Errusiak amaiera eman dio irailean dekretatutako mobilizazio partzialari, Jerson gotortzen duen bitartean
Errusiak amaitutzat jo du, ostiralean, irailean dekretatu zuen mobilizazio partziala. Bitartean, gotortzen ari da Jerson hiria, alegia, kontrolpean duen eskualde hiriburu bakarra, eta Energia Atomikoaren Nazioarteko Agentziak ukrainar bi instalazio nuklearretan egin behar duen bisitaren zain dago; izan ere, Ukrainari egotzi dio "bonba zikina" egiten ibiltzea, eta hori egiaztatu nahi du.
"Mobilizaziorako herritarren izen ematea amaitu egin da. Zehaztutako helburua, 300.000 gizon, bete egin da. Ez dago aurreikusita izen emate gehigarririk izatea", esan dio Errusiako Defentsa ministro Serguei Shoiguk Vladimir Putin presidenteari.
Guztira, 300.000 erreserbista zeuden, eta 82.000 eraman dituzte Ukrainara, "operazio militar berezian" parte hartzeko, adierazi du Shoiguk. Azaldu duenez, horien erdia borroka ekintzetan dabiltza.
"Eskerrak eman nahi dizkiet Indar Armatuetan izena eman duten guztiei. Eskerrak eman nahi dizkiet leialtasunagatik, patriotismoagatik, gure herrialdea aldezteko konpromiso sendoagatik, gure Errusia defendatzeagatik, hau da, gure etxea, gure herritarrak, gure jendea", erantzun du Putinek.
Tentsio handia, Jersonen
Bitartean, Jerson eskualdean, Ukrainako hegoaldean, tentsioa gero eta handiagoa da; izan ere, ukrainar indarrek jarraitzen dute eraso handia gauzatzeko, eta errusiarrak hiria gotorleku ari dira bilakatzen.
Anexionatutako Krimea penintsulako buru Serguei Axionovek jakitera eman duenez, amaitu dira zibilak Jersondik ateratzen: "Nahi izan duten guztiek izan dute aukera modu ziurrean lurraldetik alde egiteko, Ukrainako Indar Armatuen bonbardaketak gorabehera".
Ukrainako Estatu Nagusi Orokorrak, baina, esan du herritarrek "jarraitzen dutela" Jersonetik alde egiten.
Horrez gain, Energia Atomikoaren Nazioarteko Agentziako zuzendari nagusi Rafael Grossik iragarri du erakunde horretako ikuskatzaileek "egiaztapen independentea" egingo dutela Ukraina, ustez eta Moskuren arabera, "bonba zikina" egiten ari den bi instalazio nuklearretan.
Bisita "hurrengo egunetan" egingo dute, eta horren asmoa izango da "antzematea gai nuklearreko edozein desbideratze, deklaratu gabeko ezin ekoizpen edo prozesaketa" bi fabrika horietan. Halaber, saiatuko dira bermatzen ez dagoela "deklaratu gabeko gai edo jarduera nuklearrik".
Zure interesekoa izan daiteke
Bertan behera geratu da Flotillako euskal aktibistei Loiun egin nahi zioten ongietorria, bi kide erietxean baitaude
Flotillaren ontzietan bidaiatu duten sei euskal herritarrak gaur ziren Euskal Herrira iristekoak. Horietako bi, ordea, Turkian daude ospitaleratuta, atxiloaldian jasandako indarkeriak eragindako lesioengatik, eta ez dira itzuli.
Azken 24 orduetan 31 ontzik Ormuz zeharkatu dutela adierazi du Iranek, Guardia Iraultzailearen "koordinazioarekin"
Ameriketako Estatu Batuek ziurtatu dute 94 ontzi birbideratu dituztela Irango portuetara ezarritako blokeoa betetzeko.
Dagoeneko deportatuta dauden Flotillako aktibistek haien kontrako indarkeria areagotu egin dela salatu dute
Gazara bidean zihoazela Israelek nazioarteko uretan atxilotu dituen 430 ekintzailetatik gehienak (guztiak atzerritarrak, Israelgo emakume bat izan ezik) Ramongo aireportutik atera dira, Israelgo hegoaldeko muturrean, Turkiak jarritako hiru hegazkinetan. Ekintzaileek Israelek haien kontra erabilitako indarkeria maila salatu dute.
Suak erabat suntsitu du Japoniako Reikado tenplu budista historikoa
Kukai monje budistari eskainitako tenplua 806. urtean eraiki zen Misen mendian, Miyajima uhartean, eta ordutik piztuta egon da bertan "betiereko sugarra" deitua, 1.200 urtez etengabe piztuta egon den sugar sakratua. Su horrekin piztu zen Hiroshimako Bakearen Parkeko sugarra 1964an, munduko bonba nuklear guztiak desagertu arte piztuta egongo dena. Ez da inor zauritu, baina ondare-galera ordezkaezina da.
AEBren eta Kubaren arteko tentsioa areagotu egin da Raul Castroren auzipetzearekin: Washingtonek hegazkin-ontzi bat jarri du Karibean
Auzipetzearekin batera esku-hartze militar baten mamua berpiztu da uhartean; izan ere, Nicolas Maduro ere auzipetu egin zuten Venezuelako operazio militarra abiatu aurretik.
Israelek Flotillako ekintzaile solidarioak umiliatu egin ditu
Itamar Ben Gvir Israelgo Segurtasun Nazionaleko ministro ultraeskuindarrak argitaratutako bideo batek protesten erauntsia eragin du, ministroak atxilotuei emandako tratua dela eta.
AEBk Raul Castro Kubako presidente ohia inputatu du, 1996an bi hegazkin eraisteagatik
Duela berrogei urte, Kubako ehiza-hegazkinek Floridako itsasartean Anaia erbesteratuen Erreskaterako erakundeko bi hegazkin txiki eraitsi zituzten, eta lau pilotu hil ziren.
Hilabeteak beharko dira ebolaren azken agerraldiaren aurkako txertoa lortzeko, baina arrisku globala "txikia" da, MOEren arabera
Hala ere, nazio eta eskualde mailan birusa zabaltzeko arriskua altua dela azpimarratu du Munduko Osasun Erakundeak.
Txinak aldarrikatu du Errusiarekiko harremanak "inoizko mailarik altuenean" daudela
Xi Jinping Txinako presidenteak ohore guztiekin hartu du Vladimir Putin Errusiako presidentea. Donald Trumpek Txinara egindako bisitaren ostean, bi potentziek harremanak estutu dituzte eta hogei bat akordio eta memorandun sinatu dituzte. Horrez gain, “oihanaren legea” berriz nagusitzeko arriskuaz ohartarazi dute
Trumpen gerra botereak mugatzeko eta Irandik tropak erretiratzeko ebazpen bat onartu du AEBko Senatuak
Zazpi saiakeraren ostean, AEBko Senatuak ebazpena onartu du: lau errepublikanok lerroak hautsi eta botoa aldatu dute, eta hiruk bozkatzeari uko egin diote. Hala ere, eta Ordezkarien Ganberako bozketan aurrera egingo balu ere, Trumpek betoa jartzea aurreikusten da.