Euskadiko bizi-itxaropena munduko luzeenetakoa da
Euskadiko bizi-itxaropena "munduko luzeenetakoa" da, Eustaten arabera, eta 2020rako emakumeena 87,3 urtera eta gizonena 81,2 urtera iritsiko dela aurrikusi dute. Osasun alorreko gastua, berriz, EAEko Barne Produktu Gordinaren % 6,9koa izan da, Estatukoa (% 8,5) baino murritzagoa.
Francisco Javier Forcada Eustaten zuzendariak eta Jose Asua Eusko Jaurlaritzaren Osasun eta Kontsumo Sailaren ebaluazio eta Ezagutza Kudeaketaren zuzendariak aurkeztu dute Bilbon estatistikaren txostena.
Asuak azaldu duenez, "Euskadiko bizi-itxaropena munduko luzeenetakoa da" eta 77,2 urtekoa da gizonen kasuan eta 84,3 urtekoa emakumeenean. Baina kopuru horrek gora egingo du "nabarmen" datozen urteetan, izan ere, emakumeen bizi-itxaropena 87,3 urteraino eta gizonena 81,2 urteraino luzatuko omen da 2020rako, "generoen arteko aldea murriztuz".
Euskadiko bizi-itxaropena munduko handienetakoa den bezalaxe, EAEko heriotza tasa ere txikienetakoa da, 100.000 biztanleko 506 hain zuzen ere.
Eustaten zuzendariaren arabera, tasa Europar Batasunekoa (641 ehun mila biztanleko) baino txikiagoa da.
Euskadin, heriotza eragile nagusia tumoreak dira (100.000 heriotzatatik 172 eragiten dituzte batez beste). Ondoren zirkulazio-aparatuko arazoak daude (137), EBko batez bestearen (246) azpitik ere.
65 urtetik gorako pertsonen proportzioari dagokionez, Euskadiko tasa (% 18,7) Europako handienetakoa da (batez beste % 17koa da).
Umeen artean, Euskadiko proportzioa (% 12,6) Europako txikienetakoa da (% 15,7koa batez bestea).
Zure interesekoa izan daiteke
Bizkaibusek Gipuzkoako Mugi txartela onartuko du gaurtik aurrera
Horrela, hiru lurraldeetako erabiltzaileek ohiko txartelarekin Bizkaian mugitzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.