Lana izan arren, ongizaterik ez: seme-alabak dituzten EAEko langile-familien ia % 16 pobrezian bizi dira
Euskadin, adingabeak ardurapean dituzten sei familiatik ia batek langile-pobrezia sufritzen du, eta errealitate horrek agerian uzten du enplegua izateak ez duela bermatzen bizimodu duina izatea. Hala erakusten du Save the Childrenek egindako ikerketa batek. Txosten horrek aztertzen du zer eragin duten lan-baldintzek haurren bizi-kalitatean.
Dokumentuak nabarmendu duenez, seme-alabak dituzten EAEko familien % 15,9k ez du pobreziatik irtetea lortzen, nahiz eta gutxienez lansari bat izan. Guztira, haurren % 24 pobrezian bizi dira. Horren eragile nagusi dira enplegu ezegonkorrak, soldata baxukoak, lanaldi partzialak eta gizarte-babes eskasa. Emakumeek, migratzaileek eta norbere kontura lan egiten dutenek jasaten dute prekarietatea, batik bat.
Guraso bakarreko etxeak eta familia ugariak dira zaurgarrienak. Heldu bakarra buru duten hamar familiatik lau langile-pobreziako egoeran daude, eta familia ugarietan, berriz, arazoak % 10ri baino gehiagori eragiten die. Gainera, seme-alabak haztea garestitu egin da (hilean 866 euro, seme-alabako), eta horrek egoera larriagotu du.
Politika publikoek gabezia horiek arintzen saiatzen dira Diru-sarrerak Bermatzeko Errenta (DBE) edo Bizitzeko Gutxieneko Diru-sarrera (BGD) prestazioekin, baina txostenaren arabera, ez dira beti iristen gehien behar dituztenengana. Save the Childrenek proposatu du hazkuntzagatiko laguntzak 18 urtera arte luzatzea eta osagarri ekonomikoak etapa bakoitzaren benetako beharretara egokitzea.
Txostenak adierazten du, gainera, premiazkoa dela lana eta familia hobeto uztartzea. Malgutasun handiagoa eskatzen dute lan-ordutegietan eta zaintza-zerbitzu irisgarrietan, bereziki baliabide gutxiko edo laguntza-sarerik gabeko etxeetan. Izan ere, txostenak ondorioztatu duenez, "lan egitea ezin da zaintzarako oztopo izan; ezta seme-alabak izatea pobreziara kondenatua izateko bidea ere".
Albiste gehiago ekonomia
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.