Edesa 'berregituratzeko' finantza akordioak sinatu ditu CNAk
CNAk akordio bat sinatu ditu berarekin batera lan egiten duten finantza-erakundeekin Edesa Industrial "berregituratzeko" prozesuan "aurrera egiteko". Arrasateko lantegia ixtea eta bertan lan egiten duten 350 langileen erdiak baino gehiago kaleratzea ekarriko du.
Akordio horren ondorioz, CNA Taldeak bere gain hartuko du Edesak banketxeekin zuen zorraren "zati handi bat".
Kataluniako enpresa taldeak gaur eman die akordio horren berri langileen ordezkariei, enplegu murrizketaren berri izan ondoren egin duten bigarren bileran.
CNAk ohar baten bidez jakitera eman duenez, uztailaren 20an langileei zein Eusko Jaurlaritzako Industria Sailari aurkeztutako "bideragarritasun planean" jasotzen zen Edesaren zorra bere gain hartzea.
Ohar horretan adierazten denaren arabera, CNAren "helburu nagusia" Euskadin industria jarduerarekin jarraitzea da, "produkturik gehienak modu jasangarri, eraginkor eta errentagarrian ekoizteko etorkizunean".
CNAk gaineratu duenez, "planaren xehetasunak aztertzeko gogoetarako tartea" zabalduko du orain, eta, ondoren, "langileekin negoziatzeko bilera gehiago" egingo ditu.
Edesako langileen ordezkarien aburuz, berriz, enpresaren proposamena "onartezina" da oraindik; izan ere, Garagartzako lantegia (Arrasate) itxi nahi baitu. Horren aurrean, "epe luzera iraunkorra izan daitekeen aukera bat" bilatzearen alde egin dute, "ahalik eta langile gehienei lana ematen jarraitzeko eta jarduera industrialarekin segitzeko".
Albiste gehiago ekonomia
Metro Bilbaoko makinistek 9 eguneko lanuzteak deitu dituzte uztailaren 30etik abuztuaren 22ra
SEMAF sindikatuak kolektiboa profesionalizatzearen, erantzukizunak eta lanpostuan aurre egin beharreko arriskuak hitzarmenean jasotzea nahi du. Lanuzteak uztailaren 30ean eta abuztuaren 6, 11 eta 13an 12:30etik 16:30era eta abuztuaren 18, 19, 20, 21 eta 22an 21:00etatik 01:00etara egingo dituzte.
Talgoren operazioa "datozen egunetan, uztailean, gauzatzea" espero du Ramiro Gonzalezek
Ramiro Gonzalez Arabako ahaldun nagusiaren arabera, Sidenor buru duen euskal partzuergoak (Finkatuz Eusko Jaurlaritzaren funts publikoak eta BBK eta Vital kutxek ere parte hartzen dute horretan) Talgo erosteko negoziazioei ekin diete berriro azken egunetan, eta "bide onetik doaz". Ildo horretan, operazioa datorren astean edo uztailean gauzatzea espero duela esan du.
Jainagak lankidetza publiko-pribatua defendatu du Talgoren erosketaren testuinguruan
Jose Antonio Jainaga Sidenorreko presidenteak jaso du Joxe Mari Korta 2025 saria, "enpresa-berrikuntzaren alde egindako lanagatik". Bere hitzaldian, Talgo erosteko operazioa aipatu du, eta lankidetza publiko-pribatua defendatu du. Imanol Pradales lehendakariak euskal industriarekin duen konpromisoa eskertu dio.
Jose Antonio Jainagak 2025 urteko Joxe Mari Korta saria jaso du
Jose Antonio Jainagak Imanol Pradales lehendakariaren eta Mikel Jauregi Industria, Trantsizio Energetiko eta Jasangarritasuneko sailburuaren eskutik jaso du saria. Imanol Pradalesek eskerrak eman dizkio Sidenorreko presidenteari, bere ibilbide luzean erakutsitako konpromisoagatik, "aurrera pauso bat eman, arriskuak hartu eta inbertitzen dutenei balioa ematen dien" euskal ereduari erantzuten diolako.
Gaztelagun programa: Eusko Jaurlaritzak igo du alokairurako dirulaguntzak eskatzeko diru-sarreren muga
Laguntza eskatzen duten gazteen kasuan, urteko diru-sarreren muga 30.000 eurora igo dute; familien kasuan, 36.764 eurora.
Euskal partzuergoak 75 milioi bildu ditu Talgo erosteko, eta espero du SEPIk ere beste horrenbeste jartzea
EAJren arabera, Espainiako Gobernuak konpromisoa hartu zuen erosketa babesteko eta enpresa indartzeko, SEPIren bidez 150 milioi euroko mailegua eginda. Ondoren, eragiketa bitan banatzea proposatu zuen, euskal partzuergoak eta SEPIk 75 millioi bana bideratzeko.
Behargin bat larri zauritu da Bilboko Kale Nagusian, jasogailu batek burua harrapatuta
Larrialdi zerbitzuek 15:30 aldera jaso dute abisua, eta osasun langileek zauritua egonkortu eta Gurutzetako ospitalera (Barakaldo) eraman dute.
Villavesen grebak aurrera jarraitzen du eta gutxieneko zerbitzuak kolokan egon daitezke
Langile batzordeak salatu duenez, TCC enpresak, Mankomunitateak eta Iruñeko Udalak "abandonatu" egin dituzte.
Gasteizko lorazainek grebari eutsi diote, sindikatuek Lan Sailaren eskaintza arbuiatu ostean
Sindikatuek batzarra deitu zuten langileek proposamen horri buruzko iritzia eman zezaten bozketa batean. Azkenean, ELAk, LABek eta ESKk eskaintza atzera botatzeko akordioa lortu dute, eta beharginen bozketarik izan.
Eusko Jaurlaritzak lehen etxebizitzen prezioaren % 20 ordaintzeko abalak emango dizkie 40 urtez beherakoei
144 milioi euroko abal lerro bat onartu du, eta helburua 2029ra arte 3.000 etxebizitza mobilizatzea da. Abala jaso ahal izateko etxebizitzaren gehieneko prezioa 340.000 eurokoa izan beharko da.