Nafarroako zerga-erreformak hamar foru lege aldatuko ditu
Mikel Aranburu Nafarroako Ogasun eta Finantza Politika kontseilariak iragarri duenez, Gobernuak zerga-erreforma egiteko prestatu duen lege-proiektuak hamar foru lege aldatuko ditu.
Aranburuk prentsaurrekoa eman du Parlamentuan, zerga-erreformarako proposamenaren puntu nagusiak aurkezteko.
Aldatu nahi dituzten legeen artean, besteak beste, hauek daude: Zergen Foru Lege Orokorra, PFEZ, Elkarteen gaineko Zerga, Kooperatiben Zerga Erregimena, Ondarearen gaineko Zerga, Oinordekotzen eta Dohaintzen gaineko Zerga, eta Fundazioen Zerga Erregimenaren Foru Legea.
Zergen Foru Lege Orokorrari dagokionez, "Administrazioaren egiaztatzeko eta ikertzeko eskubideak" bereizi egingo dituztela azaldu du Aranburuk.
Era berean, "zerga betebeharrak urratzen dituztenen" publizitatea egingo du, eta ikertzaileen jarduerak 18 hilabetera, kasu orokorretan, eta 27 hilabetera, kasu berezietan, luzatuko dituzte.
PFEZi dagokionez, banku fundazioek ematen dituzten bekak eta gainerakoak parean jartzea proposatuko dute.
Gainera, kendu egingo dituzte ohiko etxebizitza izateagatik eta lana emateagatik egiten ziren dedukzioak.
Elkarteen gaineko Zergaren kasuan, tipo orokorra % 25etik % 28ra igoko dute, eta gutxienekoa, % 10etik % 13ra, baina enpresa ertain eta txikien kasuan, % 11tik % 9ra jaitsiko dute.
Aranburuk iragarri du "doikuntza teknikoa" egingo dutela kooperatiben atalean, Elkarteen gaineko Zergan ageri den tipoak eta Ondarearen gaineko Zergan ageri denak bat egin dezaten.
Oinordekotzekin iruzur ez egiteko, arau berriak sartuko dituzte, eta fundazioek sortu zituztenean zehaztutako helburuetara bideratu beharko dute diruaren % 70.
Zure interesekoa izan daiteke
EAErako tasa turistikoa onartzeko aurreproiektua, martxan: eguneko 7,5 eurorainokoa izan daiteke
Udararako tasa turistikoak prest izatea nahi dute Euskal Autonomia Erkidegoko hiru aldundiek eta berau onartzeko prozesua abiatu dute, egonaldi turistikoen gaineko foru arauaren aurreproiektua martxan jarrita. Udalerri bakoitzari dagokio zerga kobratzea.
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.
EAEko taxilariek manifestazioa egin dute Bilbon VTC plataformen "gehiegikerien" aurka
Taxien sektorean egiten dituzten azterketa berdinak eskatzen dizkiete erakundeei plataforma hauentzat. Salatu dutenez, Bizkaian ibilgailu hauentzat lizentzia berrien "jarioa etengabea" da, Foru Aldundiak baimenduta. Jakitera eman dutenez, Gipuzkoan egoera desberdina da, ez delako lizentzia berririk ematen. Araban, berriz, "erresistentzia instituzionala handiagoa" dela diote.
Mikel Jauregiren arabera, Tubos Reunidosen irtenbideak "bideragarria" izan behar du, eta berregituraketak, "epe luzekoa"
Eusko Jaurlaritzako Industria, Trantsizio Energetiko eta Jasangarritasun sailburuak eragile guztien artean Tubos Reunidosen benetako bideragarritasuna bilatzearen eta Amurrion eta Trapagaranen industria-jarduerari eutsiko dion "etorkizuneko industria-proiektu bat osatzearen alde" egin du Radio Euskadin. Hala ere, onartu du zorra arazo garrantzitsua dela eta "egoera zaila" dela.