Erretiroa atzeratzen dutenei urtean 12.000 euro arte ematea proposatu du Escrivak
Erretiroa atzeratzen dutenei urtean 12.060,12 euro ematea eta aldez aurretik erretiroa hartzen dutenei pentsioa % 21 arte murriztea proposatu du Jose Luis Escriva Espainiako Gobernuko Gizarteratze, Gizarte Segurantza eta Migrazio ministroak. Escrivak agerraldia egin du Kongresuan, Toledoko Itunaren lantaldean, alde sozialarekin negoziatzen ari den proposamenen berri emateko.
Ministroaren proposamenaren arabera, aldez aurretik erretiroa hartzen dutenei % 21 murriztuko diete pentsioa, 38 urte eta 6 hilabete baino gutxiago kotizatuta erretiroa dagokiona baino bi urte lehenago hartzen bada. Egun, % 16koa da portzentajea. Erretiroa urtebete lehenago hartzeagatik, murrizketa egungo % 2tik % 3,26ra pasatuko litzateke.
Kotizatutako denbora 38 urte eta 6 hilabete baino handiagoa eta 41 urte eta 6 hilabete baino txikiagoa bada, murrizketa % 19koa izango litzateke 24 hilabete lehenago erretiratzeagatik (egun, % 15ekoa da).
Era berean, kotizatutakoa 41 urte eta 6 hilabete baino gehiago bada, baina 44 urte eta 6 hilabete baino gutxiago, pentsioaren jaitsiera % 17koa izango litzateke bi urte lehenago erretiratzeagatik (egun, % 14); eta % 2,96koa urtebete lehenago erretiratzeagatik (egun, % 1,8).
Azkenik, 44 urte eta erdiko ibilbidea izanda bi urte lehenago erretiratu nahi direnen kasuan mantendu egingo lukete egungo % 13ko murrizketa, baina hilabete lehenago erretiratzeagatik egungo % 1,6ko murrizketatik % 2,81era pasatuko lirateke.
Ministroaren esanetan, neurriek bi helburu dituzte: lanean jarraitzea sustatzea eta egungo sistemako elementu atzeragarriak kentzea.
Bestalde, erretiroa atzeratzeagatik hiru pizgarri mota proposatu ditu Escribak: pentsioa % 4 igotzea lan egindako aparteko urte bakoitzeko; urtean 12.060,12 euro artean ematea (44,5 urte kotizatuta dituztenen kasuan); edo aurreko bi aukerak uztartuko dituen sistema misto bat.
Erretiro partzialaren kasuan, ministroak nabarmendu du "malgutu" egingo luketela horren erabilera, baina betiere "une batzuetan emandako abusuak zuzenduta".
Hori horrela, lanaldiaren % 60 lehen urtean pilatzea proposatu die Espainiako Gobernuak sindikatuei. Lan arriskutsuen kasuan, hasieran pilatzeko aukera emango lukete.
Erretiroa hartzera derrigortzeko klausulen aurka ere azaldu da Escriva, baina halakoak dituzten lan hitzarmen kolektiboen kasuetan hitzarmena bera bukatu eta gero jarriko litzateke indarrean neurri berria.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.