Zerga politika
2023/12/20 - 13:16
EAJk, PSE-EEk eta PPk PFEZaren deflaktazioa hitzartu dute Araban: 2024an % 2,5ekoa izango da
Foru Gobernuak etxeko zainketetarako kenkariei eta landa-eremurako laguntzei buruz PPk egindako zuzenketak sartu ditu. EH Bildu eta Elkarrekin Araba aurka agertu dira. Oraingoz, Bizkaiarekiko harmonizazio fiskalari eutsi zaio, Gipuzkoan zer gertatuko den jakiteke baitago.
2023/12/04 - 14:29
Elkarrekin Podemosek ituna egin du EAJ eta PSE-EErekin, aberastasun handien gaineko zerga Euskadin aplikatzeko
Akordio horren arabera, 12,8 milioi eurotik gorako ondarea dutenei % 2ko zerga ezarriko diete Bizkaian, eta % 2,5ekoa Gipuzkoan eta Araban. 14,5 milioi eurotik gorako ondarea dutenei, berriz, % 3,5ekoa, hiru lurraldetan.
2023/11/20 - 12:54
7,8 milioi euroko isuna adostu, eta iruzur fiskala egin izana aitortu du Shakirak, espetxean sar ez dezaten
Gainera, bi aldeek adostuta, kartzelan ez sartzearen truke, 432.000 euro gehiago ordaindu beharko ditu —400 euro espetxean ez dagoen egun bakoitzeko—.
2023/11/07 - 13:37
Auzitegi Konstituzionalak aberastasun handien gaineko zerga babestu du
Konstituzionalak atzera bota du Madrilgo Erkidegoak fortuna handien gaineko zergaren aurka jarritako helegitea. Madrilgo Gobernuak aurtengo otsailean aurkeztu zuen helegite hori, Madrilgo Erkidegoaren aurkako "atentatua" zelakoan.
2023/11/06 - 10:38
Javier Hurtado, tasa turistikoaren lan-batzordearen inguruan: ''Eztabaida mahai gainean jarri nahi dugu''
Turismo, Merkataritza eta Kontsumoko sailburuak adierazi duenez, lan-batzorde batek hainbat alderditatik aztertuko du turismo-tasaren gaia. "Lan serio, zorrotz eta diskretua egiteko unea da", adierazi du Hurtadok.
2023/11/06 - 10:24
Hurtado sailburua, balizko tasa turistikoari buruz: "Lan serio, zorrotz eta diskretua egiteko garaia da"
Eusko Jaurlaritzako Turismo sailburuak onartu du ez dagoela denborarik legegintzaldi honetan tasa turistikoa ezartzeko, baina bai "adostasunak" sortzeko eta "alde bakoitzaren jarrerak ezagutzeko".
2023/11/06 - 08:11
Tasa turistikoaren mapa: nork aplikatzen du?
Tasa turistiko bat aplikatzen hasteko urratsak egiten hasi da Eusko Jaurlaritza. Estatuan, oso erkidego gutxik jarri dute indarrean zerga mota hori, baina, mundu mailan, hiri turistiko gehienetan kobratzen dute dagoeneko.
2023/11/02 - 11:43
Tasa turistikoa ''turismoak dituen eragozpenak saihesten laguntzeko elementua'' da, Goiaren ustez
Donostiako alkateak berretsi du Gipuzkoako hiriburuko udalbatza tasa hori ezartzearen alde dagoela. Goiaren hitzetan, tasak ez ditu bisitariak uxatuko.
2023/11/01 - 12:59
Kortajarena: "Lotsagarriak dira Repsolen eta Petronorren jarrerak, xantaia egiten ari dira"
Nerea Kortajarena EH Bilduren Legebiltzarreko bozeramaileak esan du Repsoleko eta Petronorreko agintariak "autopista fiskala" eskatzen ari direla.
2023/11/01 - 12:23
Nerea Kortajarenarentzat ''lotsagarriak'' dira Repsolen eta Petronorren jarrerak: ''Xantaia egiten ari dira''
EH Bilduko Legebiltzarreko bozeramaileak "lotsagarritzat" jo ditu Josu Jon Imazek eta Emiliano Lopez Atxurrak egindako ohartarazpenak. Espainiako Gobernuak energia konpainien gaineko zergari eutsiz gero, Espainian egin nahi dituzten inbertsioak baldintzatuta geratuko liratekeela esan zuten biek.
