Ministroen Kontseiluak pentsioen erreformaren lege-proiektua onartu du
Gaur egin den Ministroen Kontseiluak, oporren etenaldiaren osteko lehenak, pentsioen sistema erreformatzeko lege-proiektua onartu du, lehen neurri-sortarekin, aurreproiektuak izapide guztiak gainditu ondoren. Parlamentuan eztabaidatu eta onartu beharko da orain, baina urtea amaitzerako neurriak prest izatea da helburua.
Araudi horrek aurreko urteko inflazioarekin lotzen du pentsioen errebalorizazioa, eta, beraz, 2013an onartutako jasangarritasun-faktorea ezabatuko da.
Pentsiodunen erosahalmena bermatzeko lege-aurreproiektua jendaurrean egon da uztailaren 16ra arte, eta hainbat txosten tekniko jaso ditu, bai eta Ekonomia eta Gizarte Kontseiluaren oniritzia ere.
Espainiako Gobernuaren, patronalaren eta sindikatuen arteko hainbat hilabeteko negoziazioaren ondorioz, pentsioen sistema erreformatzeko lehen neurrien inguruan lortutako akordio soziala ekainaren 28an argitaratu zen, eta uztailaren 1ean sinatu zuten CCOO eta UGT sindikatuetako buruek, CEOEk eta Pedro Sanchez Espainiako Gobernuko presidenteak.
Elkarrizketa Sozialerako Mahaiaren erabaki horrek Toledoko Itunaren Parlamentuko Batzordearen gomendioei erantzuten die, eta, lege-proiektu bihurtu eta Gorteetara bidali ondoren, udazkenean izapidetuko da 2022ko urtarrilaren 1ean indarrean jartzeko helburuarekin.
Pentsioen errebalorizazioaz gain, lehen neurri-sortak jasangarritasun-faktorea indargabetzea eta elkarrizketa sozialean doikuntza-mekanismo berri bat adosteko konpromisoa jasotzen ditu, 2027an aplikatzen hasiko litzatekeena.
Erreformaren lehen pieza horrek aurre-erretiroetarako koefiziente murriztaileei ere eragingo die, eta hainbat neurri hartuko ditu lan-ibilbidea borondatez luzatzeko, benetako erretiro-adina legezko adinera hurbiltzeko.
Hitzarmen kolektiboetan hitzartutako nahitaezko erretiroa ere mugatzen du, baina salbuespen batzuekin: kontratazio mugagabea sustatzea eta, sektore maskulinizatuenetan, emakumeen kontratazioa sustatzea.
Pentsiodunen eskaera
Elkarrizketa Sozialerako Mahaian lortutako akordioaren ostean "pentsioen murrizketak larriagotu" egingo direla salatu du Bizkaiko Pentsiodunen Mugimenduak, astelehen honetan, Bilbon egindako manifestazioan. Protestan, "Gizarte Segurantzako sistema publikoak bermatu beharreko pentsio publiko duinak eta nahikoak" eskatu zituzten.
Manifestazioaren hasieran, Andrea Uña Pentsiodunen Mugimenduaren ordezkariak gogorarazi zuenez, "Elkarrizketa Sozialerako Mahaian Gobernuak, CEOE-CEPYMEk, CCOOk eta UGTk lortutako akordioaren ostean azken urte hauetan ezagutu ditugun pentsioen murrizketak larriagotu egingo direla salatzea" da helburua.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.