Azken lan eskaintzan ateratako nota hurrengo deialdirako gordeko du Osakidetzak
Osakidetzaren 2016-2017ko Lan Eskaintza Publikoan lortutako nota hurrengo deialdian mantendu edo hobetu ahal izango da. Hala adostu dute Eusko Jaurlaritzak eta sindikatuek, Osakidetzako lan-baldintzak hobetzeko iaz izenpetutako akordioaren baitan.
SATSE Euskadik jakitera eman duenez, arkodioari esker, hautagaiek azken azterketetan eskuratutako nota gorde eta ondorengo lan eskaintza publikoko deialdian hobetzeko aukera izan dezatela adostu dute Mahai Sektorialean.
"Azterketan % 50 edo gehiago eskuratzen dutenek, nota gordetzeko edo 2018-2019ko deialdiaren hautaprobetan hobetzeko aukera izango dute. Nota hobetzeko baldintza bakarra prozesu biak gainditzea da", adierazi du SATSE Euskadik.
Ohar bidez sindikatuak gogorarazi du nota hobetu nahi ez dutenek ere 2018-2019ko deialdian izena eman eta tasak ordaindu beharko dituztela, prozesuan parte hartu nahi badute.
Bestalde, plazak esleitzeko irizpideen inguruko akordioa ere adostu dute bi aldeek. Prozesuen gardentasuna bermatzeko, "esleipenak berdintasun, meritu eta gaitasunean oinarritutako irizpideak" adostuko dira sindikatuekin.
"Orain arte, erabakitzeko ezintasunak eta ESI desberdinen zuzendaritzen inposaketek ondoeza, haserrea eta ziurgabetasuna besterik ez dute sortu. Izan ere, langileek ezin zuten jakin zeintzuk izango ziren plazak esleitzeko irizpideak", esan du SATSE Euskadik
Osakidetzak esandakoaren arabera, hurrengo deialdia "berehalakoa" izango da, eta urtarrilaren amaierarako edo otsailaren hasierarako aurreikusita dago.
reikusita dago.Albiste gehiago ekonomia
Nekazaritzako zenbait lan aldi baterako debekatu dituzte Nafarroan, sute arriskuaren aurrean
Horrela, Nafarroako lurralde osoan, debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak sor baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.