Hiru greba egun egingo dituzte Euskaltelen, murrizketen aurka
Euskalteleko langile batzordeak hiru greba egun deitu ditu abenduaren 16, 17 eta 18rako, enpresak aurkeztutako "kaleratzeei eta murrizketei erantzuteko". Enpresak Sistemak lan unitate ia osoa
azpikontratatzeko asmoa azaldu eta gero erabaki dute langileek greba deitzea.
ELA sindikatuko iturriek adierazi dutenez, 40 langile inguru kaleratzea eragingo du Sistemak alorreko langileen bi heren azpikontratatzeak. Enpresak bederatzi milioi euro aurrezteko plangintzaren baitan hartutako erabakietako bat da hori.
"2008 eta 2012 artean 179 milioi eurotik gorako irabaziak izan arren, irabaziak hazten jarraitzeko helburua dute Euskalteleko akziodunek, eta, lan-kostuak murriztuz, langileen bizkar egin gura dute hori: negozio unitate batzuk azpikontratatuz eta azpikontratatutako zerbitzuetan aurreztuz", salatu dute.
Horrela, ELAtik adierazi dute ez dutela "inola ere" onartzen enpresak aurkeztutako planteamendua, eta "egungo nahiz iragan hurbilean Euskaltelen akziodun izan direnen gehiegikeria" salatu du. Horregatik, enpresako langile batzordeak deitutako mobilizazio eta greba egunetan parte hartzera deitu ditu beharginak.
Duela urtebete inguru izaera publiko edo erdi-publikoa zuten zenbait erakundek (Eusko Jaurlaritza, Kutxabank, Iberdola, Endesa eta Mondragon) beren akzioak saldu ostean aldatu ziren Euskaltel
enpresaren jabeak. Egun, enpresaren akzioen % 49 Kutxabankek ditu, % 2 Iberdrolak eta % 48,1 International Cable BV enpresa holandarrak.
Aliantzen sorrera
Euskaltelek, bestalde, enplegu bat bera ere ez duela suntsituko bermatu du. Adierazi duenez, “lehen mailako sinesgarritasuna duten enpresekin aliantza estrategikoetan” lanean ari dira “aurrerapauso teknologiko” bat emateko eta euskal operatzailea gainerako enpresen aurretik jartzeko. Egun 60 langile dituen Sistemak alorrari dagokionez, 30 edo 40 langile hitzartutako beste enpresa horietan lan egitera igaroko lirateke, “baina Euskaltelentzat”.
Komunikabideekin elkartu dira Alberto Garcia Erauskin Euskalteleko presidentea eta Fernando Ojeda zuzendari orokorra.
Ojeda “harrituta” agertu da sindikatuek egin dituzten adierazpenekin eta “jendea kentzeko asmorik ez” dutela adierazi du. “Euskaltelen hurrengo pausoa eman nahi dugu, gero eta orokorragoa den merkatu batean aurrerapausoa eman nahi dugu”, esan du.
“Zerbitzu berriak eskaintzen dituzten nazioarteko konpainiekin aliantzak sortu nahi ditugu eta enpresa horiek eskaintzen dituzten baliabideak erabili nahi ditugu zerbitzuak eman ahal izateko”, gaineratu du Ojedak. “Modu adimentsuan egin nahi dugu hori, inork bere lanpostua galdu ez dezan”, baieztatu du.
“Euskaltelek ez du enplegua suntsitzen. Izen handiko enpresekin aliantzak sortzen ditu. Enpresa horiek, gainera, ez dute Euskaltelek emandako enplegua soilik hartuko, enplegu gehiago sortu beharko dute zerbitzu gehiago eskaini ahal izateko”, amaitu du.
