ConfeBaskek eragileen arteko itun bat eskatu du "absentismoaren arazoari" aurre egiteko
2023an gaixotasunengatiko bajek eragindako lan absentismoaren tasa % 5,8koa izan zen Euskal Autonomia Erkidegoan, Espainiako Estatuko eta Europako indizearen gainetik. Batez ere, 55 urtetik gorako gizonezkoak izan ziren aipatutako arrazoia dela eta lanera joan ez zirenak.
Orkestra Lehiakortasunerako Euskal Institutuak eman ditu datuok, ConfeBaskek deituta, goizean, Bilbon, 'Euskadiko lan-absentismoa berrikustea eta aztertzea' goiburupean egin den mahainguruan. Hainbat eragilek hartu dute parte, horien artean, CCOO eta UGT sindikatuetako ordezkariek, eta baita Eusko Jaurlaritzakoek ere.
Bere hitzaldian, Tamara Yagüe ConfeBasken presidenteak eragileen arteko "itun bateratua" eskatu du, "absentismoaren arazoari" aurre egiteko. Esan duenez, "lan absentismoaren aldagaia erronka bat da gure enpresen produktibitaterako eta lehiakortasunerako". " Lehiakorrak eta denboran iraunkorrak diren enpresarik gabe, ez dago enplegu onik, ezta biltzeko zergarik ere", erantsi du. Hala, "guztion arteko konpromisoan, lankidetzan eta konfiantzan" oinarritutako akordioa aldarrikatu du.
Bere aldetik, Mikel Torres Eusko Jaurlaritzako bigarren lehendakariorde eta Ekonomia, Lan eta Enpleguko sailburuak kontzeptuak ez nahastea eskatu du. Horren hitzetan, "ez dira zaku berean sartu behar", amatasun, aitatasun edota bestelako lan-baimenak eta absentismoa. Langileen bizi kalitatea hobetzeko "akordioak" eskatu ditu.
Bestalde, Osakidetzaren "gainbeherekin" lotu dute gaixotasun bajen iraupena luzatzea CCOO eta UGT sindikatuek. Halaber, Raul Arzak (UGT) eta Loli Garciak (CCOO) iritzi diote osasun arriskuen aurrean prebentzio planak falta direla. Langileen adina ere —% 40 inguruk 50 urte baino gehiago dituzte, eta % 25ek 55 baino gehiago—, kontuan hartu beharreko faktorea da, sindikatuon arabera, absentismoa aztertzerakoan.
Elkarretaratzea
The Artist hotelaren barruan mahaingurua egiten ari ziren bitartean, kanpoan elkarretaratzea egin dute LAB, ESK, Steilas, EHNE, Etxalde eta Hiru sindikatuek. Salatu dutenez, "ez dago benetako absentismo arazorik, lan osasuneko araudia errespetatzen ez duen patronala baizik".
Inko Iriarte LABen Lan Osasuneko arduradunaren arabera, "fake news kanpaina bat da" patronala absentismoaren inguruan zabaltzen ari den mezua. Azaldu duenez, "urteetan, enpresek eta euren mutualitateek hamaika neurri bultzatu dituzte absentismoaren aurka, hala nola baja arrunten kontrola mutualitateen esku uztea eta enpresa espezializatuak erabiltzea baja arrunten fiskalizazioa egiteko". Neurri horiek guztiek "absentismoak gora egitea" besterik ekarri ez dutela adierazi du Iriartek. "Enpresek badakite prebentzioa bermatuz gero, osasunerako egokiak diren lanpostuak sortuz gero, bajen kopurua modu nabarmenean jaitsiko litzakeela".
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".