Langabezia % 0,75 hazi da EAEn, eta txikitu egin da Nafarroan
EAE izan da langabeziaren gorakada handiena jasan duen bigarren erkidegoa Estatuan; izan ere, 1.335 langabe gehiago zenbatu zituzten martxoan, otsailean baino % 0,75 gehiago, Espainiako Lan eta Gizarte Segurantza Ministerioak jakitera eman duenez.
Hori horrela, 179.341 langabe zeuden guztira EAEn martxoa amaieran. Urtebetean % 10,76 hazi da langabezia.
Otsailetik martxora Bizkaian hazi da gehien langabezia-tasa (% 1,19, 1.183 pertsona). Araban % 1,15eko gorakada izan du langabeziak, eta Gipuzkoan behera egin du % 0,34.
Eusko Jaurlaritza
Andres Zearreta Funtzio Publikoaren sailburuordeak "ezusteko"tzat eta "ikaragarri kezkagarri"tzat jo ditu langabezia datuak eta, "egoera zailari" aurre egiteko, "elkarlanean" aritzeko deia egin du.
Gainera, Zearretak azpimarratu du are larriagoa dela langabezia datua Aste Santuan lanpostuak sortu ohi direlako.
Hori dela eta, gogoeta egin behar dela iritzi dio, aurreko urteetan eta beste erkidego batzuetan lanpostuak sortu diren bitartean EAEn zergatik ez azaltzeko.
"Oso datu kezkagarria da eta horrek agerian uzten du oso egoera zailean gaudela eta denok eman behar dugula zerbait honetatik ateratzeko", adierazi du Funtzio Publikoaren sailburuordeak.
Nafarroan, ia berdin
Bestalde, Nafarroako Foru Erkidegoan otsailean baino 38 pertsona gutxiago zeuden langabeen zerrendan martxoa amaieran, eta guztira 56.486 gutxiago daude (% 0,07 gutxiago).
Dena dela, urtebetean % 9,57 egin du gora langabezia-tasak Foru Erkidegoan.
Euskal sindikatuak
Euskal sindikatuek doitze neurrien politikei egotzi diete martxoko datua eta ekonomia suspertzeko eta enplegua sortzeko neurrien alde egiteko beharra azpimarratu dute.
Espainia
Espainiako Estatuari dagokionez, otsailean baino 4.979 langabe gutxiago zenbatu dituzte martxoan, eta 5.035.243 langabe daude guztira (% 0,1 gutxiago).
2012ko martxoan baino 284.376 pertsona gehiago daude langabezian, % 5,99 gehiago hain zuzen ere.
Albiste gehiago ekonomia
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.