Pasaiako zamaketariek De la Sernaren aurrean protestatu dute
Pasaiako (Gipuzkoa) portuko hainbat zamaketarik elkarretaratzea egin dute gaur Donostian, Iñigo De la Serna Sustapen ministroaren aurrean, Espainiako Gobernuak sektore horretan egin nahi duen erreformaren kontra protestatzeko.
Ministroa Gipuzkoako hiriburuan egon da, Euskal Y trenbidea Hendaiaraino iristea ahalbidetuko duen Astigarra eta Irun arteko hirugarren trenbide erraila eraikitzeko obren inaugurazioan.
Hitzordu hori aprobetxatuta, zamaketari ugari obren ingurura hurbildu dira bere haserrea agerrarazteko asmoz.
Ministroaren bisitaren ostean, elkarretaratze bat egin dute, eta, bertan, Jose Angel Izquierdo Pasaiako portuko zamaketarien ordezkariak adierazi du Espainiako Gobernuak astebete (otsailaren 24ra arte) atzeratu duela zamaketarien sektoreko erreforma, "alderdien artean elkarrizketari ekin diezaioten". Horren aurrean, Itsasoko Langileen Estatuko Koordinadorak (CETM) aurreikusita zeukan greba bertan behera utzi du.
Izquierdok azaldu duenez, beldur dira azkenean erreforma bere horretan geratuko dela gauzarik funtsezkoenetan, eta horrek "6.000 lagun kaleratzea ekarriko luke", ohartarazi du.
Jakinarazi duenaren arabera, erreforma horren eraginez, Pasaiako portuan "90 zamaketari finko kalean geratuko lirateke" (bertan 92 zamaketari finko eta beste zenbait behin-behineko daude), eta "Bilboko portuko 200 edo 300 zamaketariri eta Estatu osoko 6.000ri eragingo lioke", gaineratu du.
Testuinguru horretan, euren helburua zamaketarien sektoreko erreformak langileentzako "segurtasuna" ekartzea dela jakinarazi du, baita lan baldintzen eta soldaten subrogazioa ere.
"Lan egiten jarraituko dugu, uste baitugu zamaketako ereduak funtzionatu egiten duela. Neurri horrek sektorea araugabetu nahi duten zenbait multinazionalen nahiei besterik ez die mesede egingo, etekinak areagotzeko xedearekin. Alabaina, egun, zamaketariena etekin gehien sortzen den sektoreetako bat da", baieztatu du Izquierdok.
Horrez gain, kritikatu egin du Madrilgo Gobernuak ez duela behin ere Bruselan "Estatuko zamaketagintzako eredua defendatu". Azkenik, adierazi duenez, zamaketagintza Europako araudira "egokitu" behar bada, "auzian nahasita dauden eragileen artean berba eginda eta adostuta" egin behar da.
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".