Errelebo kontratua luzatzea eta energia enpresen eta bankuen zerga kontzertatzea adostu du Gobernuarekin EAJk
Erretiro partzialari lotutako errelebo kontratua urtebetez luzatuko du industrian Espainiako Gobernuak, EAJrekin egindako itunari esker, jeltzaleek ohar baten bidez jakitera eman dutenez.
Gaur bertan Ministroen Kontseiluak onartuko duen krisiaren aurkako dekretuak jasoko du neurri hori, baita bankuei eta energia enpresei ezarritako ezohiko kargak zerga sisteman sartzea —hitzarmen edo kontratu bidez— ere, horiek EAEk eta Nafarroak kudea ditzaten. Horrek esan nahi du energia konpainien eta bankuen ezohiko irabazien gaineko zergari eutsiko diotela, baina "inbertsio estrategikoen" kasuan pizgarri batekin arinduko dira.
Iragan astean, Gizarte Segurantzako ministro Elma Saiz agente sozialekin batu zen legealdiko erronkei heltzeko, eta batzuen eta besteen artean erabaki zuten, mahai tekniko batean, errelebo kontratuaren gaia sakonago lantzea.
Gobernuak ekainaren 30era arteko epea zuen erretiro partzialaren arautzeari eta errelebo kontratuari buruzko proposamen bat aurkezteko.
Hauteskundeen aurrerapenak, baina, "hutsean" utzi zuen gaia, nahiz eta gerora PSOEren eta Sumarren arteko akordioan jasota gelditu zen. Biek ala biek adostu zuten kontuan izango zutela adin batetik aurrera zenbait lanpostutan aritzea "neketsua" zela, "bereziki manufaktura industrian".
Hartara, errelebo kontratuaren luzapenak lantaldeak gaztetzea ekarriko du industria sektorean. Halaber, deskarbonizazioaren eta digitalizazioaren eraginez aldaketa sakona izaten ari den sektore horretan formakuntza erraztuko du.
Izan ere, langilearen lanaldi murrizketa eta partzialki ordezkatuko duen bigarren behargin baten alta dakar txanda kontratuak. Hortaz, kontratuaren iraupena bat etorri behar da erretiroa hartuko duen langileari jubilaziorako geratzen zaion denborarekin, eta helburu du erretiroa hartzen duenaren lanpostua bere ordezkoarentzat izatea.
Zure interesekoa izan daiteke
Epaileak ukatu egin dio Begoña Gomezi NATOren goi-bilerara joatea, baina Londresera bidaiatzeko baimena eman dio
Gomezen defentsak uztailaren 7tik 10era Espainiatik irtetea eskatu zuen, NATOk Turkian egitekoa duen goi-bilerara joateko eta, ondoren, Londresera, alabaren graduaziora.
Hamasek Gazako gobernua utzi du eta Palestinako batzorde teknokrata bati eman dio boterea
Hamas desegin ondoren, organo horrek eskualdea kudeatu beharko du, su-etenean jasotako jarraibideei jarraituz.
Lehendakari bat aurrenekoz txupinazoan: "Beste herritar bat bezala, kalean ibiltzea da nire helburua"
Lehen aldia da jardunean dagoen lehendakari bat San Fermineko txupinazoan udaletxean dagoela gonbidatu gisa eta ETBko saio berezian izan da. "Jendeak gozatzea, bakean eta errespetuz", hori espero du Imanol Pradalesek.
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".