Osakidetzako lan-eskaintza publikoaren probak, 2018ko ekaina baino lehen
Osakidetzako 3.335 plazako lan-eskaintza publikorako azterketak 2018ko ekaina baino lehen egingo dira, Jon Darpon Osasun sailburuak gaur jakitera eman duenez. Probak 2016. urteko lehen hilabeteetan egin nahi dituztela gaineratu du.
Gobernu bileraren osteko prentsaurrekoan eman du sailburuak ostiralean Osakidetzako Zuzendaritzak eta Satse, UGT eta SME sindikatuek lortutako akordioaren berri.
ELA, LAB eta CCOO sindikatuek baztertu egin dute akordioa, eta haiei zuzendu zaie gaur Darpon. "Euren interes propioak" alde batera utzi eta akordioaren bat egiteko eskatu die, "Osakidetzaren historiako onenetako baita", sailburuaren hitzetan.
Darponek zehaztu duenez, probak 2018an egingo dira, ahal dela, urtearen hasieran.
Datorren urteko lan-eskaintza publikoaz gain, sailburuak baieztatu du beste deialdi bat izango dela legegintzaldia bukatu aurretik eta bertan 2018an eta 2019an erretiroengatik eta lanerako ezintasunengatik sortutako hutsuneak aintzat hartuko direla.
Lan-eskaintza publikoaren inguruan lortutako akordioaren harira, pozik agertu da Darpon sailburua, haren esanetan, Osakidetzaren 34 urteko historian inoiz izan den deialdi handiena delako. Azaldu duenez, azterketa teorikoa test modukoa izango da kategoria guztietan eta espezialistek azterketa praktikoa ere egin beharko dute.
Jon Darpon sailburuaren esanetan, 21 kategoriatako lanpostuak eskainiko dira eta % 90 baino gehiago txanda librekoak dira. Lanpostu guztietatik 895 medikuei zuzendutakoak izango dira; 717, erizainentzat; eta 816, berriz, administrazioko langileentzat, zaindarientzat, sukaldarientzat eta osasun arlokoak ez diren beste langileentzat.
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).