2.500 eurotik gorako operazioak eskudirutan ordaintzea debekatuko dute
2.500 eurotik gorako operazioak eskudirutan ordaintzea debekatu egingo dute eta neurria ostiralean Ministro Kontseiluan onartuko duten iruzurraren aurkako planean sartuko dute
Mariano Rajoy Gobernuko presidenteak egin du iragarpena, eta gutxienez enpresari profesional batek parte hartzen duen operazioetan "2.500 eurotik gora eskudirutan ordaintzea debekatuko da", adierazi du.
Gainera, debekua betetzen ez dutenek eskudirutan ordaindutako kopuruaren % 25eko isunak jasoko dituzte.
Kongresuan, Gobernuaren kontrol saioan egin du iragarpena Cayo Lara IUko koordinatzaile orokorrak zerga amnistiaren inguruko galdera bat egin dionean.
"Salbuespenezko neurria" dela azpimarratu du, eta soilik 2012an izango duela eragina. Espainiak defizit publikoa BPGaren % 3ra jaitsi behar duelako hartutako neurria dela adierazi du.
"Zerga batzuk igo ditugu, gastu publikoa murriztu dugu eta egoera honetan, ez genituen zergak gehiago igo nahi, horregatik du zentzua neurri honek".
Ekonomia Lankidetza eta Garapenerako Antolakundeak gomendatuko jardunbidea dela esan du, eta ostiralean onartuko duten iruzurraren aurkako planarekin batera etorriko dela.
Espainian aurretik ere (1977an, 1984an eta 1991n, hain zuzen) antzeko neurriak hartu direla gogorarazi du, eta orduan, zerga amnistiak izan zirela adierazi du, legeztatu ziren errentek ez zutelako ezer ordaindu.
Mariano Rajoyk esan du Gobernuak oso ongi dakiela politika ekonomiko "gogorra" egin behar duela, eta epe motzera ez duela eraginik izango, baina "egitea beharrezkoa da", nabarmendu du.
Kongresuan, kazetariei egindako adierazpenetan, Espainiako ekonomiaren egoera "oso zaila" dela gogoratu du, "salbuespenezkoa", horregatik, Gobernuak, "salbuespenezko neurriak hartu behar ditu".
Zure interesekoa izan daiteke
Mercedes Benzek bere ekoizpena etengo du larunbat honetan, Leonardo depresioak eragindako hornidura faltagatik
Enpresak azaldu duenez, denboralearen ondorioz, Gibraltargo itsasartean itsas trafikoa geldiarazten ari dira. Horregatik, larunbateko goizeko txandan jarduera etetea erabaki du.
Baso-langile bat hil da Zornotzan, zuhaitz batek kolpatuta
Lan-istripua 18:30 aldera gertatu da, eta, osasun-langileak bertaratu diren arren, ezin izan dute ezer egin haren bizitza salbatzeko.
Honela banatzen da ostatu turistikoaren eskaintza Euskal Autonomia Erkidegoan
Euskadiko Turismo Enpresen eta Jardueren Erregistroaren azken datuaren arabera, gaur egun 88.604 turismo-plaza daude, ia erdia Bizkaian. EAEko 19 udalerritan 750 ostatu-plaza baino gehiago daude.
Eusko Legebiltzarrak uko egin dio etxebizitza-edukitzaile handien erregistro bat egiteari
EH Bilduren eskariz eztabaidatu da gaia Osoko Bilkuran. Koalizioaren jatorrizko ekimena baztertu egin dute bozketan, baita Sumarren zuzenketa bat ere; aldiz, EAJren eta PSE-EEren zuzenketa bat onartu da. EH Bilduren proposamenak edukitzaile handien erregistro bat eegitea eskatzen zuen, izan pertsona fisiko naiz juridikoena, Nafarroan edo Katalunian daundenen gisan.
Interes-tasak % 2an mantendu ditu EBZk, bosgarren aldiz, merkatuek espero bezala
Europako Banku Zentraleko (EBZ) Gobernu Kontseiluak joera aldatu gabe jarraitzea erabaki du, 2025eko ekainean malgutze-zikloa eten ondoren. Ziklo horrek oinarrizko 200 puntu murriztu zuen diruaren prezioa, beheranzko zortzi doikuntzen bidez.
Hurtado sailburuak turismo-zerga 2027an EAE osoan aplikatu ahal izatea espero du
Javier Hurtado Turismo sailburuak "positibotzat" jo du aldundiek egindako foru arauaren edukia, eta hiru lurralde historikoetarako araudi "homogeneoa" dela nabarmendu du. Gainera, zerga progresiboa izatea txalotu du, "gehien duenak gehiago ordaintzea" eragingo duelako.
Bizkaian garraio publikoko deskontuak abenduaren 31ra arte luzatuko dira
14 urtetik beherako adingabeek garraioa doan izango dute urte amaierara arte eta deskontuak egongo dira Gazte tarifetan eta bidaia ugariko gainerako abonuetan. Hobari-neurriak otsailera arte zeuden indarrean, eta ostegun honetan Bizkaiko Garraio Partzuergoak erabaki du abenduaren 31ra arte mantentzea.
EAErako zerga turistikoa onartzeko aurreproiektua, martxan: eguneko 7,5 eurorainokoa izan daiteke
Egonaldi turistikoen gaineko zerga udarako indarrean izatea aurreikusten dute Araba, Bizkaia eta Gipuzkoako aldundiek. Hori bai, udalerri denetan ez da aldi berean indarrean sartuko, batzar nagusiek zerga onartu eta foru araua lurralde bakoitzeko agerkari ofizialetan argitaratu ostean, udalek sei hilabeteko epea izango dutelako udal-ordenantzak egokitzeko. Udalerri bakoitzari dagokio zerga kobratzea.
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.