Albiste gehiago ekonomia
Azkenean CAFen esku geratuko da Belgikako trenbide-sarearekin itxitako 3.500 milioi euroko kontratua
Enpresa gipuzkoarrak Belgikako trenbideetarako bagoiak egiteko kontratu publiko bat lortu zuen zuen otsailean, 1.700 eta 3.500 milioi euro arteko kontratua, baina, egoitza Belgikan duen Alstom konpainia frantziarrak errekurtsoa aurkeztu zuen. Hori aztertu duen erakundeak kontratua atzera botatzeko arrazoirik ikusi ez, eta azkenean CAFek esku geratuko da kontratua.
3562 milioi euro irabazi ditu Iberdrolak ekainera arte, % 13,8 gutxiago, aparteko gainbaliorik eza dela eta
Energia-enpresak % 20 hobetu du bere mozkin garbi doitua, eta % 5 handitu du bere Ebitda errepikaria, Estatu Batuetako Sareen negozioaren hazkundeari eta kostuen aintzatespenari esker.
Nafarroako dozena bat udalek eta hainbat elkartek Azantzako aerosorgailuen proiektua errefusatu dute
Aizpunen egindako ekitaldi batean, Mikel Irujo Industria kontseilariak Nafarroako sektore berriztagarriaren egoera azaldu du. Ondoren Udalek euren iritzia azaldu dute ohar baten bidez. Hala ere, eskerrak eman dizkiote kontseilariari bertara hubiltzeagatik, "inguruko biztanleen eskaerak entzun dituelako".
Bizkaian aurkeztutako hamar errenta aitorpenetik zazpik diru-itzulketa jaso dute
Batez beste, 1.201 euro ordaindu zaizkie zergadunei, iaz baino 94 euro gehiago. Ordaindu beharreko aitorpena duten zergadunek, berriz, 2.653 euro ordaindu behar izan dituzte, batez beste.
Turismo-tasari % 100eko hobaria eman edo errekargua ezarri ahal izango diote udalek
Turismo-egonaldien gaineko zergak aplikazio orokorra izango du, espezifikotasun bereziekin (% 100eko hobariak edo errekarguak), udalerrietako ostatu-establezimenduen arabera eta udal-autonomiarako marjinarekin.
Bizkaiko metalgintzako enpresek 1400 lanpostu sortuko dituzte 2025ean, 2024an baino % 2,6 gehiago
Gainera, enpresa metalurgikoek fakturazioa "pixka bat" haziko dela eta eskaera-zorroak mantenduko direla uste dute, merkatua etengabe "hozten" ari dela eta eskaera-maila ohikoa baino baxuagoa dela kontuan hartuta.
Bizkaiko anbulantzien "egoera larria" salatu du ELAk, eta publiko egitea eskatu du lizitazio berriaren aurrean
Sindikatuak Bizkanb aldi baterako enpresa-elkartearen kudeaketa kritikatu du eta anbulantzien erabilera desegokia salatu du.
Sidenor eta Legazpiko Udala zigortu dituzte langile bati amiantoagatik kalte-ordaina ematera
EAEko Auzitegi Nagusiak atzera bota ditu enpresaren eta Udalaren helegiteak, eta berretsi egin du 376.305 euroko zigorra amiantoaren eraginpean egoteagatik.
BSHko langileek babesa eman diote zuzendaritzak eta gehiengo sindikalak lortutako akordioari, aldeko 475 bozkekin
Langileen % 78k bat egin du aurreko ostegunean UGT, CCOO, ATISS eta Solidari sindikatuetako ordezkariek adostu zuten aurreakordiorekin. Horren arabera, 609 lagun kaleratuko dituzte kalteordainekin eta lantegia itxiko dute.
Euskadiko Parke Teknologikoaren etorkizuneko campusa eraikitzen hasi dira Zorrotzaurren: Idom, Mondragon eta abangoardiako enpresak hartuko ditu
Aurreneko eraikina Tarabusi pabiloi zaharraren kokalekuan egongo da, Galletaginen etorbidean. Bilboko Campusean teknologikoki aurreratuak diren hainbat enpresa ezartzea aurreikusten da.