Euskal ogasunen zerga-bilketak % 4,2 gora egingo du 2014an
Euskal Autonomi Erkidegoko ogasunen zerga-bilketak % 4,2 gora egingo du 2014an, eta hiru lurraldeetako haziendek 12.374 milioi euro bilduko dituzte, aurten baino 500 bat milioi gehiago, Eusko Jaurlaritzak eta Bizkaiko, Arabako eta Gipuzkoako foru ogasunek gaur iragarritakoaren arabera.
Eusko Jaurlaritzak eta foru gobernuek iragarpena Finantza Publikoen Euskal Kontseiluan egin dute. Bileran 2013ko zerga-bilketa ixteko aurreikuspena adostu dute. Aurten 11.875 milioi euro bilduko dituzte, aurreikusitakoa baino 50 milioi gehiago.
Datorren urtean ekonomiak % 0,9ko hazkundea izatea espero du Eusko Jaurlaritzak. Euskal ogasunek 12.374 milioi euro bilduko dituzte, 2013an baino % 4,2 gehiago.
4.744 milioi BEZaren bidez bilduko dituzte 2014an, 4.435 milioi Pertsona Fisikoen Errentaren Gaineko Zergarekin, 1.424 milioi Zerga Bereziekin eta beste 1.000 milioi sozietate-zergarekin.
Finantza Publikoen Euskal Kontseilua. Aragazkia: EFE
Euskadiko enpresa askok euren balantzeak eguneratu behar izan dituzte eta sozietate-zerga banatzeko polemikak Finantza Publikoen Kontseiluaren bilera markatu du.
Erakundeek 127 milioi gehiago bildu dituzte ezohiko neurriarekin. Diru-kopuru horren % 70 aldundiek Jaurlaritzari eman beharko diote, legeak hori aurreikusten duelako.
Zenbateko horren erdia laga behar dio Bizkaiak Gasteizko Exekutiboari, Gipuzkoak % 33 eta Arabak % 17. Irizpide horrek kalte egiten diela salatu dute Arabak eta Gipuzkoak.
Hiru ahaldun nagusiak Finantza Publikoen Euskal Kontseilua. Argazkia: EFE
Lantaldea
Horrela, Ekarpenen Lege berri bat egiteko lantalde bat osatzea adostu du Kontseiluak. Arabako Aldundiak proposamena egin du, eta Gipuzkoak babesa eman dio.
Hala ere, zerga-sozietatearen inguruko polemikari konponbidea emateko ebazpena atzeratzea erabaki dute. 2014ko otsailean bilera egingo dute gaiaz eztabaidatzeko.
Diru bilketaren datuak aurkeztu ostean, aldundien arteko desadostasunak azaldu dira; izan ere, Bizkaiko ahaldun nagusiak zerga bakoitza banan-banan aztertzeari uko egin dio, aldundi bakoitzak bere interesen arabera aldaketak proposatuko zituelako.
Egungo banaketarekin Arabak galdu egiten duela adierazi du Javier de Andres ahaldun nagusiak, Eustatek Arabako BPGren kalkulua gaizki egiten duelako. Ekarpena egiteko oinarria BPG da eta kalkulua gaizki egiten baldin bada ekarpena ere oker dago, De Andresen hitzetan.
Gatzagaetxebarria sailburua oso haserre azaldu da. De Andresen adierazpenak "desegokiak" direla esan du Gatzagaetxebarriak. Eustaten lan egiten duten pertsona guztien "izen ona eta sinesgarritasuna" defendatu ditu.
Zure interesekoa izan daiteke
2025a amaitzeko eta 2026rako diru-laguntza gehiago izango dira auto elektrikoak erosteko
Espainiako Trantsizio Ekologirako Ministerioak 50 milioi eman dizkio Eusko Jaurlaritzari Moves Plana agortu ondoren diru-laguntzaren zain zeuden 3.400 eskariei erantzuteko. Espainiako Gobernuak laguntza berriak emango ditu, gainera, datorren urtean.
Balenciaga ontziolako langileek eta Abu Dhabi Ports talde arabiarrak konpainiaren geroa bermatu dute, soldataren inguruko akordioa erdietsita
Langileekin akordioa lortzea ezinbesteko baldintza zen ontziola erosteko. Adostutakoaren arabera, soldatak % 5 jaitsiko dizkiete beharginei, baina hori onartuta, talde arabiarrak Zumaiako ontziola erosi ahalko du, 11,2 milioi euroren truke.
Eusko Jaurlaritzak "positibotzat" jo du Balenciaga ontziolan lortutako akordioa, eta langileei egindako "esfortzua" eskertu die
Eusko Jaurlaritzako Industria, Trantsizio Energetiko eta Jasangarritasun sailburuak esan duenez, negoziazioan "soka asko tenkatu da, baina ez da inoiz apurtu". Akordioak lan-karga emango die ontziolaren beraren beharginei zein haren menpe dauden lanpostu ez zuzenei.
Zumaiako alkateak zoriondu egin ditu Balenciaga ontziolaren negoziazioan parte hartu duten alde guztiak
Iñaki Ostolaza, Zumaiako alkatea, pozik agertu da akordioarekin eta zorionak eman dizkie Balenciaga ontziolaren negoziazioan parte hartu duten alde guztiei, eta aipamen berezia egin die langileei.
Behiak txertatzen hasi dira Ipar Euskal Herrian, laborarien protesten artean
Izuran lehen 30 behiak txertatu dituzte jada. Albaitariek lan handia dute aurretik, abelburu guztiak erabat babesteko. Bitartean, laborariek protestekin jarraitzen dute, txertaketak garrantzia ez duelakoan. Ezarritako protokoloa bertan behera uzteko eskatzen diete agintariei.
ELAri kalte-ordaina eman beharko dio Tubos Reunidos Threadsek greba eskubidea larriki urratzeagatik
Enpresak greban zeuden langileak plantillako beste langile batzuekin ordezkatu zituela egiaztatu zuen Lan Ikuskaritzak eta EAEko Justizia Auzitegi Nagusiak ondorio hori berretsi du.
CAFeko langile batzordeak eskatu du kontratuak kalitatezko enplegua ekar dezala "langileentzat eta azpikontratentzat"
Mikel Fernandino LAB sindikatuko ordezkariaren esanetan, albistea oso ona da, eskaria "bolumen handikoa" eta "Europakoa" delako.
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.