2023/10/31 - 10:54
Iñigo Ansola: ''Enpresek egonkortasuna behar dute euren negozio planak funtzionatuko duen edo ez jakiteko''
Iñigo Ansola Energiaren Euskal Erakundeko zuzendari nagusiak esan du bat datorrela Emiliano Lopez Atxurraren hitzekin, eta uste du enpresek "egonkortasun erregulatzailea" behar dutela.
2023/10/31 - 10:37
Ansola (EEE) Lopez Atxurrarekin (Petronor) lerrokatu da: "Egonkortasuna behar dugu erregulazioan"
Energiaren Euskal Erakundeko zuzendari nagusiak energia konpainien gaineko zerga krikatu du, uste baitu zaila dela Repsolek, Petronorrek eta beste enpresa batzuek inbertsioak egitea joko arauak ezagutu gabe.
2023/10/30 - 15:24
BEZ murriztua duten oinarrizko elikagaien % 52 garestiagoak dira neurria indarrean sartu zenean baino
Facua kontsumitzaileen elkarteak BEZaren deskontua duten ia mila produkturen prezioak aztertu ditu zortzi supermerkatu kate handitan (Alcampo, Aldi, Carrefour, Dia, Eroski, Lidl, Hipercor eta Mercadona).
2023/10/30 - 14:37
Orain badaude tasa turistikoa ezartzearen "eztabaidari heltzeko baldintzak", Jaurlaritzaren ustez
Egonaldi turistikoei tasa ezartzeari atea ireki dio Javier Hurtado Turismo sailburuak, baina erabakia "adostasunez" hartu behar dela nabarmenduta. Afera hori aztertzeko lan batzordea gaur osatu da Legebiltzarrean.
2023/10/26 - 20:56
Imazek esan du Repsolek "beste aukera batzuk" dituela Espainian inbertitzeko egonkortasuna bermatzen ez bada
Enpresako kontseilari delegatuak ziurtatu du azkeneraino joango dela Gobernuaren ezohiko zergaren aurkako borrokan, bai Espainiako Justizian, bai Europakoan. Repsolek 2.785 milioi euroko irabazi garbiak izan ditu urteko lehen 9 hilabeteotan.
2023/10/25 - 22:12
Auzitegi Gorenak berretsi du Xabi Alonsok ez zuela iruzur fiskalik egin
2010, 2011 eta 2012 urteei zegozkien hiru delitu egozten zizkion Espainiako Ogasunak, eta Fiskaltzak bi urte terdiko espetxe zigorra eskatzen zuen Xabi Alonsorentzat. Orain, Auzitegi Gorenak arrazoia eman dio futbol jokalari ohiari eta absolbitu egin du.
2023/10/19 - 14:30
Bizkaiko Aldundiak 10.308 milioi euroko aurrekontua zehaztu du 2024rako, aurten baino % 5,1 gehiago
Zerga bilketa handitu dela eta, 500 milioi haziko da aurrekontua. Itxaso Berrojalbiz Ogasun eta Finantza diputatuak iragarri duenez, udalei bideratzen dieten finantzazioa da gehien igoko dena, % 9,2 hain justu.
2023/10/17 - 12:18
Momentu honetan Bilbok ez du tasa turistikorik behar, "baina agian bi urte barru bai", Aburtoren hitzetan
Juan Mari Aburto Bilboko alkateak nabarmendu duenez, tasa hori ezartzeko hausnarketa prozesua abiatu behar da aurrena, datuak ondo aztertuta. Izan ere, "Bilbo ez da bere mugara heldu, baina heltzear dago".
2023/10/12 - 12:55
Zer da deflaktazioa?
Pertsona Fisikoen Errentaren gaineko Zergaren deflaktazioa neurri fiskal bat da, besteak beste, (inflazioa) prezioen igoeraren eragina arintzeko erabiltzen dena. Zehazki, lanaren etekinari lotutako taulak egokitzen dira soldata igoera izan dutenek proportzionalki gehiago ordaindu ez dezaten.
2023/10/12 - 10:07
Pedro Azpiazu: "Euskadiko ekonomiaren hazkundea sendoa da, enplegua sortu eta langabezia murriztuko du"
Ekonomia eta Ogasun sailburuak iragarri du EAEko erakundeen diru-bilketaren aurreikuspena 18 mila milioira iritsiko dela, baina gaineratu du ziurgabetasun garaia dela, ekonomia gerrak bezalako faktoreen mende dagoelako.