Rajoyk iragarri du defizit publikoa % 6,7koa izan zela 2012an
Mariano Rajoy Espainiako Gobernuko presidenteak iragarri du Espainiaren defizita Barne Produktu Gordinaren (BPG) % 6,7koa izan zela iaz.
Rajoyk datu horixe eman du Kongresuko kontrolerako saioan, Alfredo Perez Rubalcaba oposizioko buruaren galderari erantzuteko.
Espainiako gobernuburuak iragan astean iragarri zuen defizit publikoa % 7tik beherakoa izango zela, baina ez zuen datu zehatza eman, eta gaur adierazi duenaren arabera, Espainiak ez zuen Europar Batasunak ezarritako defizit helburua bete eta lau hamarren gorago geratu zen.
Rajoyk azpimarratu du gizarteak "esfortzu handia" egin duela datu horretara iristeko eta "Ekonomia-Lankidetza eta Garapenerako Erakundearen barruko herrialde batek ere ez" duela antzekorik lortu.
Mariano Rajoyren ustez, datu horrek "Espainiarenganako konfiantza indartzen du, ezbairik gabe" eta Gobernua bide onetik doala erakusten du, nahiz eta "oraindik emaitzarik eman ez".
Rubalcabak, berriz, "hazkundea lehenesteko" deia egin dio aurrekontu murrizketen aurrean.
Gainera, Gobernuaren azken neurri ekonomiko sortarekin "lan-prekarietatea areagotu" dela salatu du buruzagi sozialistak.
Ustelkeria
Bestalde, Soraya Saenz de Santamariak "oinarrizko adostasunei" muzin egitea leporatu dio PSOEri, Kongresuak onartu duen ustelkeriaren kontrako akordioaren aurrean abstentzioa eman zuelako.
Espainiako Gobernuaren bozeramaileak Soraya Rodriguez PSOEren Kongresuko eledunari erantzun dio, ordezkari sozialistak esan baitu Gobernuak sinesgarritasunik ez duela 'Barcenas auzia' konpontzen ez duen bitartean.
"Barcenasen antsietate atake baten mehatxupean bizi diren bitartean, norbaitek duintasun atake bat izatea nahiko nuke, zuk adibidez", adierazi dio Rodriguezek Saenz de Santamariari.
Eurovegas
Bestalde, Cristobal Montoro Ogasun ministroak esan du ez dutela zergen legedia aldatuko Sheldon Adelsoni eta Eurovegas makroproiektuari mesede egiteko, eta ez dituztela inoren neurriko zergak jarriko "inbertsioa oso garrantzitsua bada ere".
Montorok Delia Blanco diputatu sozialista madrildarrak egindako galderari erantzun dio Diputatuen Kongresuko kontrol-saioan, eta Gobernuak proiektu jakin batzuetarako, zergak edo langileen kotizazioa aldatzeko, ezin duela legea aldatu berretsi du.
"Ez dugu aldaketarik egingo", azpimarratu du, jokoaren inguruko legediaren eskumena Madrilgo Erkidegoarena dela zehaztu aurretik.
Albiste gehiago ekonomia
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.