Huerta de Peraltako langileek akordioa adostu eta bertan behera utzi dute greba
Huerta de Peralta enpresako langileen greba mugagabeak 28. eguna bete duen honetan, langileen enpresa batzordeak oniritzia eman dio LAB sindikatuak eta zuzendaritzak adostu duten akordioari, gatazkari bukaera eman eta garai berri bat irekitzen duena.
Akordioaren ondorioz, langileek bertan behera utzi dituzte greba mugagabea nahiz enpresa presionatzeko bestelako bideak; ez, baina, LABek urtarrilaren 26rako prekarietatearen kontra Iruñean deitutako manifestazioa.
Akordioak langileen aldarrikapen nagusiak jasotzen ditu: zigorrak bertan behera utzi eta kaleratuak berriz hartzea, hitzarmena ez betetzearen ondorioz sortutako zorra ordaintzea eta enpresa-itun baterako negoziazioak abiatzea.
Kaleratzeei dagokienez, enpresara bueltatu nahi duten langile horiek berriz hartzea eskatzen zuen LABek, bereziki jazarpen sindikalaren ondorioz kaleratutako lau langileak, eta langile horiekin adostu eta zuzendaritzak onartutako konponbidea honako hau da: bi langile berriz hartuko dituzte, hirugarrenak kalte-ordaina jasoko du eta laugarren kasua epaitegietan argituko dute.
Bestalde, lan-hitzarmena ez betetzeagatik sortu den 440.000 euroko zorraren aurrean, zuzendaritzak zor horren % 70 ordaintzea onartu du.
Azkenik, hirugarren aldarrikapenari dagokionez, bi aldeek adostu egin dute Huerta de Peralta enpresaren eta langileen errealitate eta beharren araberako enpresa-itun baterako negoziazioak irekitzea.
LAB sindikatuak akordioaren balorazio oso positiboa egin du, greba-deialdia eragin zuten aldarrikapen nagusiak jasotzen dituelako eta Huerta de Peraltan egondako aldaketak egonkortu egiten dituelako. Hala ere, LAB sindikatuak "landa-eremuan nahiz hirigunean zabaltzen ari den prekarietateari aurre egiteko" larunbat honetarako Iruñean deitutako mobilizazioari eutsi egiten diola esan du; manifestazioa 17:00etan abiatuko da Gazteluko plazatik.
Zure interesekoa izan daiteke
Interes-tasak % 2an mantendu ditu EBZk, bosgarren aldiz, merkatuek espero bezala
Europako Banku Zentraleko (EBZ) Gobernu Kontseiluak joera aldatu gabe jarraitzea erabaki du, 2025eko ekainean malgutze-zikloa eten ondoren. Ziklo horrek oinarrizko 200 puntu murriztu zuen diruaren prezioa, beheranzko zortzi doikuntzen bidez.
Hurtado sailburuak turismo-zerga 2027an EAE osoan aplikatu ahal izatea espero du
Javier Hurtado Turismo sailburuak "positibotzat" jo du aldundiek egindako foru arauaren edukia, eta hiru lurralde historikoetarako araudi "homogeneoa" dela nabarmendu du. Gainera, zerga progresiboa izatea txalotu du, "gehien duenak gehiago ordaintzea" eragingo duelako.
Bizkaian garraio publikoko deskontuak abenduaren 31ra arte luzatuko dira
14 urtetik beherako adingabeek garraioa doan izango dute urte amaierara arte eta deskontuak egongo dira Gazte tarifetan eta bidaia ugariko gainerako abonuetan. Hobari-neurriak otsailera arte zeuden indarrean, eta ostegun honetan Bizkaiko Garraio Partzuergoak erabaki du abenduaren 31ra arte mantentzea.
EAErako zerga turistikoa onartzeko aurreproiektua, martxan: eguneko 7,5 eurorainokoa izan daiteke
Egonaldi turistikoen gaineko zerga udarako indarrean izatea aurreikusten dute Araba, Bizkaia eta Gipuzkoako aldundiek. Hori bai, udalerri denetan ez da aldi berean indarrean sartuko, batzar nagusiek zerga onartu eta foru araua lurralde bakoitzeko agerkari ofizialetan argitaratu ostean, udalek sei hilabeteko epea izango dutelako udal-ordenantzak egokitzeko. Udalerri bakoitzari dagokio zerga kobratzea.
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.