Siemens Gamesak 2.900 kaleratze iragarri ditu, horietatik 475, Espainian
Siemens Gamesak ostegun honetan iragarri duenez, 2.900 langile kaleratuko ditu, horietatik 475, Espainian, hazkunde iraunkorra lortzeko 'Mistral' programa estrategikoaren barruan. Hala jakinarazi du aire-sorgailuen fabrikatzaileak ohar baten bidez.
Orotara, bost planta ditu konpainia alemaniarrak Hego Euskal Herrian, hiru EAEn (Zamudion, Asteasun eta Mungian), 1.011 langilerekin, eta bi Nafarroan (Sarrigurenen eta Arazurin), 1.823ko plantillarekin. Enpresak zehaztu duenez, langileen ordezkariekin lankidetza estuan arituko da murrizketaren eragina ahalik eta txikiena izateko, borondatezko irteerak eta birkokatzeak lehenetsiz. Negoziazio aldia 2022ko urriaren hasieran irekiko da..
Horrela, Espainiako murrizketak Gamesak Siemensen dibisio eolikoarekin bat egitetik sortutako taldeak herrialdean duen plantilla osoaren % 9 pasatxori eragingo dio, hau da, 5.097 langileri, enpresaren datuen arabera.
Doikuntza-plan horrek Europan izango du eragin nabarmenena; izan ere, Espainian ez ezik, Danimarkan (800), Alemanian (300) eta Erresuma Batuan (50) ere murrizketak izango dira.
Jochen Eickholt Siemens Gamesako kontseilari delegatuak adierazi duenez, "sekula ez da erraza izaten horrelako erabaki bat hartzea, baina hau da unea konpainia beste norabide batean jarri, eta etorkizun jasangarria ziurtatuko duten neurriak hartzeko".
"Siemens Gamesa indartsuagoa eta lehiakorragoa eraiki behar dugu, trantsizio energetiko berdean funtsezko eragile gisa dugun posizioa sendotzeko", adierazi du.
Siemens Gamesak oharrean adierazi duenez, plantilla doitzeko neurri hau urrats berri bat da enpresak nahi duen eredu operatibo berria ezartzeko, "konpainiaren potentziala maximizatzeko, eta epe luzerako hazkunde errentagarria ahalbidetzeko diseinatua, egitura sinpleago eta eraginkorrago baten bidez".
"Mistral" programa maiatzean abiaraztearekin batera, berrantolaketa prozesu bat jarri zen abian, bai funtzio desberdinetako sinergiak identifikatzeko, baita merkatuaren gaitasuna egokitzeko ere.
Enpresak abuztuan aurreratu zuenez, 1.226 milioi euroko diru galerak izan ditu lehen 9 hilabeteetan. Taldeak aurreko urtean izandako 368 milioi euroko galerak hirukoiztu ditu.
Zure interesekoa izan daiteke
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.
EAEko taxilariek manifestazioa egin dute Bilbon VTC plataformen "gehiegikerien" aurka
Taxien sektorean egiten dituzten azterketa berdinak eskatzen dizkiete erakundeei plataforma hauentzat. Salatu dutenez, Bizkaian ibilgailu hauentzat lizentzia berrien "jarioa etengabea" da, Foru Aldundiak baimenduta. Jakitera eman dutenez, Gipuzkoan egoera desberdina da, ez delako lizentzia berririk ematen. Araban, berriz, "erresistentzia instituzionala handiagoa" dela diote.
Mikel Jauregiren arabera, Tubos Reunidosen irtenbideak "bideragarria" izan behar du, eta berregituraketak, "epe luzekoa"
Eusko Jaurlaritzako Industria, Trantsizio Energetiko eta Jasangarritasun sailburuak eragile guztien artean Tubos Reunidosen benetako bideragarritasuna bilatzearen eta Amurrion eta Trapagaranen industria-jarduerari eutsiko dion "etorkizuneko industria-proiektu bat osatzearen alde" egin du Radio Euskadin. Hala ere, onartu du zorra arazo garrantzitsua dela eta "egoera zaila" dela.
Gipuzkoako Aldundia tasa turistikoa uda honetan indarrean jartzekotan dago
Foru Gobernuaren Kontseiluak aurreikusten du martxoaren 17an onartu dezakeela zerga arautuko duen lege-proiektua. Ondoren, Batzar Nagusietara eramango dute eztabaidatzeko eta, onartzen bada, udalerriak aplikatzen hasi ahal izango dira.
Absentismoa murrizteko negoziazio kolektiboan pizgarriak adostearen alde egin du Cebekek
Bizkaiko patronalak negoziazio kolektiboari "inposiziorik gabe" eta elkarrizketaren aldeko apustuarekin ekiteko deia egin du, eta hitzarmenetan absentismoaren eragina murriztea ahalbidetuko duten akordioak eta pizgarriak (ez dute zertan ekonomikoak izan) sartzea defendatu du.