Pentsioen erreformak "murrizketa larriak" ekarriko dituela salatu du ELAk
Mitxel Lakuntza ELAko idazkari nagusiak adierazi du iraunkortasun faktorea ordezkatuko duen Belaunaldi arteko Ekitate Mekanismo berria pentsioak murrizteko "txeke zuri" bat dela Gobernuarentzat. Izan ere, sindikatuak azaldu duenez, pentsioak kalkulatzeko sistema berriak ez du "indargabetuko" aurreko faktorea, baizik eta berriarekin ordezkatuko dela.
Gaur prentsaurrekoan agertu da Lakuntza, sindikatuko Mikel Nova eta Janire Landaluze kideekin batera. Horretan, pentsioen harira joan den asteartean Elkarrizketa Soziala delakoan adostutakoaren balorazioa egin dute.
Akordio horren arabera, pentsioak inflazioaren bilakaerari lotuko zaizkio berriro, legez. Horrek esan nahi du bizi-itxaropenari lotutako iraunkortasun faktorearen ordez doikuntza-mekanismo berri bat ezarriko dela 2027an, eta irailera arteko epea egongo dela mekanismo hori ezartzeko.
ELAren ustez, neurri "larriena eta arriskutsuena" aipatutako iraunkortasun faktorea ordezkatuko duen mekanismoa da. Gainera, ziurtatu duenez, azaroaren 15a baino lehen ez badago adostasunik Elkarrizketa Sozialean mekanismo horren edukia zehazteko, gobernuak "bidea libre" izango du pentsioen kalkuluan, erretiro-adinean edo pentsioen balio-handitzean murrizketak aplikatzeko.
Hori dela eta, sindikatuko idazkari nagusiak eskatu die Kongresuko diputatu guztiei proposatutako erreformaren aurka egiteko.
KPIren arabera pentsioen balio-handitzeari dagokionez, ELAk esan du 2018tik urtero aplikatzen ari zirela aurrekontuetan, eta azaldu du akordioak ezartzen duela "aldi baterako" neurria izango dela, 5 urteren buruan berrikusiko dena.
ELAk gogorarazi du akordio hori Elkarrizketa Sozial delakoaren emaitza izan dela, hau da, "gizarte-bakearekin, pentsioen murrizketak bideratzeko mekanismoaren bidez". Hori dela eta, "2011ko eta 2013ko erreformetan onartutako murrizketak atzera botatzea" eskatu eta gutxieneko pentsioa 1.080 eurokoa izatea aldarrikatu du sindikatuak.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.