Argindarraren prezioak gora egin du berriro, eta maximo historikoetara hurbiltzen ari da
Handizkako merkatuan, argindarraren batezbesteko salneurria megawatt orduko 106,27 eurokoa izango da astearte honetan, historiako bigarren garestiena, astelehenekoarekin alderatuta % 3 garestituz, hain zuzen.
Konkretuki, uztailaren 21ean soilik izan zuen argindarrak salneurri garestiago bat: megawatt orduko 106,57 euro, OMIEko datuen arabera.
Gas naturalaren garestitzeak eta isurtzeko eskubideen salneurri altuek igoera eragin dutela diote oraingoan.
Zehazki, isurtzeko eskubideak tonako ia 54 eurora arte garestitu dira, urte hasieran prezioa 33 euro ingurukoa zenean. Bitartean, gas naturala megawatt orduko 41,3 eurotan dago jadanik, Mibgasek jakitera eman duenez.
Energiaren prezioak fakturaren % 24 inguru suposatzen du; % 50-55 bidesariak (garraio eta hornidura sareak), karguak (berriztagarriak, tarifa defizita) eta gainerako zergak dira.
Kontsumitzaile arrunt baten argindar faktura % 36,2 garestitu da uztailean, iazko hilabete berdinarekin alderatuta. 85,34 euroko faktura jaso du, Facua kontsumitzaileen elkarteak zehaztu duenez.
Horrela, uztailaren 1etik 31ra aplikatutako tarifekin, erabiltzaile arrunt batek 2020ko uztailean baino 22,67 euro gehiago ordainduko ditu. Orduan faktura 62,67 eurokoa izan zen.
BEZaren beherakadak igoera zertxobait arindu du
Megawattaren batezbesteko prezioa 45 euroren gainetik dagoen bitartean, BEZ % 10ean izateak 8,54 eurotan arinduko du argindarraren igoera, abendura arte behintzat. % 21eko BEZ aplikatzen jarraituko balitz, fakturak marka guztiak hautsiko lituzke, 93,88 euro ordainduz, elkarteak egindako kalkuluen arabera.
Horrela, kontsumitzaile arrunt batentzako historiako hirugarren faktura garestiena izan da uztailekoa. Orain arte, bost fakturarik garestienak hauek izan dira: 88,66 euro 2021ko lehen hiruhilekoan; 87,81 euro 2017ko urtarrilean, 85,34 euro uztailean, 83,55 euro 2018ko irailean eta 82,13 euro 2021eko maiatzean.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.