Bizkaiko kiroldegietako negoziazioa itxitzat jo eta ELAk bat egitea eskatu du Cebekek
Cebekek itxitzat eman du gaur, asteartea, Bizkaiko kirol-lokalen eta zelaien sektoreko negoziazioa, UGT, LAB eta CC.OO. sindikatuek "onargarritzat" jo ostean mahai-gainean jarritako azken proposamena. Ildo horretatik, "ELAk ere sektoreko hitzarmen kolektiboa sinatzea eta mobilizazioak bertan behera uztea" eskatu du.
Bizkaiko patronalak ohar baten bidez azaldu duenez, urtarrilaren 16an aurkeztu zuen proposamena, eta sektore horretako "enpresen ahaleginik handiena dakarren azken eskaintza" dela nabarmendu du. Zehazki, 124 enpresa eta 2.469 langile biltzen ditu sektoreak.
Arrazoi horregatik, ELAk "mobilizazioen bidez gatazkaren bila jarraitzea" ez dela ulertzen uste du patronalak. "Aurreko hitzarmenarekin alderatuta, historian eta Estatuko gainerako probintzietan sinatutako sektoreko edozein hitzarmen baino aldaketa hobeak jasotzen dira", ziurtatu du Cebekek.
Testuinguru horretan, patronalak azpimarratu duenez, "UGTk, LABek eta CC.OO.-k hitzarmena onargarria dela uste dute", eta asteazkenean eta ostegunean erreferendum bidez berretsi beharko dute. Dena dela, ELAk "gatazkan murgilduta" jarraitzen duela deitoratu du, "urtarrilaren 21etik 26ra eta otsailaren 4tik 6ra arte deitutako greba-egunei eutsiz".
Hobekuntzak alderdi guztietan
Bizkaiko patronalak adierazi duenez, "25 hilabete baino gehiagoko negoziazioen ondoren, sindikatuek giltzarritzat jotzen zuten alderdi guztietan sektorearen egoera orokorra hobetzen duen proposamena jarri dute mahai gainean enpresek".
Hala, Bizkaiko kiroldegietako hitzarmen berria adosteko lan egin duen patronalak nabarmendu duenez, urteko lanaldia 50 ordu murriztuko da 2023ra arte. Horrez gain, langileek KPIren araberako soldata igoera izango dute 2018an (% 1,1) eta 2019an (% 1,2), KPIren araberako soldata igoera gehi % 2,25 hurrengo hiru urteetan.
Gainera, sektorean 1.200 euroko gutxieneko soldata (16 ordainsari) onartu da datorren urtetik aurrera, % 5eko gautartasun plusa sortu da sarbideetako langileentzat eta sorosleentzat, lan egindako lehen ordutik aurrera, eta antzinatasuna kalkulatzeko modua aldatu da, "sindikatuek eskatzen zuten moduan".
Halaber, Cebekek azpimarratu du eskolak prestatzeagatiko plusa ere sortzen dela, jaiegunengatiko plusa pixkanaka handitzen dela eta enplegua hobetzeko klausula bat sortzen dela, zeinaren bidez "enpresan lanaldi partzialeko pertsonen lehentasuna bermatzen baita kanpoko pertsonen kontratazioaren aldean, lanpostu hutsen bat dagoenean".
Bizkaiko patronalak azaldu duenez, Gabonetako eta urte berriko lana borondatezkoa izango dela ezartzen da, lizentzia berri bat jasotzen da, 10 urtetik 12 urtera igotzen da eszedentzia eskatu ahal izateko adingabeek izan behar duten adina, kirol-jarduera bakoitzeko enpresek eman behar duten laneko arropa zehazten duen artikulu bat idazten da, eta prestakuntza-klausula bat ezartzen da.
Horrez gain, B2 eta C1 ikastaroak prestatzeko euskaltegiko matrikularen ordainketa ezartzen da, plegu administratiboak aztertzeko batzorde bat sortzen da, eta, enpresek, berdintasun-plan bat "legeak ezarritakoa baino urtebete lehenago" izan behar dutela ezarri da.
ELAk lanuzteei eutsiko die
Hala eta guztiz ere, Bizkaiko kiroldegietako langileak, ELAk deituta, Bilboko udaletxearen aurrean elkartu dira patronalaren azken proposamenak "sektoreko oinarrizko aldarrikapenak" ez dituela jasotzen salatzeko.
ELAk, patronalaren proposamena eskuartean, lanuzteak egiten jarraitzeko deia egin du urtarrilaren 26ra arte, eta otsailaren 4tik 6ra, lan-hitzarmenaren defentsan eta "negoziazio mahaian urratsik ez delako egiten".
Sindikatuak uste du ez direla nahikoa negoziazio mahaian emandako pausoak, eta horixe berretsi omen dute langileek asanbladan, "lan hitzarmena zaharkituta geratu dela eta egungo errealitatera egokitu beharra dagoela" iritzi diotelako.
Hori horrela, ELAk aste honetako eta otsailaren 4ko, 5eko eta 6ko lanuzteekin bat egiteko deia egin dio "sektore osoari".
Bizkaiko kiroldegietako azkeneko lanuzteak urriaren 28tik azaroaren 10era izan ziren, ELA, LAB, UGT eta CCOO sindikatuek deituta.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.