Enplegu publikoa eta ekonomikoa sustatzea eskatu dute sindikatuek
Enplegu publikoa sortzeko eta pizgarri ekonomikoen bidez ekonomia bultzatzeko eskaera luzatu diote sindikatuek Eusko Jaurlaritzari, krisitik atera eta langabezia tasak murrizte aldera.
Euskadiko sindikatu nagusienetako ordezkariak Jaurlaritzan izan dira eta Enplegu, Gizarte Politika eta Etxebizitza Batzordean parte hartu dute. Urtarrilaren 28an Eusko Jaurlaritzak aurkeztutako Ekonomiaren Susperraldiaren eta Enpleguaren aldeko 2014-2016 Esparru Programaren inguruko iritzia azaldu dute.
Sindikatu guztiek Jaurlaritzaren jarrera kritikatu dute. Diotenez, agente sozialen iritzia aintzat hartu gabe prestatu du Jaurlaritzak txostena. Era berean, Euskadiko langabezia datuak hobetzeko ekonomiaren ikuspegi zabala izatearen alde agertu dira.
Kalitatezko enplegua sustatzeko eta ekonomiari bultzada emateko administrazio publikoaren parte hartzea defendatu dute, eta austeritate politikak alde batera uzteko eskatu.
ELA sindikatuko Janire Landaluzek aurreko planei “jarraikortasuna” ematen dion programa izatea deitoratu du. “Autoenplegua bezalako konponbideek gizarte bakartiagoa sortzen dute, eta horrek kohesio soziala apurtzen du”, azpimarratu du. Langabeziari erantzuna emateko plana ez dela errealista gaineratu du.
Oihan Ostolazak, berriz, LAB sindikatuko enplegu politikarako idazkariak, Jaurlaritzak emandako erantzuna kritikatu du. “Emergentzia soziala egonda, Jaurlaritzak ez du erantzun egokia eman, eta prentsako izenburuak lortzeko helburua besterik ez du izan aurkeztutako planarekin”, esan du. Gaineratu duenez, planak langabeziari aurre egiteko “partxe” bat da.
UGT-Euskadiko Felipe Garciak dioenez, “Enplegu Plana inposaketaren ondorio da, ez baita sindikatuekin zehaztu eta ez baitu politika ekonomikoa aldatzeko balio”.
CCOOtik ere Jaurlaritzak sindikatuen iritzia aintzat hartu ez izana kritikatu dute. Lola Garciak gaineratu duenez, “Jaurlaritzak ahaztu egin du zuzenbide-estatu batean enplegu publikoak duen garrantzia”.
Zure interesekoa izan daiteke
Tubos Reunidoseko langileek elkarretaratzea egin dute Bilboko San Mameseko zabalgunean
Athletic-Betis partidaren atarian lan erregulazioa eta altzairutegia ixtearen kontrako jarrera azaldu dute. Gainera borondatezko bajei atxikimendua emateko prozesua kritikatu dute eta zalantzak dituzte 301 langileek izena eman ote duten.
LABek "ez du derrigorrezko kaleratzerik onartuko" Tubos Reunidosen
Garbiñe Aranburu LABeko idazkari nagusiak adierazi du ez dutela enpresaren "xantaia" onartzen, eta erantsi du ez dutela onetsiko 300 langile kaleratu behar izatea enpresaren bideragarritasunaz negoziatzen hasteko.
Indarrean dira Irango gerrak sortutako krisiaren aurka Espainiako Gobernuak hartutako neurriak
Elektrizitatea eta erregaiak merkeagoak dira, besteak beste, BEZa % 21etik % 10era jaitsi delako.
Aldizkari ofizialak argitaratu ditu jada Espainiako Gobernuaren krisiaren aurkako neurriak, eta bihar jarriko dira indarrean
Elektrizitatearen BEZa % 21etik % 10era jaitsiko da, gasolinaren, gasolioaren eta beste hidrokarburo batzuena bezalaxe.
Tubos Reunidoseko langileek trafiko arazoak eragin dituzte Bilbon, Sabino Arana etorbidea moztuta
Tubos Reunidoseko langileek Sabino Arana etorbidea moztu dute. Argazkia: EITB Media
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.