Indarrean da Hegoaldeko enpresei kaleratzeak egitea galarazten dien dekretua
Hegoaldeko enpresek ezin izango dute langilerik ezinbestez kaleratu, ezta osasun krisiaren ondorioz ekonomiarekin, antolaketarekin, arlo teknikoarekin edo ekoizpenarekin lotutako arrazoiengatik ere. Debekua gaur larunbata, martxoak 28, indarrean sartu da, eta indarrean egongo da Espainian alarma egoerak irauten duen bitartean, luzapenak barne. Hori da COVID-19ren ondorioei aurre egiteko ateratako Errege Lege dekretuak dioena.
Dekretu hori gaur bertan publikatu dute Estatuko Aldizkari Ofizialean publikatu dute, lan munduan aplikatu beharreko neurri osagarriekin.
Testuinguru honetan, eta dekretuak dioenez, ezinbesteko arrazoiei edota argudio ekonomikoei, teknikoei, antolaketari eta ekoizpenari erreferentzia egiten dieten kaleratze zein kontratu murrizteak "ez dira kaleratzearen edota kontratua amaitzearen justifikazio bezala onartuko". Ondorioz, ezin dira langileak kaleratu koronabirusaren ondorioek eragindako arrazoiengatik.
Zigorrak
Aldi baterako Lan-erregulazioei dagokienez, horiek "ezin izango dute COVID-19aren ondorioz sortutako salbuespeneko egoera baino gehiago iraun". Horrela, gehienez alarma egoeraren iraupen bera izango dute, Gobernuak erabakitako luzapenak barne, eta muga hori ebatzitako lan-erregulazioek zein administrazioaren isiltasunagatik erabakitakoek izango dute.
Espainiako Gobernuak kaleratzeak debekatzea erabaki du koronabirusaren krisiak iraun bitartean, Yolanda Diaz Lan ministroak Ministroen Kontseiluaren bileraren ostean azaldu duenez.
Lan ikuskaritza
"COVID-19a ezin da baliatu kaleratzeko", adierazi du Diazek, eta debekua, atzeraeraginik gabe, gaurtik aurrera ezarriko dela azaldu du.
Era berean, Lan Ikuskaritzak zeregin aktiboa izatea erabaki da aldi baterako lan-erregulazioen kontrolean, eta alegatutako arrazoiak egiaztatzeaz arduratzea, ez-betetzeen kasuan enpresek jasotako zenbatekoen zehapenak edo itzulketak erreserbatuz.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".