Guardianek urtarrilaren 29ra aurreratu du Laudioko lantegiko labearen itxiera
Guardian Glasseko enpresa-batzordeak zuzendaritzaren ohar bat jaso du labea itzaltzeko operazioa urtarrilaren 29ra aurreratzen dela jakinarazteko, Laudioko (Araba) lantegiko beharginen ordezkariek ohar labur batean azaldu dutenez. Hasiera batean, labea otsailaren 3an itxiko dutela iragarri zuen konpainiak.
Ondorioz, langileen ordezkariek proposatuko dute greba mugagabea hilaren 30ko 00:00etatik aurrera abiatzea, legezko epeak errespetatuz. Era berean, elkarretaratzea deitu dute hilaren 29rako, lantegiaren sarreran, 07:00etatik 10:00etara.
Arabako lantegiko enpresa-batzordeak datorren astelehenean planteatuko die beharginei greba mugagabea deitzeko aukera, eta ziurrenik langileek berretsiko dute.
Greba mugagabea da langileei "mahai gainean jarriko zaien tresneetako bat", eta astelehenean eman beharko dute iritzia, batzarrean, batzordeak planteatuko dizkien aukerei buruz.
Sindikatuetako iturriek baieztatu dutenez, datorren astelehenean emango dute "bide-orriaren" berri, zuzendaritzak urtarrilaren 29an labea itzaltzeko egindako iragarpenari erantzunez, eta, ondoren, oraindik zehazteke dagoen egun batean, fabrika ixteko.
Labea itzaltzeak lantegia behin betiko ixteko epeak azkartu ditzakeen beldur direla adierazi dute langileen ordezkariek. Hasiera batean, lantegia sei hilabete barru ixtea aurreikusita zegoen.
Zure interesekoa izan daiteke
Tubos Reunidoseko langileek elkarretaratzea egin dute Bilboko San Mameseko zabalgunean
Athletic-Betis partidaren atarian lan erregulazioa eta altzairutegia ixtearen kontrako jarrera azaldu dute. Gainera borondatezko bajei atxikimendua emateko prozesua kritikatu dute eta zalantzak dituzte 301 langileek izena eman ote duten.
LABek "ez du derrigorrezko kaleratzerik onartuko" Tubos Reunidosen
Garbiñe Aranburu LABeko idazkari nagusiak adierazi du ez dutela enpresaren "xantaia" onartzen, eta erantsi du ez dutela onetsiko 300 langile kaleratu behar izatea enpresaren bideragarritasunaz negoziatzen hasteko.
Indarrean dira Irango gerrak sortutako krisiaren aurka Espainiako Gobernuak hartutako neurriak
Elektrizitatea eta erregaiak merkeagoak dira, besteak beste, BEZa % 21etik % 10era jaitsi delako.
Aldizkari ofizialak argitaratu ditu jada Espainiako Gobernuaren krisiaren aurkako neurriak, eta bihar jarriko dira indarrean
Elektrizitatearen BEZa % 21etik % 10era jaitsiko da, gasolinaren, gasolioaren eta beste hidrokarburo batzuena bezalaxe.
Tubos Reunidoseko langileek trafiko arazoak eragin dituzte Bilbon, Sabino Arana etorbidea moztuta
Tubos Reunidoseko langileek Sabino Arana etorbidea moztu dute. Argazkia: EITB Media
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.