Lan-erreforma, pentsioak eta BEZa berrikustea agindu du Bruselak
2013rako Espainiaren defizit-muga % 6,5era igotzea proposatu du Europako Batzordeak. Rajoyren Gobernuak eskatutako % 6,3ko muga baino bi hamarren gehiago dira (2.000 milioi euro inguru).
Gehiegizko desorekak direla-eta, Europako Batzordeak ez dio Espainiari zigor-espedienterik ireki, baina Gobernuak 2013 eta 2014 bitartean bideratu behar dituen neurrien egutegi zehatza ezarri dio. Bertan, pentsioen erreforma egitea eta lan-erreforma eta zerga sistema berrikustea eskatu dio Espainiari. BEZa igotzeko aukera ere mahai gainean jarri du Bruselak.
Hala, pentsio-sistemaren bideragarritasuna bermatuko duen araudia 2013a amaitu aurretik bukatzea eskatu dio EBk Espainiari, erretiroa hartzeko adina bizi-itxaropenarekin bat eginez atzeratzeko.
2014ko martxoa baino lehen, zerga sistemaren ''berrikusketa sistematikoa'' egitea ere eskatu dio, eta egun BEZ murriztua duten zenbait produkturen zenbatekoa % 10etik % 21era igotzeko aukera aztertzea.
Bestalde, ''ingurumen-zergen gainean ere neurri osagarriak hartu beharko ditu Espainiak, bereziki erregaien zergei dagokienez''.
Halaber, lan-erreformaren ebaluazioa uztailaren aurretik bukatzea agindu dio EBk Espainiari, iraila baino lehen balizko aldaketak aurkezteko.
2016ra arteko epea defizita zuzentzeko
Bruselak, halaber, defizita % 3tik behera jaisteko gehienezko epea 2016a arte luzatu dio Espainiari. Rajoyren Gobernuak 2012an eskatutako doikuntzak bete izana eta egoera ekonomikoak okerrera egin izana dira luzapen horren arrazoiak, Europako Batzordeak azpimarratu duenez.
"Espainiak egun bizi duen defizit egoerarekin bukatu behar du 2016a baino lehen'', adierazi du Europako Batzordeak bere gomendioetan. Bertan jasotzen duenez, honako defizit-muga bete beharko luke Espainiak ordura arte: % 6,5ekoa 2013an; % 5,8koa 2014an; % 4,2koa 2015ean; eta % 2,8koa 2016an.
Egonkortasun programan, hala ere, honako aurreikuspenak egin zituen Rajoyren Gobernuak: % 6,3koa 2013rako; % 5,5ekoa 2014rako; % 4,1ekoa 2015erako eta % 2,7koa 2016rako.
Bruselak egindako proposamenek, edonola ere, eurotaldearen eta Ecofinen onespena behar dute. Ekainean egingo dute bilera.
PFEZa jaitsiko duela eta BEZa igo nahi ez duela esan du Rajoyk
Mariano Rajoy Gobernuko presidenteak, bestalde, PFEZ pertsona fisikoen errentaren gaineko zerga jaitsiko duela adierazi du, baina ez du oraindik data zehatzik eman. Halaber, BEZa igo nahi ez duela ere aurreratu du.
EBk Espainiari zuzendutako neurriak iragarri baino minutu gutxi lehenago egin ditu adierazpen horiek Rajoyk, baina dagoeneko defizit eta zerga mailan zenbait neurri ezagutzen hasiak zirela.
Bidezko banaketa
Defizit helburu berrien banaketa "bidezkoa" izango dela iragarri du Cristobal Montoro Hazienda ministroak. Logikoena hamarren bat Estatuarentzako eta beste bat erkidegoentzako izatea dela erantsi du ministroak.
Montororen hitzetan, banaketa erabakitzeko "goiz" da oraindik, baina "irizpide objektiboak" erabiliko dituztela aurreratu du.
Ministroaren ahotan, Estatuari hamarren bat eta erkidegoei beste bat ematea ideia "logikoena" da. Hala ere, "erkidego autonomoen defizit publikoa zuzentzeko helburuak malgutuko ez" dituztela gaineratu du.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.