De Andres: 'Isunaren % 30 ordaintzea adostu dute hiru aldundiek'
Opor fiskalak direla eta EBk ezarritako isunaren % 30 ordaintzea adostu dute hiru aldundiek, Javier de Andres (PP) Arabako ahaldun nagusiak gaur ziurtatu duenez. Finantza Publikoen Euskal Kontseilua asteazkenean bilduko da, baina akordioa lehenago ixtea espero du De Andresek.
Kontseilua asteazkenerako deitu du Gasteizko Exekutiboak. 30 milioi euroko isuna ordaintzeko banaketa itxi nahi dute bileran.
Arabako Errioxan araztegi bat inauguratu eta gero adierazpenak egin ditu De Andresek. Jaurlaritzak Arabak eta Gipuzkoak proposatutako formula onartu duela baieztatu du ahaldun nagusiak. Horrela, Gasteizko Exekutiboak isunaren % 70 (21 milioi) ordainduko du eta hiru aldundiek gainerako % 30 (9 milioi).
Jaurlaritzak "konpromisoa" hartu eta gero, hiru lurraldeek "erabateko adostasuna" mantentzen dute, bakoitzak "bere ordaintzeko gaitasunaren barruan isunari aurre egiteko", ahaldun nagusiaren hitzetan.
De Andresen ahotan, Arabak eta Gipuzkoak hasieratik defendatu duten formularekin bat egin du Bizkaiak. Gobernu zentralari 30 milioiak itzultzeko modua zehazteke dagoela adierazi du, baina "arazo txikiena" dela erantsi du.
Garitano
Era berean, Kontseiluak isunaren ordainketarako zerga sistemaren ohiko koefizienteak erabiltzea espero du Martin Garitano (Bildu) Gipuzkoako ahaldun nagusiak.
Eusko Jaurlaritzak isunaren % 70 ordaindu behar duela errepikatu du Garitanok, logikoena "banaketa horrela egitea delako".
"Euskal herritarrek 30 milioi ordaindu behar izatearen errudunak" jakitera emateko eskatu dio Gorka Maneiro UPyDko legebiltzarkideak Finantza Publikoen Euskal Kontseiluari.
Zentzu horretan, isuna zergadunen poltsikoan eroriko dela azpimarratu du LAB sindikatuak.
Zure interesekoa izan daiteke
Eusko Jaurlaritzak zuhurtzia eskatu du AEBko Auzitegi Gorenak muga-zergen eta Trumpen tasa global berriaren inguruan hartutako erabakiaren ostean
Gogoratu du indarrean jarraitzen dutela altzairu eta aluminioari (% 50) eta autoei (% 15) eragiten dieten muga-zergek.
Tubos Reunidos eta Maderas de Llodio enpresetako langileei babesa adierazteko mobilizazio jendetsua egin dute
"Ez diegu utziko etorkizuna lapurtzen" lelopean, Amurrioko kaleak zeharkatu dituzte. Aiaraldea eskualdeak egoera kritikoa bizi du, Arabako langabezia-tasa handienarekin, eta mobilizazio horrek inguruko industria defendatzeko ere balio izan du.
Medikuek hiriburuetan egindako manifestazioekin eman dute amaitutzat estatutu propioa eskatzeko astebeteko greba
Parte-hartze handia egon dela ziurtatu dute, eta ezohikoa izan arren, zerbait lortzeko grebaren bidea azpimarratu besterik ez dutela egin. Aldaketarik ez badago, grebaren bigarren astea martxoaren 16an hasiko da.
Lehendakariak iragarri du Ayesaren egoitza Donostian egongo dela
Pradalesek adierazi duenez, Eusko Jaurlaritzak eta erosketan parte hartzen ari diren gainerako akziodunek erabakia hartu dute jada. "Ayesa Donostian sortu eta garatu zen, eta bertan jarraitu behar du", esan du.
Etxebizitzen salerosketak % 14,7 hazi ziren iaz EAEn, 2007ko burbuilako markak gaindituz
INE Espainiako Estatistika Institutuak gaur jakinarazi dituen datuen arabera, salerosketen kopuruak bigarren urtez jarraian egin du gora.
Jauregik dio industria bazkide bat aurkitu behar dela, eta horretarako ezinbestekoa dela zorraren arazoa konpontzea
Mikel Jauregi Eusko Jaurlaritzako Industria sailburuak bere elkartasuna adierazi die Tubos Reunidoseko langileei, baina enpresaren egoera oso larria dela nabarmendu du. Gakoa industria bazkide bat aurkitzea dela esan du, eta gaineratu du horretarako ezinbestekoa dela zorraren arazoa konpontzea.
Ayesaren egoitza Donostian egongo da
Imanol Pradales lehendakariak iragarri du Ayesaren egoitza Donostian egongo dela, akziodunek adostu dutenez.
Albiste izango dira: Medikuen greba, Tubos Reunidos eta Maderas de Llodio enpresetako langileen mobilizazioa, eta Eusko Legebiltzarreko kontrol saioa
Orain.eus atarian gaur albiste izango direnen laburpena, bi hitzetan.
Langile talde batek Metal Group erosi eta Legutioko planta salbatu nahi du
Duela aste batzuk, enpresak itxi zuen, bezero nagusiak bere piezak erosteari utzi eta Txinan erostea erabaki ondoren.
Sidenorren otsailaren 10eko erregistroa baliogabetzeko eskatu dio Jainagak Espainiako Auzitegi Nazionalari
Espainiako Polizia Nazionala Basauriko Sidenorren egoitzara sartu zen Israeli altzairua saltzeagatik egindako ikerketari buruzko informazioa biltzeko.