar partzial bihurtu da", esan du.
2022/09/21 - 19:30
Errusiaren jarrera gogortzea
300.000 erreserbista eskuragarri izango dira eta ekonomia orokorrera gerra-ahaleginera zuzenduta izango da, Ukrainako gerrak irauten duen bitartean. Horrek esan nahi du, Errusiako enpresak eta herritarrak gerra ahaleginean laguntzera behartuta izango direla.
2022/09/21 - 18:21
Putinek lerroa zeharkatu du: operazio azkar-azkarra izatetik, erabateko gerra izatera, mehatxu nuklearrarekin
Errusiako presidenteak Ukrainako "operazio berezia" iragarri zuenetik zazpi hilabete igaro direnean, herritarren mobilizazio partziala iritsi da, eta 300.000 erreserbistari eragingo die horrek. "Hiru Egunetako Gerrako 210. egunean gaude", esan du ukrainar Gobernuak, ironiaz.
2022/09/21 - 16:29
Mobilizazio partziala agindu izana, desesperazioaren adierazgarri da, Europar Batasunaren esanetan
Putinek ez du bakerik nahi, gatazka indartu baizik. Bere desesperazioaren adierazgarri da mobilizazio partziala deitu izana, Europar Batasunaren esanetan.
2022/09/21 - 16:24
Erreserban zeuden 300.000 soldadu armadan lerrotzeko agindua eman du Putinek
Ukrainako inbasioaren zazpigarren hilean sartzear gaudela Putinek nahi ez zuen erabakia hartu behar izan du: erreserbako soldaduen mobilizazioa agindu du. Bigarren mundu gerraz geroztik ez da holako agindurik bidali Kremlinetik.
2022/09/21 - 12:38
Biden: "Gerra nuklear bat ezin da irabazi, eta ez litzateke sekula gertatu behar"
Errusiako 300.000 erreserbistari Ukrainara joateko agindua eman ondotik hasi dira lehen erreakzioak munduko liderren aldetik. Pedro Sanchezen hitzetan, Putinek erabakia ondorioetan pentsatu gabe hartu du. "Errusia gero eta bakartuago dago", azpimarratu du Macronek.
2022/09/21 - 12:36
Zer esan nahi du Putinen erabakiak? Mikel Reparazen analisia
Vladimir Putinek 300.000 erreserbistari Ukrainara joateko deia egin izanak zer ondorio eduki ditzakeen aztertu du Mikel Reparaz EITB Mediako nazioarteko buruak.
2022/09/20 - 16:04
Ukrainar armadak aurrera egiten jarraitzen du eta Donbassen atarian daude dagoeneko
Oskil ibai estrategikoa zeharkatu dutela iragarri dute ukrainarrek, azken orduetan errusiarrak euren posizioen defentsa irmoagoa egiten ari diren arren.
2022/09/17 - 16:54
Estatu Batuek gerra krimentzat jo dute Izium herrian ia 500 gorpurekin topatu duten hobiratze gunea
Nazio Batuek ikerketa abiatuko dute eta giza eskubideen kontrolez arduratzen den taldeetako bat Iziumera joango dela iragarri du Nazio Batuen bozeramaileak, bertan topatutako pertsona guztien heriotzaren nondik norakoak zehazteko.
2022/09/16 - 12:29
Ukrainako Izium hirian 400 hilobi inguru aurkitu dituzte errusiarrak irten ondoren
Identifikaziorik gabeko 440 hilobi aurkitu dituzte orain arte Ukrainako Izium hirian, Kharkiv eskualdean. Ukrainarrek duela egun batzuk berreskuratu zuten Errusiako Armadak okupatutako hiri hau.
2022/09/15 - 23:05
Xi Jinpingek mundu aldakor honetako buru elkarrekin izateko eskatu dio Putini
Xi Jinping eta Vladimir Putin elkarrekin izan dira gaur. Aliantza handia osasuntsu dagoela erakutsi nahi izan dute, gerra hasi zenetik egin duten bigarren bilkuran. Denbora honetan Txinak gogor kritikatu ditu mendebaldearen zigorrak, eta, horregatik, Putinek bere jarrera orekatua eskertu dio.
2022/09/15 - 18:28
Xi Jinpingek Putini eskatu dio arin aldatzen ari den mundu honetako lidergoa elkarrekin partekatu dezaten
Errusiako eta Txinako presidenteek bilera egin dute ostegun honetan Uzbekistanen. Putinek Xiri esan dionez, Errusiak estimatzen du "Txinako lagunek Ukrainako krisiarekin lotuta izandako jarrera orekatua".