Kontuen inguruan PPrekin 'hurbilketa' bat dagoela aitortu du Erkorekak
Josu Erkoreka Eusko Jaurlaritzako bozeramaileak gaur adierazi duenez, oraingoz ez dute inorekin EAEko Aurrekontuei buruzko akordioa lortu, baina PPrekin "gertutasun" bat dagoela eta hurbilketa hori etorkizuneko akordio baten atarikoa izan daitekeela aitortu du.
Eusko Jaurlaritzaren gobernu bileraren osteko agerraldian, 2017ko aurrekontu proiektua onartzeko asmoz abiatutako bilera erronda hizpide izan du. Bigarren bilera erronda gaur arratsaldean amaituko da Pedro Azpiazu sailburuaren eta EH Bilduko ordezkarien arteko batzarrarekin.
Ahalik eta akordio "zabalena eta inklusiboena" lortzeko Eusko Jaurlaritzak egindako "ahalegin ikaragarria" nabarmendu du Erkorekak, eta bigarren bilera sorta amaitutakoan Pedro Azpiazu Ogasun eta Ekonomia sailburuak batzarren inguruko balorazioa egingo duela iragarri du.
Bilera sorta amaitu arte "behin betiko balorazioak" egitea ez duela gustuko azpimarratu du, falta den bilera horretan "elkartze" bat egon daitekeela iritzita. "Ez da aukerarik baztertu behar", gaineratu du.
Nolanahi ere, ez dagoela ezer itxita eta ez duela inorekin akordiorik lortu adierazi du. Erkorekaren esanetan, Eusko Jaurlaritzak ez dio inorekin akordioa lortzeari aterik itxi, baina "errealismoz eta erantzukizunez" jokatzeko eskatu die talde parlamentario guztiei.
Oraingoz akordiorik lortu ez badute ere, Gobernuko ordezkariek eta PPko kideek atzo izandako bilera "ulermen giroan" gauzatu zela azaldu du Erkorekak.
Elkarrekin Podemosek osoko zuzenketa aurkeztuko dio Jaurlaritzaren aurrekontu proiektuari
Elkarrekin Podemosen esanetan, Eusko Jaurlaritzak Aurrekontuak PPrekin adostea erabaki du eta, hori dela eta, osoko zuzenketa aurkeztuko dio Jaurlaritzaren 2017ko aurrekontu proiektuari.
Lander Martinez Elkarrekin Podemosek Eusko Legebiltzarrean duen bozeramaileak azaldu duenez, koalizioak ez du bere burua negoziaziotik kanpo utzi; aitzitik, Eusko Jaurlaritzari egotzi dio balizko adostasunari ateak ixtea.
EH Bilduk ez dio bere babesa emango aurrekontu proiektuari
EAEko Aurrekontuei buruzko akordioa bilatzeko Eusko Jaurlaritzak "Alderdi Popularra bidaide aukeratu" duela esan du astearte honetan Maddalen Iriarte EH Bilduko bozeramaileak. Arrazoi horregatik, EH Bilduk ez diola aurrekontu proiektuari babesik emango jakinarazi du.
Pedro Azpiazu Ogasun eta Ekonomia sailburuarekin bilera egin ostean Iriartek adierazi du Jaurlaritzak erabakita duela PPrekin kontuak negoziatzea. Ildo horretatik, Urkulluren Gobernuak gehiengo sozialari bizkarra eman diola kritikatu du.
Era berean, Jaurlaritzaren erantzuna eskasa izan dela azpimarratu du Iriartek. Jaurlaritzaren eskaintza 25 milioi eurokoa izan da “bakarrik”, hau da, aurrekontuen % 0,2ri dagokiona. EH Bilduren bozeramailearen esanetan, diru hori ez da nahikoa euskal herritarren ongizatea bermatu ahal izateko.
Halaber, aurrekontuei buruzko akordioa bilatzeko orduan “euskal herritarrei bizkarra emanda” Alderdi Popularra aukeratu izana kritikatu du Iriartek. Gauzak horrela, EAEko Aurrekontuei buruzko akordioa negoziatzeko orduan Madrilen "mahai paralelo" bat egon dela uste du EH Bilduko legebiltzarkideak.
Beste alde batetik, Eusko Jaurlaritzak bigarren bilera-errolda amaitutzat eman eta Aurrekontuen proiektua aurkezten duenean bere alderdiak osoko zuzenketa aurkezten duen erabakiko duela iragarri du Iriartek.
