Toñak Jaurlaritzaren Etika Batzordearen esku utzi du bere kasua
Angel Toña Enplegu eta Gizarte Politika sailburuak bere kasua Eusko Jaurlaritzaren Etika Publikoaren Batzordearen esku uztea erabaki du, eta bere gaitasungabetzea horrelako prozesuetan "ohikoa" dela azpimarratu du.
Toñak prentsa-ohar batean azaldu duenez, Iñigo Urkullu lehendakariari inhabilitazioaren inguruko "azalpen guztiak" eman dizkio gaur goizeko bileran, eta Eusko Legebiltzarrera joango da, "auzia erabat argitzeko beharrezko azalpen guztiak ematera".
Bestalde, Toñak esan du Bizkaiko Probintzia Auzitegiaren ebazpenak "merkataritza izaera" duela, eta ez dela "zigor ebazpena".
Toña (Jose Maria Aburtoren ordezkoa, atzotik) zigortu egin zuten, likidazioan zehar ordainketen ordena aldatu eta enpresa horiek Gizarte Segurantzaren Diruzaintza Nagusiarekin eta gutxienez bost langilerekin zuten zorra atzeratzeagatik, eta izendapena jaso eta biharamunean komunikatua igorri du kasuaren inguruko bere bertsioa emateko.
Eusko Jaurlaritzaren Etika Publikoko Batzordea
Horregatik guztiagatik, Toñak erabaki du Eusko Jaurlaritzaren Etika Publikoko Batzordera eramatea bere kasua, "ahal bezain laster erabakia har dezan".
Etika Publikoko Batzordearen presidentea Josu Erkoreka Justizia sailburu eta Jaurlaritzaren bozeramailea da, eta auziari nola aurre egin aholkatu ahal izango dio Jaurlaritzari.
Erkorekaz gain, Andres Zearreta Funtzio Publikoaren sailburuordeak, Elisa Perez Vera legelariak, Daniel Innerarity filosofoak eta Maite Iruretagoiena Herri Arduralaritzaren Euskal Erakundeko zuzendariak batzordea osatzen dute.
Iñigo Urkulluren Gobernuak 2013ko maiatzean Kode Etikoa onartu zuen eta batzordea aldi berean sortu zuten. Kodeak Jaurlaritzako kide eta EAEko Administrazio Publikoaren goi-kargudun guztiei eragiten die.
Kodean jokabide egokiak identifikatzen dituzte, eta baita urraketa bakoitzari dagokion zigorra ere. Goi-kargudunen lana zintzotasunean, zuzentasunean eta prestutasunean oinarritu behar dela dio Kode Etikoak. Era berean, gardentasuna eta inpartzialtasuna aipatzen ditu.
Oposizioaren gehiengoak kargutik kentzea eskatu du
EH Bilduk, PPk eta UPyDk Angel Toña kargutik kentzea eskatu dute, legea urratu duelako eta Gizarte Segurantzari eta langileei kalte egin zielako. Kode etikoa ere urratu ahal izan duela uste dute taldeek. Sententziak sailburu izatea galarazten diola erantsi dute.
Bestalde, PSE-EEk lehendakariari azalpenak eskatuko dizkio Eusko Legebiltzarrean, ostiralean. Oposizioko gainerako taldeek ere gauza bera egingo dute. EAJk ez du momentuz adierazpenik egin.
Sindikatuek, ostera, ez dute Toñaren jokabidea salatzeko arrazoirik ikusten. Ainhoa Etxaide LABeko idazkari nagusiak esan du sindikatua ez zela Angel Toñaren inhabilitazioa ekarri duen salaketara gehitu, Enplegu sailburu berriaren jarduera ?ez zelako okerra izan?.
Era berean, ELA sindikatuak adierazi du ez duela sailburuak egindako lana "gaitzesteko arrazoirik" ikusten. Unai Sordo Euskadiko CCOOren idazkari nagusiaren hitzetan, kasua ?dezente puztu? dute
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.