Toledoko Itunaren gomendioek argia ikusiko dute lau urteko lana bukatuz
2016ko irailean hasitako lanak amaitzea adostu du aho batez Toledoko Itunak. Gizarte Segurantza sistemaren jasangarritasuna eta nahikotasuna bermatzeko gomendioak mahai gainean izan dituzte, besteak beste, pentsioen balioa handitzeko KPIri protagonismoa ematea.
Txostena urriaren 27an, Kongresuko batzorde ireki batean, bozkatzea erabaki dute Toledoko Itunaren Batzordeko bozeramaileek ostiral honetan, ia 20 gomendio adostu ondoren.
Alderdi ezberdinetako iturriek azaldu dutenez, adostasun zabala lortu dute aurkako botorik ez izateko, baina ERC eta EH Bildu abstenitzea espero da, nahiz eta proposamenak onak izan, nahikoak ez direla iritzi dutelako.
Beste iturri parlamentario batzuek aurreratu dutenez, Voxek “kontrako botoa ematea oso zail du Gobernuaren aurkako zentsura-mozioaren hondamendiaren ostean”. Ultraeskuineko alderdiaren botoa abstentzioa izan daitekeela azaldu dute.
Gizarte Segurantzako finantziazio iturrien bereizketan sakontzeko gomendioa ematen du testuak, 2023an sistemaren defizitarekin bukatzeko, legealdiaren bukaeran, hain zuzen ere.
Horrela, Gizarte Segurantzak orain arte ordaintzen zituen gastu inpropioak (hobariak, ekoizpen sektore zehatzei emandako diru-laguntzen kuotak, langabezia prestazioak edo familiekin lotutako diru-laguntzak, hala nola, seme-alaba bakoitzeko edo menpekoen zaintza, amatasuna edo aitatasuna) Estatuak aurrekontu edo transferentzia zuzenen bidez finantzatzea gomendatzen du txostenak.
Estatuak erregimen berezien defizitaren, gutxieneko pentsio osagarrien eta alargunek edo errentarik eta lanik ez duten 65 urtez gorako adinekoek jasotzen dituzten pentsioak igotzeko finantziazioan lagundu beharko lukeela uste du Toledoko Itunak.
Lau urteko lanaren ostean gomendioek argia ikustea aintzat hartu dute bozeramaile guztiek; izan ere, azken proposamenak 2011n egin ziren, eta Toledoko Itunak bost urterik behin gomendioak berrikusi behar ditu.
Ezbairik gabe KPI proposamen protagonista da; izan ere, pentsioak adierazle hori erabiliz berrikusiko dituzte, PPren Gobernuak onartutako legea bazterrean utziz. Urtero pentsioen balioa % 0,25 areagotzea aurreikusten du Alderdi Popularraren legeak.
Pentsioa kalkulatzeko kotizazio 25 urterik onenak aukeratu ahal izateko proposamenak ere egin dituzte, baita erretiroa hartzeko benetako adina legezko erretreta adinera hurbiltzeko pizgarriak edo aurretiko erretiroa ez sustatzea eta sektore zehatz batzuk ( 40 urte baino gehiagoko kotizazioa dutenak) ez kaltetzeko formulak aztertzea ere.
Ia gomendio guztiak 2019an adostu zituzten dagoeneko, baina hauteskundeen aurrerapenak onartzea eragotzi zuen. Ondorioz, bozeramaileek orraztu egin dituzte, eta horietako batzuk COVID-19ak eragindako egoera ekonomikoari edo immigrazioari egokituz.
Albiste gehiago ekonomia
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.