'Murrizketa zorrotzik' ez dutela egingo esan du Rajoyk
Exekutiboak ostiralean onartu behar dituen aurreikuspen berrietan murrizketa zorrotzik ez dela izango bermatu du gaur Mariano Rajoy Gobernuko presidenteak, baina "baliteke" Aurrekontuetako partida zehatzak murriztea, aurreratu duenez.
Robert Fico Eslovakiako lehen ministroarekin bilera izan du Rajoyk Moncloako Jauregian, eta, bileraren ostean, prentsaurrekoa eman du Gobernuko presidenteak.
Aurreikuspen ekonomikoak gertakariei erantzuteko aldatzea normala dela uste du Rajoyk, eta murrizketak egitea erabakitzen baldin badute "beharrezkoa eta ezinbestekoa" delako izango da, haren hitzetan.
Bestalde, aurten BEZ edo PFEZ zergak igo nahi ez dituela azaldu du presidenteak, baina hazkunde ekonomikoak eta defizita murrizteko bideak Gobernuaren erabakiak baldintzatuko dituztela erantsi du.
Gastu publikoa murriztea atsegin ez duela ziurtatu du Rajoyk, baina egiten baldin badute "ezinbestekoa" delako izango da, presidentearen esanetan. "Nahiz eta neurri gogorrak iruditu, hartzen ez baditugu, etorkizuna deuseztatuko genuke", adierazi du.
Gobernuko presidentearen hitzetan, aurreikuspenak aldatzea "logikoa" da. Ez dute zertan beti asmatu, eta, "munduko herrialde guztiek egin bezala", alda egin daitezke, erantsi du.
Gobernuak Espainiako aurreikuspenak aldatuko ditu ostiralean, eta Europako Batzordeari bidaliko dizkio, Rajoyk gogorarazi duenez.
Merkelen hitzak
EBko estatuek subiranotasuna laga behar dutela esan zuen Angela Merkel Alemaniako kantzilerrak. Rajoy ideia horren alde azaldu da, eta orain arte bankuen batasunaren alde borroka egin duela gogorarazi du.
"Subiranotasuna lagatzeari bai. 1986an Europan sartu ginenetik egiten ari gara", azpimarratu du Rajoyk.
Albiste gehiago ekonomia
Eusko Jaurlaritzak bertan behera utzi du 2025-2026ko angularen arrantzaren kanpaina, espeziearen egoera "kritikoa" dela eta
Erabakia hainbat txostenetan oinarritzen da, zeintzuetan ohartarazten baiten orain arte aplikatutako neurriek ez dutela balio izan espeziearen egoera kritikoa lehengoratzeko. Sailak azpimarratu du beharrezkoa dela espeziea berreskuratzeko neurriak indartzea egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.