Hiru hegaldi bertan behera gelditu dira gaur Bilboko Aireportuan Air Europako pilotuen grebaren ondorioz
Gaur hasi den Air Europa konpainiako pilotuen grebak hiru hegaldi utzi ditu bertan behera, momentuz, Bilboko Aireportuan.
Bilboko Aireportutik Madrid-Barajas Adolfo Suarez aireportura gaur (maiatzak 1) 08:30ean eta 12:45ean irten behar zuten hegaldiak lurrean gelditu direla baieztatu du AENAk, baita, Madrildik irten ondoren, Loiura 12:00etan iritsi behar zuena ere.
Horrez gainera, dagoeneko baieztatu dutenez, biharko (maiatzak 2) aurreikusita zeuden hegaldietatik lau ez dira aterako: 08:30ean eta 16:50ean Madrilera joan behar zutenak eta, bertatik abiatuta, 12:00etan eta 20:05ean Loiura iristekoak zirenak. Hegaldi hauek guztiek Loiu eta Madrilgo aireportuak lotu behar zituzten.
Air Europa konpainiako pilotuen greba maiatzaren 1, 2, 4 eta 5erako dago deituta. Konpainiak bere webgunean argitaratu duen informazioaren arabera, euskal aireportuei dagokionez, Bilbokoan soilik nabarituko da geldialdiaren eragina.
Aero Lineetako Pilotuen Espainiako sindikatuak (Sepla) adierazi duenez, lan-hitzarmen berriaren negoziazioetan, "Air Europako zuzendaritzak eragin duen gatazka eta tentsioaren ondorioz" sortutako greba da honakoa. Enpresa "langileekin eskubideekin jolasten" eta "langileen eskubideen galera dakarten neurriak proposamen gisa" aurkezten ari dela salatu du sindikatuak.
Pilotuen hitzetan, zuzendaritzak "negoziazioaren ordez liskarra" bilatu du eta, "bi aldeen arteko ulermen puntu bat bilatu ordez, pilotuak mehatxatu eta deskalifikatu ditu" Bitartekaritza eta Arbitraje Zerbitzu Interkonfederalarekin (SIMA) egindako jardunaldietan.
Bere aldetik, Air Europa enpresak greba hau "arduragabea eta berekoia" dela salatu du publiko egin duen zirkularrean. Grebaren ondorioz "etorriko diren galerek etorkizuneko operazioak (hegazkin berriak erosteko, adibidez) eta Bideragarritasun Plana betetzea zalantzan jarriko dituzte", azaldu du. "Neurri zorrotz eta berekoi honek eta izango duen eraginak ez die ordezkari sindikalei eta pilotuei euren helburuak lortzen lagunduko; kontrakoa lortuko dute", ohartarazi du komunikatuan.
Bien bitartean, Facua kontsumitzaileen elkarteak grebaren kalteak jasan dituzten bidaiariei gogorarazi die eskubidea daukatela bidaia-txartelaren zenbatekoa, hegaldia bertan behera gelditu izanak sortutako gastuen ordaina eta, gutxienez, 250 euroko kalte-ordaina eskatzeko.
Albiste gehiago ekonomia
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.
BPGa % 2,2 handitu da Euskadin 2025eko bigarren hiruhilekoan
Eustatek zabaldutako datuen arabera, urte arteko hazkundea % 1,4koa izan da, hau da, aurreko urteko bigarren hiruhilekoan baino 14 035 lanpostu gehiago sortu dira aurten.
Horrelakoa izango da 2027tik aurrera egingo den euskal aireportuen handitzea
Loiuk, Forondak, Hondarribiak eta Noainek hobekuntzak egingo dituzte instalazioetan, Aenaren 2027-2031 inbertsio-planaren barruan, 13 milioi euroko inbertsio globalarekin.
Amnistia Internazionalak Jerusalemgo tren arinaren proiektua bertan behera uzteko eskatu dio CAFi
Gobernuz Kanpoko Erakundeak salatu duenez, tranbia-lineak zabaltzeak legez kanpoko asentamendu israeldarrak sendotzen eta Jerusalem ekialdea anexionatzen laguntzen du.
Greba mugagabea deitu dute Maderas de Llodio enpresan irailaren 22tik aurrera
Ohar batean, enpresa-batzordeak salatu du enpresak "ekoizpenaren % 40 beste lantokietara eramateko asmoa" iragarri duela. "Horrek deslokalizazioa suposatzen du, Madelas de Llodioko lantegiaren eta gure eskualdearen etorkizuna arriskuan jartzen duena".
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.