Jaurlaritzak enpresa txiki eta ertain zein autonomoentzako finantzaketa handitu du
Eusko Jaurlaritzak enpresa txiki eta ertainei, mikroenpresa txiki eta ertainei zein autonomoei laguntzeko finantza-programa mila milioi euroraino handitzea onartu du. Programa horri esker, sei hilabeteko likidezia eta zirkulatzailea finantzatzeko beharrei erantzuteko maileguak formalizatu ahal izango dira.
Neurri horrez gain, Jaurlaritzak maileguen interesak eta abalen kostuak estaltzeko diru-laguntzak eta konpromiso-kredituak sortzeko baimena eman du astearte honetan, guztira 39,4 milioi euro, 2020tik 2025era bitartean Eusko Jaurlaritzak berak jasango dituenak.
Maileguen zenbatekoa 5.000 euro eta milioi bat euro artekoa izango da enpresa txiki eta ertainentzat, eta 5.000 eta 100.000 euro artekoa mikronpresa txiki eta ertainentzat eta autonomoentzat. Mailegu amortizagarriek % 0ko interesa izango dute, Eusko Jaurlaritzak diruz laguntzen baititu. Mailegu-eragiketen epea 5 urtekoa da (aukerako urtebeteko gabealdiarekin). Gainera, Euriborraren % 0,50eko diferentziala aplikatuko zaio, likidazioa hiru hilean behin egingo da eta Elkargik ez du inolako komisio edo gastu gehigarririk aplikatuko.
Finantzaketa-lerro hori Elkargiren bidez gauzatu da, eta enpresen eta autonomoen egitura-gastu finkoei estaldura eman nahi die, enpresa-ehunean duten garrantzia, ekoizpen-jarduera osoan dituzten ondorioak eta handizkako finantzaketa-merkatuetan edo kreditu-erakundeen ildo tradizionaletan sartzeko gaitasun erlatibo txikiagoa dutela kontuan hartuta.
Betebeharrak
Programetara sartu ahal izango dira 250 pertsona baino gutxiago enplegatzen dituzten Euskadiko enpresa txiki eta ertainak, baldin eta horien urteko negozio-bolumena ez bada 50 milioi eurotik gorakoa edo urteko balantze orokorra ez bada 43 milioi eurotik gorakoa. Gainera, onuradunek ezingo dute aurrez azaldutako baldintzaren bat betetzen ez duen beste enpresa baten % 25eko edo gehiagoko partaidetza zuzena edo zeharkakoa izan.
Enpresak Euskadin egon beharko dute, eta alta emanda egon beharko dute norberaren konturako langileen edo autonomoen Gizarte Segurantzako erregimen berezian. Gainera, PFEZari lotutako jarduera ekonomiko edo profesionalen etekinak lortu beharko dituzte.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.