EAEko aurrekontuen proiektua 11.059 milioikoa da, % 1,2 handiagoa
11.059,7 milioi euro, iaz baino % 1,2 gehiago (126 milioi). Horixe da 2017rako Euskal Autonomia Erkidegoaren (EAE) Aurrekontu Orokorren proiektuaren zenbatekoa. Eusko Jaurlaritzak gobernu bileran adostu du lege proiektua, horren ondotik aurkeztu dute Josu Erkoreka Eusko Jaurlaritzako bozeramaile eta Gobernantza Publiko eta Autogobernuko sailburuak eta Pedro Azpiazu Ogasun eta Ekonomiako sailburuak.
Biek ala biek azpimarratu dutenez, bi ardatz nagusi dituzte kontuek: gizarte politikak sustatzea eta enplegua sortzea. Ostegunean erregistratuko dute Eusko Legebiltzarrean.
Aurrekontuok ekonomiaren neurrizko hazkundearen testuinguruan prestatu ditu Urkulluren Gobernuak. Jaurlaritzaren aurreikuspenen arabera, euskal ekonomia % 2,3 haziko da 2017an, 2016an baino zortzi hamarren gutxiago. Enplegu garbia % 1,7 igoko dela aurreikusi du Pedro Azpiazuk zuzentzen duen Sailak.
Ingurumari horretan, eta gastuaren % 76 bideratuta, gizarte politikak lehenetsi ditu Jaurlaritzak, batez ere osasuna, hezkuntza eta gizarte zerbitzuak indartuta.
Sailez sail
Osasun Sailak izan du igoerarik handiena, 3.537 milioitik gorako aurrekontuarekin; hau da, 2016an baino 116 milioi gehiagorekin. Hezkuntzak, bestalde, ia 2.663 milioi izango ditu; hau da, % 2,1eko igoera izango du 2016koarekin alderatuta.
Enplegu eta Gizarte Politiketako Sailak ia 1.000 milioiko aurrekontua izango du. Diru-sarrerak Bermatzeko Errentarako eta Etxebizitzarako Prestazio Osagarrirako 491,3 milioi, iaz baino 30,3 milioi gehiago, izango ditu Jaurlaritzak. Gizarte Larrialdietarako Laguntzak 27 milioirekin hornituko dituzte, 2016an baino lau milioi gehiago.
Ekonomiaren Garapen eta Azpiegituretako Sailak 1.042 milioitik gorako aurrekontua izango du (ia 29 milioiko igoera 2016koarekin alderatuta). Horren baitan, Euskadi 2020 Zientzia, Teknologia eta Berrikuntza Planaren (ZTBP) aldeko apustua aipatu du Azpiazuk. Izan ere, Jaurlaritzak 410 milioi euro zuzenduko ditu horretara; hau da, 23,6 milioi (% 6) gehiago izango da, aurreko ekitaldiarekin alderatuta.
Bestalde, Ingurumen, Lurralde Plangintza eta Etxebizitza Sailak ia 192 milioi izango ditu, 2016koa baino handiagoa. Merkatu librean etxebizitzarik eskuratu ezin dutenei (bereziki, gizartean bazterketa egoeran daudenei) "etxebizitza duina, egokia eta eskuragarria" lortzen laguntzeko erabiliko dute, besteak beste.
Sail guztiek izan dute hazkundea 2017ko proiektuan, batek izan ezik: Segurtasun Saila. Izan ere, 626 milioiko aurrekontua prestatu du Jaurlaritzak sail horretarako, iaz baino zortzi milioi gutxiago. Azpiazuk azaldu duenez, aurten ez dago hauteskunde gasturik.
Sail bakoitzaren gastuak 100 euroko billete batean adierazita. Irudia: Eusko Jaurlaritza
Azpiazu: "Babes zabalena lortzen saiatuko gara"
Pedro Azpiazu Ogasun eta Ekonomia sailburuak iragarri duenez, proiektua Legebiltzarrean erregistratzen dutenean, ostegunean, bilera sorta abiatuko dute Ganberan ordezkaritza duten alderdiekin. Proiektuak "babes zabalena" izatea da helburua. "Ikusiko dugu zer den posible", erantsi du.
Jaurlaritza osatzen duten alderdiek, EAEk eta PSE-EEk, ez dute aurrekontu proiektua aurrera ateratzeko behar beste ordezkari, eta, hala, beste talde batzuen babesa behar dute.
Alfonso Alonso Euskadiko PPren presidenteak ostiraleko osoko bilkuran iragarri zuenez, 'popularrak' prest daude negoziatzen hasteko. Azpiazuren hitzetan, ordea, oraindik ez dute PPren proposamen "ofiziala" jaso. Eskaintza "positiboa" dela azpimarratu du sailburuak, eta PPk aurrekontuak babestea "perfektua" litzatekeela gaineratu du.
Zure interesekoa izan daiteke
Behiak txertatzen hasi dira Ipar Euskal Herrian, laborarien protesten artean
Izuran lehen 30 behiak txertatu dituzte jada. Albaitariek lan handia dute aurretik, abelburu guztiak erabat babesteko. Bitartean, laborariek protestekin jarraitzen dute, txertaketak garrantzia ez duelakoan. Ezarritako protokoloa bertan behera uzteko eskatzen diete agintariei.
ELAri kalte-ordaina eman beharko dio Tubos Reunidos Threadsek greba eskubidea larriki urratzeagatik
Enpresak greban zeuden langileak plantillako beste langile batzuekin ordezkatu zituela egiaztatu zuen Lan Ikuskaritzak eta EAEko Justizia Auzitegi Nagusiak ondorio hori berretsi du.
CAFeko langile batzordeak eskatu du kontratuak kalitatezko enplegua ekar dezala "langileentzat eta azpikontratentzat"
Mikel Fernandino LAB sindikatuko ordezkariaren esanetan, albistea oso ona da, eskaria "bolumen handikoa" eta "Europakoa" delako.
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.