Zerbitzuen pribatizazioa salatu dute Osakidetzako sindikatuek
Osakidetza geroz eta zerbitzu gehiago pribatizatzen ari dela salatu dute ELA, LAB, CCOO, UGT eta ESK sindikatuek, Bilbon egin duen manifestazioan. Pribatizazioen ondorioz, lanpostuen galera etengabea dela esan dute zentralek. "Kanpora ateratako zerbitzuen kalitatea ere okerrera" doala gaineratu dute.
'Osakidetzan pribatizaziorik ez' lemapean, ehunka lagun atera dira kalera. Bilboko Jesusen Bihotza plazatik abiatu da martxa, eta Plaza Biribilean amaitu. "Osasun publiko doakoa eta unibertsala" aldarrikatu dute.
Encarna de la Maza Satseko bozeramailearen arabera, pribatizazioaren kontrako borrokan ez dute amore emango sindikatuek, bide horrek "zerbitzuaren galera" dakarrelako. "Pribatizazio politiken kontra borrokatzeko ordua heldu da", esan du.
ELA sindikatuko Peio Igeregi ere ildo beretik mintzatu da. Pribatizazioa goraka doan heinean, aseguru pribatuen kontratazioak ere gora egiten dutela ziurtatu du.
Egoera aldatu ezean, uda ostean mobilizazio gehiagorekin jarraituko dutela esan dute sindikatuek, eta Jon Darpon Osasun sailburuaren dimisioa ere eskatu dute.
Salaketak ukatu ditu Osakidetzak
Osakidetzak, bere aldetik, ukatu egin ditu akusazioak. Ohar baten bidez, dei egin die sindikatuei propaganda alde batera utzi, eta jarrera positiboagoa eta eraikitzaileagoa izateko.
Mobilizazioak "errespetuz" hartzen dituela esan du Osasun sailak, eta manifestazioaren deitzaileei dei egin die "datorren astelehenetik, Gasteizen deitutako mahai sektorialaren esparruan, jarrera positiboagoa eta konstruktiboagoa hartzera". "Osakidetzak dei egiten die sindikatuei elkarrizketa sustatzeko eta batera lan egiteko euskal osasun-sistema osoaren mesederako", gaineratu dute oharrean.
Zure interesekoa izan daiteke
Tubos Reunidoseko langileek elkarretaratzea egin dute Bilboko San Mameseko zabalgunean
Athletic-Betis partidaren atarian lan erregulazioa eta altzairutegia ixtearen kontrako jarrera azaldu dute. Gainera borondatezko bajei atxikimendua emateko prozesua kritikatu dute eta zalantzak dituzte 301 langileek izena eman ote duten.
LABek "ez du derrigorrezko kaleratzerik onartuko" Tubos Reunidosen
Garbiñe Aranburu LABeko idazkari nagusiak adierazi du ez dutela enpresaren "xantaia" onartzen, eta erantsi du ez dutela onetsiko 300 langile kaleratu behar izatea enpresaren bideragarritasunaz negoziatzen hasteko.
Indarrean dira Irango gerrak sortutako krisiaren aurka Espainiako Gobernuak hartutako neurriak
Elektrizitatea eta erregaiak merkeagoak dira, besteak beste, BEZa % 21etik % 10era jaitsi delako.
Aldizkari ofizialak argitaratu ditu jada Espainiako Gobernuaren krisiaren aurkako neurriak, eta bihar jarriko dira indarrean
Elektrizitatearen BEZa % 21etik % 10era jaitsiko da, gasolinaren, gasolioaren eta beste hidrokarburo batzuena bezalaxe.
Tubos Reunidoseko langileek trafiko arazoak eragin dituzte Bilbon, Sabino Arana etorbidea moztuta
Tubos Reunidoseko langileek Sabino Arana etorbidea moztu dute. Argazkia: EITB Media
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.