Japoniako burtsak azken 37 urteetako galerarik handiena jasan du, eta herrestan eraman ditu beste burtsak
"Astelehen beltza" mundu osoko burtsetan. Balore merkatuentzat egun madarikatua bilatzeko traza handiak ditu astelehen honek. Izan ere, Asiako burtsa nagusiak, Japoniako Nikkeiak, % 12,40 galdu du. Azken 37 urteotan izandako beherakada handiena da, 1987ko urriaren 20ko Black Monday ("astelehen beltza") ostean. Orduko hartan % 14,90 egin zuen behera. Puntuen galeran, bestalde, marka hautsi du gaurko saioak: 4.451,28 puntu egin du behera, 1987ko 3.836,48 puntuak aise gaindituta.
Beldurrak airean, Europako burtsek ere zenbaki gorriekin abiatu dute gaurko saioa. Hala, Milango Burtsak % 3,8 egin du behera; Alemaniako Dax 40k, % 3; Ibex espainiarrak, % 2,8; Parisko Burtsak, % 2,7, eta Londreskoak % 2,4.
Gaur ere, Wall Street New Yorkeko burtsak (AEB) behera egin du bere irekieran, 1.000 puntutik gorako beherakadekin Dow Jones eta Nasdaq adierazleetan.
Izua joan den astean zabaldu zen AEBk enplegu eta industria jarduera datuak ezagutarazi ostean. Ameriketako Estatu Batuetako ekonomia espero baino motelago ari da suspertzen, eta adituek atzeraldian sartuko ote den beldur dira. Ostiralean beherakadak izan ziren Wall Streeten, eta gaurko saioan, antzerako egoera zabaldu da Asian eta Europan.
Tokiko burtsaren beherakadan beste faktore bat ere izan da. Izan ere, Japoniako Bankuak (BoJ) interes tipoak igotzea ebatzi zuen, eta horrek yenaren balioa igoarazi zuen euroaren eta dolarraren aldean. Joera horrek kalte egiten die Japoniako esportatzaile handiei.
"Inbertsore atzerritarrek euren Japoniako akzioak saltzen hasi dira, AEB atzeraldian sartuko den beldur", azaldu du Naka Matsuzawa Nomura Securities enpresako analistak.
Beherakadaz galdetuta, Japoniako Gobernuak ez du adierazpenik egin nahi izan. "Burtsaren balioa hainbat faktoreren arabera erabakitzen da, egoera ekonomikoa eta enpresen jardunaren arabera, besteak beste. Halakoetan ez dugu eguneko gorabeheren berri ematen", adierazi du Yoshimasa Hayashi gobernuko bozeramaileak prentsa aurrekoan. Dena dela, jakinarazi du erne jarraituko dutela eta Japoniako "ekonomia eta finantzak kudeatzeko eginahalak" egingo dituztela.
Nikkei indizeko galera handienak teknologia arloko enpresek pairatu dituzte. Hori horrela, Softbank teknologia eta inbertsio taldeak % 18,65 galdu du; Mitsubishi UFJ banketxeak % 17,84. Nintendo bideojokoen erraldoiak % 16,53 egin du behera, eta Nissanek, % 14,48. Aipagarriak dira, halaber, Toyota Motorren (% 13,65) eta Sonyren (% 7,61) zartakoak.
Albiste gehiago ekonomia
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".
Gasteizko lorezainek grebari eutsiko diote, azken bilera akordiorik gabe amaitu baita
ELA, LAB eta ESK sindikatuek "ulertezintzat" jo dute Udalak Enviserren "kontratua ez etetea" eta lan-baldintzen hobekuntzei "mugak jartzea".