Nafarroako Hezkuntzaren LEPa ekainetik uztailera izango da
Nafarroako Gobernuak Hezkuntzako Lan Eskaintza Publikoa (LEP) onartu du gaurko saioan, eta 200 plaza aurreikusi dituzte, Uxue Barkos buru duen Gobernuak berak jakitera eman duenez.
Ekainean eta uztailean egingo dituzten azterketetan hautagaiek espezialitate beraren azterketa euskaraz eta gazteleraz egiteko aukera izango dute.
Ana Ollo bozeramaileak Gobernuaren bileraren osteko prentsaurrekoan azaldu duenez, azterketak egun desberdinetan egin ahal izateko egin dute deialdia; izan ere, "aurreko gobernuek aukera hori galarazten zuten eta hautagaiak hizkuntza bat edo bestea aukeratzera behartzen zituzten".
Onartutako 200 plazetatik, 108 euskaraz izango dira, eta gainerako 92ak, gazteleraz. Hau da egin duten banaketa: 70, pedagogia terapeutikorako (50 gazteleraz, 20 euskaraz); 35, euskararako; 25, ingelerarako (euskaraz); 26 hezkuntza fisikorako (16 gazteleraz et a10 euskaraz); 22 entzumena eta lengoaiarako (gazteleraz 14, euskaraz 8); eta, 22 musikarako (12 gazteleraz, 10 euskaraz).
Nafarroako Gobernuak esan du helegitearen ondorioz bertan behera geratu diren 120 plazak aurrerago aterako direla, Espainiako Estatuarekin dagoen gatazka juridikoa konpontzen denean, eta espero du horretarako oniritzia jasoko dutela.
Jose Luis Mendoza Hezkuntza kontseilariak ukatu egin du sindikatuek leporatu dioten "iruzurra", eta LEPak "bermeak" ematen dituela azpimarratu du, helegitea jaso duten plazak kendu dituelako.
Horren harira, Hezkuntza kontseilariak uste du "orain arte" Nafarroako Gobernuaren babesa izan duela jaso dituen kritiken aurrean, eta kargua utziko lukeela "Gobernuak uneren batean zalantzak agertuz gero", ez duelako "oztopo" izan nahi.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".