Aguraingo DHL gune logistikoko beharginak, greba mugagabean
Aguraingo (Araba) DHL gune logistikoko langileek greba mugagabea hasi zuten iragan ostegunean lan hitzarmenaren defentsan. ELA sindikatuak salatu duenez, zuzendaritzak hitzarmena "edukiz hustu" nahi du.
Aguraingo lantegiak 110 behargin ditu, eta gehienbat Eroskirentzako eta Legazpiko Bellota enpresarentzako lan egiten du. 110 langiletik 80 lan hitzarmenaren eraginpean daude.
Zortzi hilabete baino gehiago negoziatzen eman eta dozena bat bilera baino gehiago egin ondoren greba deitu dute. 2017ko abenduaren 31n hitzarmena amaitu zen, eta "soldata igoerak" merkantzia garraio hitzarmen probintzialari lotzeko asmoa du zuzendaritzak.
Bestalde, ELAren ahotan, soldata eskala bikoitza mantendu nahi du enpresak. Horrela, lan bera egiten duten pertsonak 3.000 euro baino gutxiago kobratzen dituzte, aldi baterako langileak direlako edo hitzarmena sinatu ondoren hasi zirelako lanean.
Salaketa Ikuskaritzaren aurrean
Zuzendaritzak aldi baterako laneko enpresen (ABLE) eta "behin-behinekotasunaren iruzurrezko erabilera" egiten jarraitzen duela salatu du sindikatu abertzaleak. Lan Ikuskaritzaren txosten batek berretsi zuela gogorarazi du ELAk, baita enpresari isuna jarri ere.
Gainera, enpresa-batzordeak salaketa berri bat aurkeztu du Lan Ikuskaritzan. Ebazpenaren zain daude; izan ere, zuzendaritzak gaia negoziazioan eztabaidatzeari uko egin baitio.
Aguraingo DHL gune logistikoko enpresa-batzordearen eta langileen aldarrikapen nagusiak hurrengoak dira: lanaldiaren murrizketa, KPIren araberako soldata igoerak, soldata eskala bikoitza desagertzea eta kontratu mugagabeak.
Zure interesekoa izan daiteke
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.
EAEko taxilariek manifestazioa egin dute Bilbon VTC plataformen "gehiegikerien" aurka
Taxien sektorean egiten dituzten azterketa berdinak eskatzen dizkiete erakundeei plataforma hauentzat. Salatu dutenez, Bizkaian ibilgailu hauentzat lizentzia berrien "jarioa etengabea" da, Foru Aldundiak baimenduta. Jakitera eman dutenez, Gipuzkoan egoera desberdina da, ez delako lizentzia berririk ematen. Araban, berriz, "erresistentzia instituzionala handiagoa" dela diote.
Mikel Jauregiren arabera, Tubos Reunidosen irtenbideak "bideragarria" izan behar du, eta berregituraketak, "epe luzekoa"
Eusko Jaurlaritzako Industria, Trantsizio Energetiko eta Jasangarritasun sailburuak eragile guztien artean Tubos Reunidosen benetako bideragarritasuna bilatzearen eta Amurrion eta Trapagaranen industria-jarduerari eutsiko dion "etorkizuneko industria-proiektu bat osatzearen alde" egin du Radio Euskadin. Hala ere, onartu du zorra arazo garrantzitsua dela eta "egoera zaila" dela.
Gipuzkoako Aldundia tasa turistikoa uda honetan indarrean jartzekotan dago
Foru Gobernuaren Kontseiluak aurreikusten du martxoaren 17an onartu dezakeela zerga arautuko duen lege-proiektua. Ondoren, Batzar Nagusietara eramango dute eztabaidatzeko eta, onartzen bada, udalerriak aplikatzen hasi ahal izango dira.
Absentismoa murrizteko negoziazio kolektiboan pizgarriak adostearen alde egin du Cebekek
Bizkaiko patronalak negoziazio kolektiboari "inposiziorik gabe" eta elkarrizketaren aldeko apustuarekin ekiteko deia egin du, eta hitzarmenetan absentismoaren eragina murriztea ahalbidetuko duten akordioak eta pizgarriak (ez dute zertan ekonomikoak izan) sartzea defendatu du.