EAEko ekonomiak behera egin du, apirila eta ekaina bitartean % 19,5 jaitsi baita
EAEko ekonomia atzeraldian dago, bi hiruhilekotan jarraian Barne Produktu Gordinak (BPG) behera egin ostean; izan ere, apiriletik ekainera bitartean % 19,5 egin du behera, COVID-19aren pandemiak eragindako krisiaren ondorioz.
Jarduera ekonomikoaren bilakaera txar horrek eragina izan du enpleguan ere, izan ere, lehen hiruhilekoan % 2,8 egin du behera, eta bigarrenean % 17,2, Euskal Estatistika Erakundeak (Eustat) ostegun honetan jakitera eman dituen behin betiko datuen arabera.
Datu txar horiek direla eta, Eusko Jaurlaritzak ekainaren hasieran egindako aurreikuspenak berrikusi beharko ditu; izan ere, aurreikuspen horien arabera, BPGa % 8,7 jaitsiko da ekitaldi honetan, eta % 7 enpleguan.
BPGaren urte arteko uzkurtzea txikiagoa da Euskadin Espainiako ekonomian baino, izan ere, bigarren hiruhilekoan % 22,1eko beherakada izan du. Aldiz, euroguneak (–% 14,7) eta Europar Batasunak (–% 13,9) portaera hobea izan dute.
Eskaintzaren ikuspegitik, urtetik urterako eta hiruhilekoen arteko balio erantsiaren bat-bateko jaitsiera areagotu egin da bigarren hiruhileko honetan sektore guztietan, Administrazio Publikoaren, hezkuntzaren, osasunaren eta gizarte-zerbitzuen adarrean izan ezik.
Lehen sektoreak balio erantsia % 6,1 murriztu du aurreko urteko hiruhileko berarekin alderatuta, eta % 4,4 2020ko lehen hiruhilekoarekin alderatuta.
Industriaren sektoreak % 26,7ko beherakada izan du urte arteko datuetan, eta balio erantsiaren jaitsiera are handiagoa izan da manufaktura-industriaren kasuan (% 27,8). 2020ko lehen hiruhilekoarekin alderatuta, industria osoaren jaitsiera % 23,4koa izan da, eta manufaktura-industrian % 24koa.
Eraikuntzaren sektoreak ere aurreko hiruhilekoan baino beherakada handiagoa izan du; izan ere, balio erantsia % 17,9 jaitsi da urtetik urtera, eta horrek esan nahi du % 15eko beherakada izan dela urteko lehen hiruhilekoarekin alderatuta.
Zerbitzuen sektoreak 2020ko bigarren hiruhilekoan izan duen jarduera globalak ere behera egin du, % 17,5eko urte arteko beherakadarekin, hau da, % 14,9ko jaitsiera izan du urteko lehen hiruhilekoarekin alderatuta.
Administrazio publikoaren, hezkuntzaren, osasunaren eta gizarte-zerbitzuen adarrak, berriz, aurreko hiruhilekoetan ikusitakoaren antzeko balioari eutsi dio, % 0,7 hazi baita urte batetik bestera, aurreko hiruhilekoaren maila berean (% 0,0ko aldaketa hiruhileko batetik bestera).
Sektoreko ia agregatu guztien portaera negatiboak areagotu egin du EAEko balio erantsi gordinaren atzerakada: % 19,6ra iritsi da aurreko urteko bigarren hiruhilekoarekin alderatuta, eta % 16,8ra 2020ko lehen hiruhilekoarekin alderatuta.
Eskaeraren aldetik, agregatu guztiek atzerakada handiak izan dituzte, bai urte arteko terminoetan, bai hiruhileko arteko terminoetan, administrazio publikoen azken kontsumoko gastuak izan ezik.
Enplegua
Enplegu mailari dagokionez (lanaldi osoko lanpostu baliokideetan neurtuta), enplegu osoak % 17,2 egin du behera aurreko urteko bigarren hiruhilekoarekin alderatuta, urteko lehen hiruhilekoarekin alderatuta % 14,3ko beherakada izan ondoren.
Alde horretatik, gogorarazi behar da lanpostuaren definizioak, Kontuen Europako Sistemaren arabera (SEC), aldi baterako lanik egiten ez duten baina lanpostuarekin berme batekin edo itzultze-datari buruzko akordio batekin lotura formala duten pertsonak baztertzen dituela zenbaketan, aldi baterako lan-erregulazioko espediente kasuetan gertatzen den bezala.
Urteko lehen hiruhilekoan enpleguak izandako beherakada areagotu egin da jarduera-adar guztietan, bai urte arteko datuei dagokienez, bai hiruhileko arteko datuei dagokienez.
Lehen sektorean enplegua % 3,3 jaitsi da 2019ko bigarren hiruhilekoarekin alderatuta, eta % 1,5 aurreko hiruhilekoarekin alderatuta. Urtetik urterako beherakada % 20,1ekoa izan da industriaren sektorean, hiruhileko batetik bestera % 16,9 jaitsi ostean. Eraikuntzan, urte batetik bestera % 1 jaitsi da enplegua.
Arantxa Tapia Eusko Jaurlaritzako Ekonomiaren Garapen, Iraunkortasun eta Ingurumen sailburuak esan du "eragile guztiekin" lanean ari direla Euskadirentzako etorkizuneko industria plan bat egiteko, industria ekoizpena eta zerbitzu aurreratuak indartzeko eta ekonomiaren % 40 izatera iristeko helburuarekin.
BIDEOA | Arantxa Tapia: "Gure enpresak lehiakor mantendu behar ditugu etorkizunerako"
Bizkaiko patronala
Francisco J. Azpiazu Cebekeko idazkari nagusiak "herrialde mailako akordio handi bat" lortzearen alde egin du ostiral honetan Euskadin, koronabirusaren pandemiak sortutako krisi ekonomikoa gainditzeko.
Azpiazuren esanetan, beharrezkoa da erakunde publikoek, enpresaburuek eta sindikatuek krisiari aurre egiteko lehentasunak finkatzea eta "indartuta ateratzea".
Azpiazuk ohartarazi duenez, "pandemiaren kontrolik ez badago, ez da susperraldi ekonomikorik izango".
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.