EH Bilduk ELAk esandakoari men egin diola salatu du
EAJk deitoratu duenez, EH Bilduk ELAren xantaiari men egin dio eta horregatik erabaki du Euskadiko aurrekontuak ez negoziatzea. "ELAko buruzagiek egindako adierazpenak Ezker Abertzaleari xantaia egiteko baino ez dira", esan du Andoni Ortuzar EBBeko presidenteak.
Ortuzarrek EAJren Facebook orrian adierazitakoaren arabera, EH Bilduk "Euskadiko aurrekontuen politika baldintzatzeko" aukera zuen arren, Txiki Muñozek interesei jaramon egin die". "Nahiago dute funtsik gabeko hitzei kasu egin, krisi ekonomikoa gainditu eta Herrialdea eraiki baino", gaitzetsi du Ortuzarrek.
du Ortuzarrek.Zure interesekoa izan daiteke
Euriborra % 2,267ra igo da abenduan, baina jaitsi egin da urteko bilakaeran, Espainiako Bankuaren arabera
Martxotik izan duen tasarik altuena lortu du urte amaieran. Hala ere, urteko beherakadari esker, urtero berrikusten diren hipoteka aldakorren kuotak merkatuko dira, nahiz eta aurreko hilabeteetan baino apalago.
Autoen salmenta % 16,4 handitu da Euskadin 2025ean, baina dieselen salmentak % 45 murriztu dira
Abenduan, matrikulazioak % 5,7 murriztu dira Euskadin, 2.728 autoraino. Horien artean, 448 gasolina-auto (-%32,9) eta 65 diesel-auto (-%49,2). Beste erregaienak, berriz, % 5,58 handitu dira, 2.215 unitateraino.
Guggenheim Bilbaok 1,3 milioi bisitari baino gehiagorekin itxi du 2025a
Museoak 3.660 bisitari gehiago izan ditu, 2024ko datuekin alderatuta, eta bertaratutakoen % 90 atzerritik etorritakoak izan dira.
Eusko Jaurlaritzak 928.000 euro bideratuko ditu Euskadiko mahastiak modernizatzeko
Dirulaguntzak 105 hektarea baino gehiago berregituratzen eta birmoldatzen lagunduko du, "mahastizaintza- eta ardogintza-sektorearen lehiakortasuna eta iraunkortasuna hobetzeko".
Alokairuko etxebizitzen prezioa % 3,8 igo da Euskadin 2025ean, eta % 5,6 Nafarroan
Azken urtean, alokairuko etxebizitzen hileko errentek gora egin dute Hego Euskal Herria osoan. Nafarroa igo dira gehien (% 5,6), ondoren Bizkaia (% 4,5), Araba (% 4) eta, azkenik, Gipuzkoa (% 1,9). Batez besteko prezioaren koadroan, zerrendak bueltaerdi ematen du eta eta Gipuzkoa dago prezio-gailurrean (16,4 euro/m2); ondoren, Bizkaia (14,7 euro/m2), Araba (12,1 euro/m2) eta Nafarroa (11,1 euro/m2).
Talgok Uzbekistanen duen kontraturik handiena ziurtatu du, 80 milioikoa
Konpainiak hamar urteko akordioa sinatuko du herrialdeko trenbideen enpresa publikoarekin, sei Talgo 250 trenen mantentze integrala egiteko.
40 urte Espainia eta Portugal EEEn sartu zirenetik
Gaur 40 urte, 1986ko urtarrilaren 1ean, Espainia eta Portugal Europako Ekonomia Erkidegoan sartu ziren, gaur egungo Europar Batasunean. Zer ekarri zuen aldaketa horrek Euskadin? Nola bizi izan zen prozesua?
Bizkaiak 13.000 zergadun berri baino gehiago ditu Batuz sistema ezarri zenetik
Kontrol fiskal integraleko sistemak 69 929 pertsona eta erakunde ditu jada, iruzurraren aurkako borroka indartuz eta zergadunei laguntza erraztuz.
2026an, zer garestituko da, zer merkatu?
Urtea hastearekin batera eguneratu dituzte hainbat produktu eta zerbitzuren prezioak. Zenbait salneurriren kasuan, hala nola elikagaiena edo etxebizitzena, zaila da aurreikuspenak egitea, baina beste batzuen gorabeherak jakinak dira. Honatx azken horien laburbilduma.
Euskal partzuergoak Ayesa Digital erosteko operazioa itxi du, 480 milioi euroren truke
Operazioaren ondorioz, Ibermatica zenaren erabaki zentroa Euskadira itzuliko da. Transakzioa datozen hilabeteetan itxiko dute, agintari eskudunen onespena lortu ondoren.