Pentsioak % 0,25 baino ez dira igoko 2014an, aurreikusitako minimoa
Cristobal Montoro Ogasun ministroak 2014ko Estatuko Aurrekontu Orokorrak aurkeztu ditu kongresuan.
Aurrekontu horietan jasotakoaren arabera, ministerioek % 4,7ko murrizketa izango dute modu homogeneoan. Barne, Hezkuntza, Lan, Nekazaritza eta Ekonomia Ministerioek, berriz, partida handiagoa izango dute erabilgarri.
Enpleguko eta Gizarte Segurantzako Ministerioak jasoko du partidarik handiena (26.544,24 milioi eurokoa), % 11,5 handiagoa, Enplegu eta Gizarte Segurantzari egindako transferentziak kontuan hartuta. Azpimarratzekoa da, pentsioak %0,25 baino ez direla igoko datorren urtean, hain zuzen, kalkulu berriaren ondorioz aurreikusitako minimoa.
Industria, Energia eta Turismo Ministerioek, bestalde, partidan gehikuntza handiena izango dute (5.158 milioi euro), %31, 6 gehiago.
Halaber, Barne Ministerioak partida handiagoa izango du erabilgarri, 7.298,26 milioi euro, %1,2 handiago. Hezkuntza, Kultura eta Kirola Ministerioen partida, berriz, %6,6 handituko da.
Bien bitartean, Nekazaritza eta Ingurumen Ministerioen gastua %3 handituko da 2014an. Ekonomia Ministerioak, bestalde, 2.346,01 milioi euroko aurrekontua izango du, %19,5 gehiago. Hala ere, partidaren hazkundea %4,1 koa izango da, 2013an egindako transferentziak kontutan izanda.
Sustapen Ministerioaren kasuan, aurrekontuak %0,2 egingo du gora, 4.095,17 milioi eurorekin.
Osasun, Defentsa, Justizia, Presidentetza eta Atzerri Ministerioek murrizketak izango dituzte
Osasun, Gizarte Zerbitzu eta Berdintasun Ministerioek %35,6ko murizketa izango dute, 1.907,6 milioi eurorekin. Atzerri eta Kooperaziorako Ministerioek, berriz, %8,8ko murrizketa izango dute, eta Justizia Ministerioaren aurrekontuak %2,3 egingo du behera.
Defentsa Ministerioak, bestalde, 5.742,94 milioi euroko partida jasoko du, murrizketa, beraz, %3,2koa izango da. Azkenik, Presidentetza Ministerioaren aurrekontuak %2,6 egingo du behera.
Albiste gehiago ekonomia
Lezoko Interal enpresak bi greba egun deitu ditu, Enplegu Erregulazioko Espedientea ezarri eta 226 langileetatik 85 kaleratuko dituztela salatzeko
LAngileen batzordeak ekainaren 26rako eta uztailaren 2rako deitu ditu greba egunak, eta uztailaren 8tik aurrera greba mugagabea hasteko aukera ere aurreikusi du.
CCOOk Unai Sordo berrautatu du idazkari nagusi, botoen % 96,1ekin, bere azken agintaldia izango denerako
Comisiones Obrerasek Unai Sordo aukeratu du berriro datozen lau urteetan sindikatuko buru izateko. Hautaketaren osteko lehen hitzaldian, ustelkeriaren aurka borrokatzeko eskatu du, eta lanaldi-murrizketaren aldeko mobilizazioak iragarri ditu.
Greba mugagabea iragarri dute Iruñeko villavesa autobusetan uztailaren 1etik aurrera
Langileek hilabeteak daramatzate lanuzteak eta protestak egiten, hitzarmena eguneratzea aldarrikatzeko.
Lan mahai bat osatu da Barrualde-Galdakao ESIko larrialdi zerbitzuaren egoera bideratzeko
Inplikatutako alderdi guztiek hartuko dute parte, “diskrezioz” lan eginda. Egoerak eztanda egin du, larrialdi zerbitzuetako langileen zati handi bat bajan dagoen garaian, zuzendari medikoak dimisioa eman duenean.
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan-karga handiegia zutela, LAB sindikatuko Jessica Gondraren hitzetan. Horren esanetan, zuzendaritzak urte biko epean ez du ezer egin. Sindikatuen ustez, zuzendaritzak egoera baliatu nahi du langileen irudia zikintzeko, Gernika-Lumoko larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.